Monday, May 1, 2017

နယ်စပ်ရေးရာ ဝန်ကြီးဌာန၊ ပြည်ထောင်စုဝန်ကြီး ဒုတိယ ဗိုလ်ချုပ်ကြီးရဲအောင် ဦးဆောင်သောအဖွဲ့ မွန်ပြည်နယ်နှင့် ကရင်ပြည်နယ်အတွင်း ဒေသဖွံ့ဖြိုးရေး လုပ်ငန်းများ ကွင်းဆင်းဆောင်ရွက်


နေပြည်တော် ဧပြီ  ၃၀
 
နယ်စပ်ဒေသနှင့် တိုင်းရင်းသား လူမျိုးများ၏ ဖွံ့ဖြိုး တိုးတက်မှု အကောင်အထည်ဖော်ရေး လုပ်ငန်း ကော်မတီဥက္ကဌ၊ နယ်စပ်ရေးရာ ဝန်ကြီးဌာန၊ ပြည်ထောင်စု ဝန်ကြီး ဒုတိယဗိုလ်ချုပ်ကြီး ရဲအောင်သည် တာဝန်ရှိသူများ လိုက်ပါလျှက် ဧပြီလ ၂၈ ရက်နေ့ နေ့လယ်ပိုင်းတွင် မွန်ပြည်နယ်၊ ကျိုက်ထိုမြို့သို့ ရောက်ရှိကာ နယ်စပ်ရေးရာ ဝန်ကြီးဌာန၏၂၀၁၅-၂၀၁၆ ဘဏ္ဍာနှစ် ခွင့်ပြုရန်ပုံငွေကျပ် (၄၅၇.၃၀) သန်း၊ ၂၀၁၆-၂၀၁၇ ဘဏ္ဍာနှစ်များအတွင်း ခွင့်ပြုရန်ပုံငွေကျပ် သန်းပေါင်း (၄၈၄.၀၀) သန်း၊ စုစုပေါင်း (၉၄၁.၃၀) သန်းဖြင့် ဆောင်ရွက်ခဲ့သော ကျိုက်ထိုမြို့၊ မြို့ပေါ် (၆) ရပ်ကွက် ရေပေးရေး လုပ်ငန်းဖွင့်ပွဲ အခမ်းအနားသို့ တက်ရောက်ခဲ့သည်။


ယင်းအခမ်းအနားသို့ မွန်ပြည်နယ်အစိုးရအဖွဲ့ လုံခြုံရေးနှင့် နယ်စပ်ရေးရာ ဝန်ကြီး ဗိုလ်မှူးကြီးဝင်းနိုင်ဦး၊ နယ်မြေခံတပ်မမှူး ဗိုလ်မှူးချုပ်သန့်ဇင်၊ အမျိုးသား လွှတ်တော် ကိုယ်စားလှယ် ဦးလှမြင့်သန်း၊ နယ်စပ် ဒေသနှင့် တိုင်းရင်းသား လူမျိုးများ ဖွံ့ဖြိုးတိုးတက်ရေး ဦးစီးဌာနမှ တာဝန်ရှိသူများ၊ ကျိုက်ထိုမြို့ပေါ်(၆) ရပ်ကွက်မှ ရပ်မိရပ်ဖများ၊ ဒေသခံ တိုင်းရင်းသား ပြည်သူများ တက်ရောက်ကြသည်။

အခမ်းအနား အစီအစဉ်အရ နယ်စပ်ဒေသနှင့် တိုင်းရင်းသား လူမျိုးများ ဖွံ့ဖြိုး တိုးတက်ရေးဦးစီးဌာန၊ ကျိုက်ထိုမြို့နယ် ဖွံ့ဖြိုးမှု ကြီးကြပ်ရေးရုံး တာဝန်ခံ လက်ထောက် ညွှန်ကြားရေးမှူး ဦးသန်းဌေးမှ ဘဏ္ဍာနှစ်အလိုက် ဆောင်ရွက်ခဲ့သော ကျိုက်ထိုမြို့ပေါ် (၆) ရပ်ကွက် ရေးပေးရေးလုပ်ငန်း အကောင်အထည်ဖော် ဆောင်ရွက်မှု အခြေအနေများအား ရှင်းလင်းတင်ပြပြီး ဒေသခံ ရပ်မိရပ်ဖတစ်ဦးမှ ကျေးဇူးတင်စကား ပြန်လည်ပြောကြားခဲ့သည်။ ယင်းနောက် အမျိုးသားလွှတ်တော် ကိုယ်စားလှယ် ဦးလှမြင့် သန်း၊ မွန်ပြည်နယ် ဒေသဖွံ့ဖြိုးမှု ကြီးကြပ်ရေးမှူး ဦးအောင်ဆန်းဦးနှင့် ရပ်မိရပ်ဖ ဦးနေထက်သိန်းနိုင် တို့က ရေပေးဝေရေး လုပ်ငန်း စက်ရုံအား ဖဲကြိုးဖြတ် ဖွင့်လှစ်ပေးခဲ့သည်။

၎င်းနောက် နယ်စပ်ရေးရာ ဝန်ကြီးဌာန ပြည်ထောင်စုဝန်ကြီး ဒုတိယ ဗိုလ်ချုပ်ကြီး ရဲအောင်က ရေစတင် ပေးဝေရန် စက်ခလုပ်နှိပ်၍ ဖွင့်လှစ်ပေးခဲ့သည်။ ဆက်လက်၍ ပြည်ထောင်စုဝန်ကြီးနှင့် အဖွဲ့သည် ရေစုပ်စက်ခန်း၊ ရေလှောင်ကန်များ၊ ရေတင်စက်များနှင့် လျှပ်စစ် သွယ်တန်းထားခြင်း လုပ်ငန်းများကို လိုက်လံကြည့်ရှု စစ်ဆေးကာ တက်ရောက်လာသော ဒေသခံတိုင်းရင်းသား ပြည်သူများအား ရင်းရင်းနှီးနှီး လိုက်လံ နှုတ်ဆက်ခဲ့သည်။

ထိုမှတဆင့် ပြည်ထောင်စုဝန်ကြီးနှင့် အဖွဲ့သည် ကျိုက်ထိုမြို့ ဆိပ္ဖူးတောင် လူငယ်ဖွံ့ဖြိုးရေး ပရဟိတ ဂေဟာသို့ သွားရောက်ကာ ယင်းကျောင်းတွင် ပညာ သင်ကြားနေသော နယ်စပ်ဒေသမှ တိုင်းရင်းသား ကလေးငယ်များအတွက် ရိက္ခာဆန်၊ ဆီ၊ ဆား၊ ပဲများ ထောက်ပံ့ပေးအပ်ခဲ့သည်။

နယ်စပ်ဒေသနှင့် တိုင်းရင်းသား လူမျိုးများ၏ ဖွံ့ဖြိုး တိုးတက်မှုအကောင် အထည်ဖော်ရေး လုပ်ငန်း ကော်မတီ ဥက္ကဌ၊ နယ်စပ်ရေးရာ ဝန်ကြီးဌာန၊ ပြည်ထောင်စုဝန်ကြီး ဒုတိယဗိုလ်ချုပ်ကြီး ရဲအောင်သည် ဧပြီလ ၂၉ ရက်နေ့ နံနက်ပိုင်းတွင် သထုံမြို့ရှိနယ်စပ်ဒေသ တိုင်းရင်းသားလူငယ်များ ဖွံ့ဖြိုးရေး သင်တန်း ကျောင်းသို့ သွားရောက်၍ သင်တန်းနည်းပြများ၊ သင်တန်းသား/သူများနှင့် တွေ့ဆုံကာ ထောက်ပံ့ငွေများ ပေးအပ်ခဲ့ပြီး အိပ်ဆောင်များ၊ စားရိပ်သာနှင့် ကျောင်းဝင်းအတွင်း လှည့်လည်ကြည့်ရှု စစ်ဆေးခဲ့သည်။

ထိုမှတဆင့် ပြည်ထောင်စုဝန်ကြီးနှင့် အဖွဲ့သည် သထုံမြို့၊ သုဓမ္မဝတီမြို့ ကွက်သစ်၊ ရေပေးဝေရေး လုပ်ငန်း ဖွင့်ပွဲ အခမ်းအနားသို့ တက်ရောက်ခဲ့သည်။ အခမ်းအနား အစီအစဉ်အရ နယ်စပ်ဒေသနှင့် တိုင်းရင်းသား လူမျိုးများ ဖွံဖြိုးတိုးတက်ရေး ဦးစီးဌာန၊ သထုံခရိုင်ဖွံ့ဖြိုးမှု ကြီးကြပ်ရေးရုံးမှ ဒုတိယ ညွှန်ကြားရေးမှူး ဦးကျော်မြင့်ဦးက သုဓမ္မဝတီ မြို့ကွက်သစ် ရေပေးဝေရေး လုပ်ငန်း အခြေအနေများကို ရှင်းလင်းတင်ပြပြီး ဒေသခံပြည်သူတစ်ဦးမှ ကျေးဇူးတင် စကားပြောကြားခဲ့သည်။ ယင်းနောက် အမျိုးသားလွှတ်တော် ကိုယ်စားလှယ် ဒေါက်တာဇော်လင်းထွဋ်၊ မွန်ပြည်နယ် ဒေသဖွံ့ဖြိုးမှုကြီးကြပ်ရေးမှူး ဦးအောင်ဆန်းဦးနှင့် ရပ်မိရပ်ဖ ဦးဝင်းသန်းတို့က ရေပေးဝေရေး လုပ်ငန်း စက်ရုံအား ဖဲကြိုးဖြတ် ဖွင့်လှစ်ပေးခဲ့သည်။

၎င်းနောက် နယ်စပ်ရေးရာ ဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ရဲအောင်က ရေစတင် ပေးဝေရန် စက်ခလုပ်နှိပ်၍ ဖွင့်လှစ်ပေးခဲ့ပြီး သုဓမ္မဝတီမြို့သစ်ရှိ ရပ်ကွက်များအတွင်း ရေစုကန်များ၌ မြို့သူ/မြို့သားများ ရေရရှိ သုံးစွဲနေမှု အခြေအနေများကို လိုက်လံကြည့်ရှု စစ်ဆေးခဲ့သည်။

ပြည်ထောင်စုဝန်ကြီးသည် ထိုနေ့ညနေပိုင်းတွင် လှိုင်းဘွဲမြို့နယ်၊ ထီလုံစံပြ ကျေးရွာတွင် တန်ဘိုးနည်း အိမ်ရာ (၅၀) လုံး တည်ဆောက်ပေးမှု အခြေအနေများအား သွားရောက် ကြည့်ရှု စစ်ဆေးပြီး လိုအပ်သည်များ ညှိနှိုင်းဖြည့်ဆည်း ဆောင်ရွက်ပေး ခဲ့သည်။

ထို့နောက် ပြည်ထောင်စုဝန်ကြီးနှင့် အဖွဲ့သည် ဘားအံမြို့၊ နယ်စပ်ဒေသ တိုင်းရင်းသား လူငယ်များ စက်မှုလက်မှု ပညာသင် တန်းကျောင်းသို့ သွားရောက်၍ သင်တန်းကျောင်းအုပ်၊ သင်တန်းနည်းပြများနှင့် သင်တန်းသားများအား တွေ့ဆုံ မှာကြားခဲ့ပြီး သင်တန်းသားများ၏ ဘာသာရပ်အလိုက် လက်တွေ့ သင်ကြားနေမှုအား ကြည့်ရှု စစ်ဆေးခဲ့ပါသည်။

ဆက်လက်၍ ပြည်ထောင်စုဝန်ကြီးသည် ဘားအံမြို့ရှိ သီရိဟေမာသီလရှင် စာသင်တိုက်သို့ သွားရောက်ကာ ယင်းစာသင် တိုက်တွင် နယ်စပ်ဒေသများမှ လာရောက် ပညာသင်ယူနေကြသော သီလရှင်များအတွက် ဆွမ်းဆန်နှင့် ဆီ၊ ဆား၊ ပဲများ ထောက်ပံ့လှူဒါန်းခဲ့ပါသည်။

No comments:

Post a Comment