နေပြည်တော် ဇွန် ၁၆
ဒုတိယအကြိမ်ပြည်သူ့လွှတ်တော်
ပဉ္စမပုံမှန်အစည်းအဝေး (၁၆) ရက်မြောက်နေ့ကို ယနေ့နံနက် ၁၀ နာရီတွင်ကျင်းပရာ မေးခွန်း(၆)ခု
မေးမြန်းဖြေကြားခြင်း၊ အစီရင်ခံစာ (၁) ခု ဆွေးနွေးခြင်းနှင့် အတည်ပြုခြင်းတို့ကို ဆောင်ရွက်ကြသည်။
အစည်းအဝေးတွင် မိုင်းရယ်မဲဆန္ဒနယ်မှ
ဦးစိုင်းသီဟကျော်၏ ရှမ်းပြည်နယ်၏ ဒေသထွက် စိုက်ပျိုးသီးနှံကုန်စည်များ
ဈေးနှုန်းကျဆင်းနေခြင်း၊ အရောင်းအ၀ယ်မဖြစ်ဘဲ ပြည်တွင်းပြည်ပ ဈေးကွက်ပျောက်နေခြင်းများ
ကြုံတွေ့နေရသည့် အတွက် မည်ကဲ့သို့ အစီအစဉ်များ ချမှတ်ဆောင်ရွက်ပေးမည်ကို သိလိုခြင်းနှင့်
အသေးစားစက်မှုလုပ်ငန်းရှင်များ ဆက်လက်ရပ်တည်နိုင်ရေးအတွက် မည်ကဲ့သို့ ကူညီဆောင်ရွက်ပေးမည်ကို
သိရှိလိုကြောင်း မေးခွန်းနှင့်စပ်လျဉ်း၍ စီးပွားရေးနှင့် ကူးသန်းရောင်းဝယ်ရေး ၀န်ကြီးဌာန
ဒုတိယ၀န်ကြီး ဦးအောင်ထူးက ရှမ်းပြည်နယ်အစိုးရအနေဖြင့် ခရမ်းချဉ်သီးဖျော်ရည်နှင့် ဆော့ထုတ်လုပ်နိုင်ရန်
နည်းပညာပေးခြင်း၊ SME လုပ်ငန်းရှင်များအား သေးစားနှင့်အလတ်စား စက်မှုလုပ်ငန်းဖွံ့ဖြိုး
တိုးတက်ရေးဘဏ်နှင့်ချိတ်ဆက်၍ အတိုးနှုန်းသက်သာသော ချေးငွေများ ထုတ်ပေးနိုင်ရေး ဆောင်ရွက်ခြင်းနှင့်
Credit Gurantee Insurance - CGI စနစ်ဖြင့် ချေးငွေရရှိနိုင်ရေး CB ဘဏ်နှင့် ချိတ်ဆက်ပေးခြင်း
တို့ကို ဆောင်ရွက်ပေးလျက် ရှိပါကြောင်း။
ဂျာမနီနိုင်ငံရှိ
Tee Graschner Shop ၃၀၀ ကျော်တွင် မြန်မာ့လက်ဖက်ခြောက်များ ရောင်းချလျက်ရှိပါကြောင်း၊
ရှမ်းပြည်နယ်မှ အဓိကထွက်ရှိသည့် ကော်ဖီစေ့များကို ၂၀၁၆-၂၀၁၇ ဘဏ္ဍာနှစ်မှစ၍ ချက်ပြည်သူ့သမ္မတနိုင်ငံနှင့်
အမေရိကန် ပြည်ထောင်စုသို့ ဈေးကွက်ချဲ့ထွင် တင်ပို့နိုင်ခဲ့ပါကြောင်း၊ မြန်မာ-တရုတ်
နှစ်နိုင်ငံနယ်စပ်ကုန်သွယ်မှု ပူးပေါင်းညှိနှိုင်းရေး ကော်မတီအစည်းအဝေးနှင့် မြန်မာ-ထိုင်း
ကုန်သွယ်ရေးပူးတွဲကော်မရှင် အစည်းအဝေးများတွင် မြန်မာနိုင်ငံမှပို့ကုန်များ မြှင့်တင်နိုင်ရေးအတွက်
ညှိနှိုင်းဆောင်ရွက်လျက်ရှိပါကြောင်း၊ ထို့ပြင်ဝန်ကြီးဌာနအနေဖြင့် နှစ်လတ်လုပ်ငန်းအစီအစဉ်
(Medium Term Programme -MTP) ကို ရေးဆွဲချမှတ် အကောင်အထည် ဖော်လျက် ရှိပါကြောင်း ဖြေကြားသည်။
မကွေးမဲဆန္ဒနယ်မှ ဦးမြင့်ဦး၏
မကွေးမြို့လေဆိပ်ကို ခရီးသည်တင် လေယာဉ်များ
ဆင်းသက်ပေးရန် အစီအစဉ် ရှိ၊ မရှိ မေးခွန်းနှင့်စပ်လျဉ်း၍ ပြည်ထောင်စုဝန်ကြီး ဦးသန့်စင်မောင်က
ဒေသခံပြည်သူများအနေဖြင့် မော်တော်ကားကိုပိုမိုအသုံးပြု ခရီးသွားလာပါကြောင်း၊ လေယာဉ်စီးနင်းသည့်
ခရီးသည်ရရှိမှုနည်းပါးသဖြင့် လေကြောင်းလိုင်းများ တွက်ခြေမကိုက်ပါ ကြောင်း၊ ခရီးသည်ရရှိမှု
အခြေအနေအပေါ်မူတည်၍ ပျံသန်းပြေးဆွဲမည်ဖြစ်ပါကြောင်း ဖြေကြားသည်။
လမ်းမတော်မဲဆန္ဒနယ်မှ
ဦးခင်မောင်ဝင်း၏ တရားမဝင် ဂြိုလ်တုစလောင်းနှင့်
ရုပ်သံဖမ်းစက်များကို ဥပဒေနှင့်အညီ နည်းလမ်းတကျ အခွန်အခကောက်ခံနိုင်ရေးနှင့် လိုအပ်သလို
အရေးယူပေးရန် အစီအစဉ် ရှိ၊ မရှိ မေးခွန်းနှင့်စပ်လျဉ်း၍ ပို့ဆောင်ရေး နှင့်ဆက်သွယ်ရေးဝန်ကြီးဌာန
ပြည်ထောင်စုဝန်ကြီး ဦးသန့်စင်မောင်က ထပ်ဆင့်ထုတ် လွှင့်နိုင်ခြင်းမရှိသည့် ဂြိုဟ်တုရုပ်မြင်သံကြားဖမ်းစက်များကို
နောက်ဆုံးထုတ်ပြန်ထားသော ဆက်သွယ်ရေးဥပဒေအရ လိုင်စင်ထုတ်ပေးရန်၊ အခကြေးငွေကောက်ခံရန်
မလိုအပ်ပါကြောင်း၊ ယင်းစက်များကို ပို့ကုန်သွင်းကုန်ဥပဒေ၊ အကောက်ခွန် ဥပဒေတို့နှင့်အညီ တင်သွင်းရမည်ဖြစ်ပါကြောင်း၊
သို့သော် ဆက်သွယ်ရေးစနစ်ပါဝင်ပြီး ထုတ်လွှင့်နိုင်စွမ်းရှိသည့် ဂြိုဟ်တုရုပ်မြင်သံကြား
ဖမ်းစက်ဆိုင်ရာ စက်ပစ္စည်းများကို အများပြည်သူသို့ ဖြန့်ဖြူးရောင်းချခြင်းနှင့် ပတ်သက်သည့်
နည်းပညာဆိုင်ရာ ထောက်ခံ ချက်များ စနစ်တကျရယူနိုင်ရေး ကြီးကြပ်ဆောင်ရွက်သွားမည်ဖြစ်ပါကြောင်း
ဖြေကြားသည်။
ထို့ပြင် စေတုတ္တရာမဲဆန္ဒနယ်မှ
ဦးကျော်အောင်လွင်၊ ရသေ့တောင်မဲဆန္ဒနယ်မှ ဒေါ်ခင်စောဝေနှင့် တောင်ဥက္ကလာပ မဲဆန္ဒနယ်မှ ဒေါက်တာဦးစောနိုင်တို့၏
လယ်ယာထွက်ကုန်သီးနှံများ ဈေးကောင်းရရှိရေး၊ သင်္ဘောဆိပ်ခံတံတား တည်ဆောက်ပေးရေးနှင့်
ခုံးကျော်တံတား တည်ဆောက်ပေးရေးဆိုင်ရာ မေးခွန်းများကိုလည်း ပို့ဆောင်ရေးနှင့် ဆက်သွယ်ရေးဝန်ကြီးဌာန
ပြည်ထောင်စုဝန်ကြီး ဦးသန့်စင်မောင်နှင့် စီးပွားရေးနှင့်ကူး သန်းရောင်းဝယ်ရေးဝန်ကြီးဌာန
ဒုတိယ၀န်ကြီး ဦးအောင်ထူးတို့ ပြန်လည်ဖြေကြားခဲ့ကြသည်။
ထို့နောက် ပြည်သူ့လွှတ်တော် တိုင်းရင်းသားရေးရာနှင့် ပြည်တွင်းငြိမ်းချမ်းရေး
ဖော်ဆောင်မှုကော်မတီ၏ အစီရင်ခံစာ နှင့် စပ်လျဉ်း၍ မချမ်းဘောမဲဆန္ဒနယ်မှ ဦးနန်မွန်ထင်၊
လဟယ်မဲဆန္ဒနယ်မှ ဦးသက်နောင်၊ နမ့်ဆန်မဲဆန္ဒနယ်မှ ဦးဝင်းထူး၊ သနပ်ပင်မဲဆန္ဒနယ်မှ ဦးမြင့်ဦး၊
မအူပင်မဲဆန္ဒနယ်မှ ဦးစိန်ဝင်း၊ ဘားအံမဲဆန္ဒနယ်မှ ဒေါ်နန်းသန်းသန်းလွင်၊ မတူပီ မဲဆန္ဒနယ်မှ
ဦးပါထန်း၊ ဆွမ်ပရာဘွမ်မဲဆန္ဒနယ်မှ ဦးလုံဂျုံဆန်မိုင်၊ ကော့ကရိတ်မဲဆန္ဒနယ်မှ ဦးစိုးဌေး၊
မိုင်းကိုင်မဲဆန္ဒနယ်မှ ဦးစိုင်းဆိုင်မိုင်းနှင့် ရှားတောမဲဆန္ဒနယ်မှ ဒေါ်ဝင့်ဝါထွန်းတို့က
အကြံပြုဆွေးနွေးကြသည်။
ယင်းနောက် ပြည်သူ့လွှတ်တော်ဥက္ကဋ္ဌ
ဦးဝင်းမြင့်က ယင်းအစီရင်ခံစာအား လွှတ်တော်၏ အဆုံးအဖြတ်ရယူ၍ အတည်ပြု သည်။
ဒုတိယအကြိမ်ပြည်သူ့လွှတ်တော်
ပဉ္စမပုံမှန်အစည်းအဝေး (၁၇) ရက်မြောက်နေ့ကို ၂၀၁၇ ခုနှစ် ဇွန် ၁၉ ရက်တွင် ကျင်းပမည်ဖြစ်ကြောင်း
သိရသည်။
ကျော်သူထက်(သတင်းစဉ်)
No comments:
Post a Comment