နိုင်ငံတော်သမ္မတ ဦးထင်ကျော်နှင့် ဇနီး ဒေါ်စုစုလွင် မြန်မာနိုင်ငံ အင်ဂျင်နီယာအသင်း (နေပြည်တော်) ရုံးသစ်ဖွင့်ပွဲနှင့် နည်းပညာဆိုင်ရာ စာကြည်တိုက်ဖွင့်ပွဲ အခမ်းအနား တက်ရောက်

နေပြည်တော် ဇွန် ၁ဝ

မြန်မာနိုင်ငံ အင်ဂျင်နီယာအသင်း (နေပြည်တော်) ရုံးသစ်ဖွင့်ပွဲနှင့် နည်းပညာဆိုင်ရာ စာကြည့်တိုက် ဖွင့်ပွဲ အခမ်းအနားကို ယနေ့နံနက် ၈နာရီတွင် နေပြည်တော် ဥတ္တရ သီရိမြို့နယ် ဇော်ဝနသိဒ္ဓိရပ်ကွက်ရှိ အဆိုပါ ရုံးအဆောက်အအုံရှေ့ မျက်နှာစာ၌ ကျင်းပရာ နိုင်ငံတော်သမ္မတ ဦးထင်ကျော်နှင့် ဇနီး ဒေါ်စုစုလွင်တို့ တက်ရောက် အားပေးသည်။

ဖွင့်ပွဲအခမ်းအနားသို့ အမျိုးသားလွှတ်တော် ဥက္ကဋ္ဌ မန်းဝင်းခိုင်သန်း၊ နိုင်ငံတော် ဖွဲ့စည်းပုံ အခြေခံဥပဒေဆိုင်ရာ ခုံရုံးဥက္ကဋ္ဌ ဦးမျိုးညွန့်၊ ပြည်ထောင်စု ရွေးကောက်ပွဲကော်မရှင် ဥက္ကဋ္ဌ ဦးလှသိန်း၊ ပြည်ထောင်စုဝန်ကြီး ဒုတိယဗိုလ်ချုပ်ကြီး စိန်ဝင်း၊ ဒုတိယဗိုလ်ချုပ်ကြီး ရဲအောင်၊ ဦးခင်မောင်ချို၊ ဦးဝင်းခိုင်၊ နေပြည်တော် ကောင်စီဥက္ကဋ္ဌ ဒေါက်တာ မျိုးအောင်၊ ဒုတိယဝန်ကြီးများ၊ လွှတ်တော် ကိုယ်စားလှယ်များ၊ ဌာနဆိုင်ရာအကြီးအကဲများ၊ မြန်မာနိုင်ငံ အင်ဂျင်နီယာကောင်စီ ဥက္ကဋ္ဌ၊ မြန်မာနိုင်ငံ အင်ဂျင်နီယာအသင်း ဥက္ကဋ္ဌ၊ အသင်းဝင်များ၊ အလှူရှင်များ၊ ဖိတ်ကြား ထားသူများနှင့် တာဝန်ရှိသူများ တက်ရောက်ကြသည်။

ရှေးဦးစွာ ပြည်ထောင်စုဝန်ကြီး ဦးခင်မောင်ချိုနှင့် ဦးဝင်းခိုင်၊ ပြည်သူ့လွှတ်တော် ကိုယ်စားလှယ် ဦးတင်မောင်ဝင်း၊ မြန်မာနိုင်ငံ အင်ဂျင်နီယာကောင်စီ နာယက ဦးအေးမြင့်၊ မြန်မာနိုင်ငံ အင်ဂျင်နီယာကောင်စီဥက္ကဋ္ဌ ဒေါက်တာချာလီသန်း၊ မြန်မာနိုင်ငံ အင်ဂျင်နီယာအသင်းဥက္ကဋ္ဌ ဦးအောင်မြင့်နှင့် မြန်မာနိုင်ငံ အင်ဂျင်နီယာအသင်း (နေပြည်တော်) ဥက္ကဋ္ဌ ဦးဝင်းနိုင်တို့က မြန်မာနိုင်ငံ အင်ဂျင်နီယာအသင်း (နေပြည်တော်) ရုံးသစ်ကို  ဖဲကြိုးဖြတ်၍ ဖွင့်လှစ်ပေးကြသည်။

ယင်းနောက် ပြည်ထောင်စုဝန်ကြီး ဦးခင်မောင်ချို၊ ဦးဝင်းခိုင်၊ မြန်မာနိုင်ငံ အင်ဂျင်နီယာအသင်းဥက္ကဋ္ဌ ဦးအောင်မြင့်တို့က ဖွင့်ပွဲ အထိမ်းအမှတ်အဖြစ် ရုံးအဆောက်အအုံ ဥပစာတွင် ခရေပင်ကို စိုက်ပျိုးပေးကြသည်။

ထို့နောက် နိုင်ငံတော်သမ္မတက မြန်မာနိုင်ငံ အင်ဂျင်နီယာအသင်း (နေပြည်တော်) အဆောက်အအုံ ကမ္ဗည်းမော်ကွန်းကို စက်ခလုတ်နှိပ် ဖွင့်လှစ်ပေးပြီး အမွှေးနံ့သာဖြင့် ပက်ဖျန်းသည်။

ဆက်လက်၍ ဒုတိယဝန်ကြီး ဦးကျော်လင်း၊ ညွှန်ကြားရေးမှူးချုပ် ဦးကျော်မြင့်လှိုင်နှင့် စာကြည့်တိုက် အလှူရှင်ကိုယ်စား MPRL E&P Pte L.td အထွေထွေမန်နေဂျာ ဦးမျိုးတင်တို့က နည်းပညာဆိုင်ရာ စာကြည့်တိုက်ကို ဖဲကြိုးဖြတ်၍ ဖွင့်လှစ်ပေးကြသည်။

ယင်းနောက် နိုင်ငံတော် သမ္မတနှင့် ဇနီးနှင့် ဧည့်သည်တော်များသည် နည်းပညာ ဆိုင်ရာ စာကြည့်တိုက် အတွင်း လှည့်လည် ကြည့်ရှု လေ့လာကြသည်။

ထို့နောက် အသင်းရုံးခန်းမ၌ ဖွင့်ပွဲဒုတိယပိုင်း အစီအစဉ်ကို ဆက်လက်ကျင်းပရာ မြန်မာနိုင်ငံ အင်ဂျင်နီယာကောင်စီနာယက၊ မြန်မာနိုင်ငံ အင်ဂျင်နီယာအသင်းနာယက၊ ပြည်ထောင်စုဝန်ကြီး ဦးဝင်းခိုင်က ယနေ့ဖွံ့ဖြိုးပြီး နိုင်ငံများကို ကြည့်ပါက အခြေခံအားဖြင့်  အင်ဂျင်နီယာကဏ္ဍ၏ တီထွင်မှုများ၊ ဆန်းသစ်မှုများမှ တစ်ဆင့် စက်မှုနိုင်ငံတော် အဖြစ် တည်ဆောက်နိုင်ခဲ့ကြသည်ကို တွေ့ရှိရမည် ဖြစ်ပါကြောင်း၊ လယ်ယာ စိုက်ပျိုးရေးကို အခြေခံသည့် နိုင်ငံများလည်း ထွန်ယက်ရေး၊ ရိတ်သိမ်း ချွေလှေ့ရေးနှင့် ကုန်ချော အဖြစ် ဈေးကွက်သို့တင်ပို့ရေး၊ သယ်ယူ ပို့ဆောင်ရေး စသဖြင့် အဆင့်ဆင့်သော လမ်းကြောင်းများသည် အင်ဂျင်နီယာကဏ္ဍ၏ ဆန်းသစ်မှုများဖြင့် စိုက်ပျိုးရေးကဏ္ဍကို မြှင့်တင်လျက်ရှိသည်ကို တွေ့ရှိရပါကြောင်း။

ထို့အတူ လူသားများ၏ Livelihood ကဏ္ဍများတွင်လည်း အင်ဂျင်နီယာကဏ္ဍ၏ တိုးတက် တီထွင်မှုများဖြင့် အစားအသောက်၊ အဝတ်အထည်၊ မော်တော်ယာဉ်၊ ရထား၊ လေယာဉ်၊ သင်္ဘော၊ စွမ်းအင်၊ ဆက်သွယ်ရေး၊ လမ်းတံတား အခြေခံအဆောက် အအုံများ ပိုမိုဆန်းသစ်ပြီး လုံခြုံစိတ်ချရသည့် ပတ်ဝန်းကျင် အဖြစ် နေထိုင်ရေး အတွက် Smart City ကဲ့သို့ မြို့တော်မျိုး တီထွင် တည်ဆောက် လာကြသည်အထိ ကမ္ဘာကြီးတွင် အင်ဂျင်နီယာ ကဏ္ဍသည် အရေးကြီးဆုံး ကဏ္ဍအနေဖြင့် ရှိနေပါကြောင်း ပြောကြားသည်။

ထို့နောက် မြန်မာနိုင်ငံ အင်ဂျင်နီယာအသင်းဥက္ကဋ္ဌ ဦးအောင်မြင့်က အမှာစကား ပြောကြားကာ မြန်မာနိုင်ငံ အင်ဂျင်နီယာအသင်း (နေပြည်တော်) ဥက္ကဋ္ဌ ဦးဝင်းနိုင်က အသင်းရုံးနှင့် ပတ်သက်၍ ရှင်းလင်း ပြောကြားပြီး မျိုးဆက်သစ် အင်ဂျင်နီယာနှစ်ဦးက အသင်း၏ အကျိုးကျေးဇူးများနှင့် လုပ်ငန်းစဉ်များကို ရှင်းလင်း ပြောကြား ကြသည်။

ယင်းနောက် ပြည်ထောင်စုဝန်ကြီး ဦးဝင်းခိုင်က နိုင်ငံတော် သမ္မတထံ အမှတ်တရ လက်ဆောင် ပေးအပ်သည်။

ဆက်လက်၍ အမျိုးသားလွှတ်တော်ဥက္ကဋ္ဌ၊ နိုင်ငံတော် ဖွဲ့စည်းပုံအခြေခံဥပဒေ ဆိုင်ရာခုံရုံးဥက္ကဋ္ဌ၊ ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌတို့က ရုံးအဆောက်အအုံ ဆောက်လုပ်ရေး အတွက် ပါဝင် လှူဒါန်းခဲ့ကြသည့် အလှူရှင်များအား ဂုဏ်ပြု မှတ်တမ်းလွှာများ ပြန်လည် ပေးအပ်ကြပြီး အခမ်းအနားကို ရုပ်သိမ်းလိုက်သည်။

နိုင်ငံတော်သမ္မတနှင့် ဇနီးတို့သည် နိုင်ငံတော် ဖွဲ့စည်းပုံအခြေခံ ဥပဒေဆိုင်ရာခုံရုံး ဥက္ကဋ္ဌ၊ ပြည်ထောင်စု ရွေးကောက်ပွဲ ကော်မရှင်ဥက္ကဋ္ဌ၊ ပြည်ထောင်စုဝန်ကြီးများ၊ ဒုတိယဝန်ကြီးများနှင့် လည်းကောင်း၊ လွှတ်တော် ကိုယ်စားလှယ်များနှင့် လည်းကောင်း၊ မြန်မာနိုင်ငံ အင်ဂျင်နီယာကောင်စီဥက္ကဋ္ဌ၊ မြန်မာနိုင်ငံ အင်ဂျင်နီယာအသင်းဥက္ကဋ္ဌနှင့် အသင်းဝင်များနှင့် လည်းကောင်း၊ အလှူရှင်များနှင့် လည်းကောင်း စုပါင်း၍ မှတ်တမ်းတင် ဓာတ်ပုံ ရိုက်ကြသည်။

အခမ်းအနားအပြီးတွင် နိုင်ငံတော်သမ္မတနှင့် ဇနီးနှင့် ဧည့်သည်တော်များသည် အင်ဂျင်နီယာရုံးနှင့် ရုံးဝန်းအတွင်း ခင်းကျင်း ပြသထားသော စက်မှုဝန်ကြီးဌာန၊ ဆောက်လုပ်ရေး ဝန်ကြီးဌာန၊ လျှပ်စစ်နှင့် စွမ်းအင်ဝန်ကြီးဌာန၊ ဆည်မြောင်းနှင့် ရေအသုံးချမှု စီမံခန့်ခွဲရေးဦးစီးဌာန၊ စက်မှုလယ်ယာဦးစီးဌာနနှင့် ပြည်တွင်းကုမ္ပဏီများ၏ ပြခန်းများကို လှည့်လည် ကြည့်ရှု လေ့လာကြသည်။

ယနေ့ဖွင့်လှစ်လိုက်သည့် မြန်မာနိုင်ငံ အင်ဂျင်နီယာအသင်း (နေပြည်တော်)ရုံးသစ်နှင့် နည်းပညာဆိုင်ရာ စာကြည့်တိုက်သည် နေပြည်တော် ဥတ္တရသီရိမြို့နယ် ဇော်ဝနရပ်ကွက်တွင် တည်ရှိပြီး မြေဧရိယာ အကျယ်အဝန်း ၂ဧက ပေါ်တွင် တည်ဆောက်ထားသည့် RC နှစ်ထပ်ဆောင် ဖြစ်သည်။

အင်ဂျင်နီယာ လုပ်ငန်းများ ပေါ်ထွက်လာမှုကြောင့် အရည်အသွေးရှိ ပြည်တွင်း အင်ဂျင်နီယာများ မွေးထုတ်နိုင်ရန် BOC ကောလိပ်ကို ၁၉၂၇ ခုနှစ်တွင် ထူထောင်၍ မြို့ပြဘာသာရပ်ကို စတင်သင်ကြားပြီး မြန်မာအင်ဂျင်နီယာများကို စတင် မွေးဖွားပေးခဲ့ကြောင်း၊ မြန်မာနိုင်ငံ၏ ပထမဆုံး အင်ဂျင်နီယာများအသင်းကို BURMAR ENGINEERING CONGRESS အမည်ဖြင့် ၁၉၁၆ ခုနှစ်တွင် ဖွဲ့စည်းခဲ့ပြီး အင်ဂျင်နီယာ ဘာသာရပ်များ ဖွံ့ဖြိုးရေးကို တစိုက်မတ်မတ် ဆောင်ရွက်ခဲ့ရာ ၁၉၆၃ ခုနှစ်တွင် ရပ်ဆိုင်းခြင်းခံခဲ့ရသည်။

မြန်မာနိုင်ငံ အင်ဂျင်နီယာအသင်း (MES)ကို ၁၉၉၅ ခုနှစ်တွင် ရန်ကုန်စက်မှု တက္ကသိုလ်၌ ပြန်လည် ဖွဲ့စည်းနိုင်ခဲ့သဖြင့် ယနေ့ဆိုလျှင် မြန်မာနိုင်ငံ အင်ဂျင်နီယာအသင်း၏ သတ်တမ်းသည် ၂၂ နှစ် ကျော်ခဲ့ပြီ ဖြစ်ကြောင်း သိရသည်။

(သတင်းစဉ်)