ဒုတိယအကြိမ် ပြည်သူ့လွှတ်တော် ပဉ္စမ ပုံမှန်အစည်းအဝေး (၂၀) ရက်မြောက်နေ့ ကျင်းပ

နေပြည်တော် ဇွန် ၂၃

နိုင်ငံတစ်ဝန်းလုံးရှိ ပြည်သူများ၏ အသက်အိုးအိမ် စည်းစိမ်များကို ထိခိုက်နစ်နာစေပြီး ပြည်သူအများ သဘောမတွေ့ လက်မခံသော နှစ်ရှည်စီမံကိန်းများနှင့် ခေတ်အဆက်ဆက် အစိုးရက ခွင့်ပြုထားသည့် လုပ်ငန်းများကို ပြန်လည် စိစစ်ပေးပါရန် ပြည်ထောင်စုအစိုးရအား တိုက်တွန်းကြောင်း အဆိုကို လွှတ်တော်က မှတ်တမ်းတင်၍ စောင့်ကြည့်သွားမည် ဖြစ်ကြောင်း ယနေ့ကျင်းပသည့် ပြည်သူ့လွှတ်တော် အစည်းအဝေးတွင် ဆုံးဖြတ်လိုက်သည်။

အဆိုနှင့်စပ်လျဉ်း၍ စီမံကိန်းနှင့် ဘဏ္ဍာရေး ၀န်ကြီးဌာန ဒုတိယ၀န်ကြီး ဦးမောင်မောင်ဝင်း က ရှင်းလင်း ဆွေးနွေးရာတွင် ယခုအခါ လုပ်ငန်းစီမံကိန်းများ ဆောင်ရွက်ရာ၌ နိုင်ငံတော်၏ မူဝါဒ၊ ရည်မှန်းချက်များနှင့် ကိုက်ညီပြီး နိုင်ငံတော်အတွက် အကျိုးရှိမည့် စီမံကိန်းများကိုသာ ဥပဒေ၊ နည်းဥပဒေ၊ စည်းမျဉ်းစည်းကမ်း၊ လုပ်ထုံး လုပ်နည်းများနှင့်အညီ လုပ်ကိုင်ခွင့်များ ချပေးလျက် ရှိကြောင်း၊ အများပြည်သူ ထိခိုက်နစ်နာမှုများ ရှိလာပါက လုပ်ကွက် ပိတ်သိမ်းခြင်း၊ စစ်ဆေး အရေးယူခြင်း၊ လျော်ကြေးငွေ ပေးချေစေခြင်းတို့ဖြင့် အရေးယူ ဆောင်ရွက်လျက် ရှိပါကြောင်း၊ ခွင့်ပြုခဲ့ပြီးသည့် လုပ်ငန်းစီမံကိန်းများနှင့် စပ်လျဉ်း၍ အများပြည်သူ ထိခိုက်နစ်နာမှုများ ပေါ်ပေါက် လာသဖြင့် နည်းလမ်းတကျ တင်ပြလာသည့် စီမံကိန်းများကို သက်ဆိုင်ရာက ပြန်လည်သုံးသပ် စိစစ်၍ လိုအပ်သည်များကို ပြန်လည် ညှိနှိုင်း ဆောင်ရွက်ပေးလျက် ရှိကြောင်း ပြောကြားသည်။

ယင်းအဆိုနှင့် စပ်လျဉ်း၍ လွှတ်တော် ကိုယ်စားလှယ် (၁၃)ဦး ဆွေးနွေးခဲ့ကြပြီး ကျောက်တန်းမဲဆန္ဒနယ်မှ ဒေါ်အေးမြမြမျိုးက ပြည်သူများ၏ အိုးအိမ်စည်းစိမ်များ ရင်းနှီးပေးဆပ်ပြီးမှ ဆောင်ရွက်ခဲ့သည့် စီမံကိန်းများ မည်မျှ အောင်မြင်နေကြောင်း၊ နိုင်ငံသူ နိုင်ငံသားများအတွက် အကျိုးမည်မျှ ရှိနေကြောင်းကို ဒီမိုကရေစီ အစိုးရအနေဖြင့် ပြန်လည် သုံးသပ်သင့်ကြောင်း၊ သီလဝါ ပြည်တွင်းစက်မှုဇုန်စီမံကိန်းကို မြေကွက်ပေါင်း ၁၈၁ ကွက်ဖော်ထုတ်ပြီး ၂၀၁၀ ခုနှစ် ကတည်းက စတင်အကောင်အထည် ဖော်ခဲ့ပါကြောင်း၊ ယင်းအထဲမှ မြေကွက် ၂၀ ကျော်တွင်သာ လုပ်ငန်းများ ဆောင်ရွက်နေပါကြောင်း၊ မြေကွက် ၃၀ ခန့်မှာ လယ်မြေကဲ့သို့ ကွက်လပ်များ ဖြစ်နေပြီး ကျန်သည့် မြေကွက်များကို ခြံစည်းရိုး ခတ်ထားထားပါကြောင်း၊ ဒေသခံပြည်သူလူထုသည် ဘိုးစဉ်ဘောင်ဆက် လုပ်ကိုင် စားသောက်ခဲ့ကြသည့် လယ်ယာမြေများကို စွန့်လွှတ်ပြီးမှ ယခုစီမံကိန်းကို ဖန်တီးထားခြင်း ဖြစ်ပါကြောင်း၊ အခြားနည်းလမ်း အသုံးပြုခွင့်ရပြီး ခွင့်ပြုသည့် ရက်မှ ၆ လအတွင်း သတ်မှတ်သော နည်းလမ်းများဖြင့် စတင်အသုံးပြုခြင်း မရှိ၍ဖြစ်စေ၊ သတ်မှတ်ကာလအတွင်း လုပ်ငန်းပြီးစီးမှု မရှိ၍ဖြစ်စေ လယ်ယာမြေအား ပြန်လည် သိမ်းယူခံရမည်။ အမှန်တကယ်လိုအပ်သော အနည်းဆုံး ပမာဏကိုသာ သိမ်းယူရမည်ဟု သတ်မှတ် ထားသော်လည်း ဥပဒေ၊ နည်းဥပဒေ၊ ညွှန်ကြားချက်များနှင့် လွဲချော်နေမှုများ ရှိနေပါကြောင်း ဆွေးနွေး သည်။

ထို့အတူ မင်္ဂလာတောင်ညွန့် မဲဆန္ဒနယ်မှ ဒေါ်ဖြူဖြူသင်းကလည်း လွဲမှားသည့် စီမံကိန်း များကြောင့် နစ်နာဆုံးရှုံးမှု များစွာနှင့် ရင်ဆိုင်နေရကြောင်း၊ စီမံခန့်ခွဲမှု အမှားများကြောင့် ပြည်သူ လူထုသည် သဘာဝ ဘေးအန္တရာယ် ဆိုးကျိုးများကို ခံစားနေရပါကြောင်း၊ စီမံကိန်းများသည် ခွင့်ပြုထားသည့် သတ်မှတ်ချက်ကိုကျော်လွန်၍ တောင်များဖြိုခြင်း၊ မိုင်းများခွဲခြင်းကို ဆောင်ရွက်နေဆဲ ဖြစ်ပါကြောင်း၊ ဧရာဝတီမြစ် မြစ်ညှာတွင် ဆည်များ ဆောက်ခြင်း၊ ကျောက်များစုပ်ယူ ခြင်း၊ ရွှေကျင်ခြင်း၊ သတ္ထုတူးခြင်း လုပ်ငန်းများကြောင့် မြစ်မှာ တစ်ဖြည်းဖြည်း တိမ်ကောနေပါကြောင်း၊ ယင်းမှာ တရားဝင် နှစ်ရှည်လုပ်ကိုင်ခွင့်ရ စီမံကိန်းများမှ ဖြစ်ပေါ်လာသည့် ဘေးထွက် ဆိုးကျိုးများ ဖြစ်ပါကြောင်း၊ ယခုအခြေအနေတွင် စီးပွားရေးလုပ်ကွက်များကို စိစစ်ကြပ်မတ် သင့်ပါကြောင်း၊ အများပြည်သူ ကျန်းမာရေး လုပ်ဆောင်နေသည့် အားကစားကွင်းများကိုပါ လုပ်ငန်းများ လုပ်ကိုင်ခွင့်ပေးခဲ့ခြင်းသည် ရင်းနှီးမြှုပ်နှံမှု ဥပဒေနှင့် ဆန့်ကျင်နေပါကြောင်း။ မင်္ဂလာ တောင်ညွန့်မြို့နယ်တွင် ပြည်သူများ လက်မခံသော ရင်းနှီးမြှုပ်နှံမှု လုပ်ငန်းအမြောက် အများရှိပါကြောင်း ဆွေးနွေးသည်။

လွှတ်တော် ကိုယ်စားလှယ် ၁၃ ဦး၏ ဆွေးနွေးမှုအပြီးတွင် စီမံကိန်းနှင့် ဘဏ္ဍာရေး ၀န်ကြီးဌာန ဒုတိယ၀န်ကြီး ဦးမောင်မောင်ဝင်းက မြန်မာနိုင်ငံ၏ ခေတ်အဆက်ဆက် အစိုးရလက်ထက်တွင် နိုင်ငံတော် အတွက် လိုအပ်ချက်အရ နိုင်ငံခြား ရင်းနှီးမြှပ်နှံသူများ၊ နိုင်ငံသား ပုဂ္ဂလိက လုပ်ငန်းရှင်များနှင့် အစိုးရ- ပုဂ္ဂလိက ဖက်စပ် ရင်းနှီးမှုများအတွက် နှစ် ၃၀၊ နှစ် ၆၀ နှစ်ရှည် စီမံကိန်းများကို ခွင့်ပြုခဲ့ပါကြောင်း၊ အဆိုပါစီမံကိန်းများတွင် ကျွန်းသစ် ထုတ်လုပ်ခြင်း၊  ရေနံနှင့် သဘာဝ ဓာတ်ငွေ့ ထုတ်လုပ်ခြင်း၊ ပုလဲ၊ ကျောက်စိမ်းနှင့် တွင်းထွက် ကျောက်မျက် ရတနာများ ရှာဖွေထုတ်လုပ်ခြင်း၊ သတ္ထုရှာဖွေ ထုတ်လုပ်ခြင်း၊ လမ်းခင်း ကျောက်မိုင်းများ ထုတ်လုပ်ခြင်း၊ ရေနက်ဆိပ်ကမ်း၊ မြို့ပြဖွံ့ဖြိုးရေး အတွက် မြို့သစ်ထုတ်ဖော်ခြင်း၊ ပြည်ပ တင်ပို့ရောင်းချခြင်း၊ ဆောက်လုပ်ရေး လုပ်ငန်း၊ စက်ရုံ၊ အလုပ်ရုံနှင့် အခြားသော စီမံကိန်းများ ပါဝင်ပါကြောင်း။

ယခုအစိုးရ လက်ထက်တွင် အဆိုပါ စီမံကိန်း လုပ်ငန်းများကြောင့် သဘာဝ ပတ်ဝန်းကျင် ထိခိုက်ပျက်စီးဆုံးရှုံးပြီး ပြည်သူအများ၏ အသက်အိုးအိမ်၊ စည်းစိမ် ထိခိုက်နစ်မှုများ ရှိကြောင်းနှင့် စီမံကိန်းများအပေါ် ပြန်လည် စိစစ်မှုများ ပြုလုပ်ပေးရန် တောင်းဆိုလာခြင်းအပေါ် ပတ်ဝန်းကျင် ထိန်းသိမ်းရေးဥပဒေ ၂၀၁၂ အရ ကနဦး ပတ်ဝန်းကျင် ဆန်းစစ်ခြင်း၊ ပတ်ဝန်းကျင် ထိခိုက်မှုဆန်းစစ်ခြင်း၊ ပတ်ဝန်းကျင် စီမံခန့်ခွဲမှုအစီအစဉ်၊ လူမှုပတ်ဝန်းကျင်ထိခိုက်မှု ဆန်းစစ်ခြင်း၊ လူမှုအကျိုးပြု လုပ်ငန်းများ ဆောင်ရွက်မည့် အစီအစဉ် စသည့် အစီရင်ခံစာများအပြင် ပြည် တွင်းရှိ ပတ်ဝန်းကျင်ဆိုင်ရာ လေ့လာ စောင့်ကြည့်ရေးအဖွဲ့များ၏ သုံးသပ်ချက်၊ တွေ့ရှိချက်၊ အကြံပြုချက်များရယူပြီး ပြန်လည် စိစစ်ပြင်ဆင်မှုများ ဆောင်ရွက်ပေးခဲ့ပါကြောင်း ရှင်းလင်း ပြောကြားသည်။

ယင်းအဆိုကို ပေါင်မဲဆန္ဒနယ်မှ ဒေါ်မိကွန်ချမ်းက တင်သွင်းခဲ့ခြင်း ဖြစ်ပြီး ညောင်ရွှေ မဲဆန္ဒနယ်မှ ဦးဝင်းမြင့်ဦး(ခ) ဦးနေမျိုး၊ သံဖြူဇရပ်မဲဆန္ဒနယ်မှ ဦးဉာဏ်ဟိန်း၊ ပြင်ဦးလွင်မဲဆန္ဒ နယ်မှ ဒေါက်တာဦးအောင်ခင်၊ ဘုတ်ပြင်း မဲဆန္ဒနယ်မှ ဦးနေလင်းထွန်း၊ သရက်မဲဆန္ဒနယ်မှ ဦးကံမြင့်၊ သထုံမဲဆန္ဒနယ်မှ ဒေါ်မာမာခိုင်၊ ဂွမဲဆန္ဒနယ်မှ ဦးမြင့်ဝေ၊ ဖားဆောင်း မဲဆန္ဒနယ်မှ ဒေါ်နန်းထွေးသူ၊ စမ်းချောင်း မဲဆန္ဒနယ်မှ ဦးဘိုဘိုဦး၊ ပုဗ္ဗသီရိမဲဆန္ဒနယ်မှ ဦးရည်မွန်(ခ) ဦးမောင်တင်သစ်နှင့် ဆားလင်းကြီး မဲဆန္ဒနယ်မှ ဦးဝင်းသိန်းဇော်တို့လည်း ဆွေးနွေးခဲ့ကြသည်။

ယနေ့အစည်းအဝေးတွင် ပြည်သူ့လွှတ်တော် ပညာရေး မြှင့်တင်မှုကော်မတီ၏ အစီရင်ခံစာ ဆွေးနွေး အတည်ပြုခြင်း၊ အထူးထိမ်းမြားခြင်းဆိုင်ရာ အက်ဥပဒေကို ပြင်ဆင်သည့် ဥပဒေကြမ်း အတည်ပြုခြင်းနှင့်  အမျိုးသား လွှတ်တော်က ပြင်ဆင်ချက်ဖြင့် ပြန်လည် ပေးပို့လာသော ရေနံနှင့် ရေနံထွက်ပစ္စည်းဆိုင်ရာ ဥပဒေကြမ်း လက်ခံရရှိကြောင်း အသိပေးခြင်းတို့ကိုလည်း ဆောင်ရွက်ခဲ့ကြသည်။

ယနေ့ကျင်းပသည့် ဒုတိယအကြိမ် ပြည်သူ့လွှတ်တော် ပဉ္စမ ပုံမှန်အစည်းအဝေး (၂၀)ရက် မြောက်နေ့ကို မွန်းလွဲပိုင်းတွင် ရပ်နားလိုက်ပြီး အစည်းအဝေး (၂၁)ရက်မြောက်နေ့ကို ၂၀၁၇ ခုနှစ် ဇွန် ၂၆ ရက်တွင် ကျင်းပမည် ဖြစ်ကြောင်း သိရသည်။

ကျော်သူထက်၊ မွှေးကြူဇင် (သတင်းစဉ်)