အပြည်ပြည်ဆိုင်ရာ
မူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့အား ကြိုဆိုဂုဏ်ပြုသည့်
အနေဖြင့် ကော့သောင်းမြို့ ရဲတပ်ဖွဲ့ဝင်များ
စုပေါင်းကာ အဏ္ဍဝါရပ်ကွက် ၊ အခြေခံပညာ အထက်တန်းကျောင်း(ခွဲ) ကျောင်းဝင်းအတွင်း ဇွန်လ ၂၄ ရက်နေ့ နံနက်ပိုင်းက သန့်ရှင်းရေး ဆောင်ရွက်ခဲ့ကြကြောင်း
သိရသည်။
ဆောင်ရွက်ရာတွင်
ကော့သောင်း ခရိုင်ရဲတပ်ဖွဲ့မှူး ဒုတိယရဲမှူးကြီး ကျော်ဇော ဦးဆောင်မှုဖြင့် ခရိုင်နှင့် မြို့နယ်ရဲတပ်ဖွဲ့ ၊ မူးယစ်တပ်ဖွဲ့ ၊ လူကုန်ကူးမှုတားဆီးနှိမ်နှင်းရေးရဲတပ်ဖွဲ့
၊ ယာဉ်ထိန်းရဲတပ်ဖွဲ့တို့မှ အရာရှိ နှင့် တပ်ဖွဲ့ဝင်များ ၊ တပ်ဖွဲ့ဝင်မိသားစုများ အင်အား
(၇၉)ဦး၊ ဆရာ/ဆရာမကျောင်းသားကျောင်းသူများ
ပူးပေါင်းကာ သွေးလွန်တုပ်ကွေး ၊ ငှက်ဖျား နှင့် ဇီကာဗိုင်းရပ် စသည့် ရောဂါဘယများ ကင်းဝေးစွာ ပညာသင်ကြားနိုင်ရေး အဆိုပါကျောင်းဝင်းနှင့် ကျောင်းပတ်ဝန်းကျင်
ခြင်မခိုအောင်းနိုင်ရေး ခြုံနွယ်များ ခုတ်ထွင်ရှင်းလင်းပေးခြင်း ၊ အမှိုက်များရှင်းလင်းပေးခြင်း
၊ အမှိုက်များအား မော်တော်ယာဉ်များဖြင့် သတ်မှတ်အမှိုက်စွန့်ပစ်သည့်နေရာသို့ ပို့ဆောင်ရှင်းလင်းပေးခဲ့ကြကြောင်း
သတင်းရရှိသည်။
No comments:
Post a Comment