လူတိုင်းအတွက် အမြဲကူညီ နေရာတိုင်းမှာ ကြက်ခြေနီ

 

နေပြည်တော် မေ ၈

 

၂၀၁၇ ခုနှစ် ကမ္ဘာ့ကြက်ခြေနီနေ့ ဆောင်ပုဒ်သည် “လူတိုင်းအတွက် အမြဲကူညီ နေရာတိုင်းမှာ ကြက်ခြေနီ” "Everywhere for Everyone" ဖြစ်ပါကြောင်း၊ မြန်မာနိုင်ငံ ကြက်ခြေနီအသင်း၏ လက်ရှိဆောင်ရွက်ချက်များနှင့် အလွန်ကိုက်ညီသည့် ဆောင်ပုဒ် ဖြစ်ကြောင်း မြန်မာနိုင်ငံကြက်ခြေနီ အသင်းနာယက၊ နိုင်ငံတော်သမ္မတ ဦးထင်ကျော်က ပြောကြားသည်။

ယနေ့နံနက် ၉နာရီခွဲတွင် နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်း ဗဟိုဌာန-၂ (MICC-II) ၌ ကျင်းပသည့် ၂၀၁၇ ခုနှစ် ကမ္ဘာ့ကြက်ခြေနီနေ့ အခမ်းအနား၌ နိုင်ငံတော်သမ္မတ ဦးထင်ကျော် က အဖွင့်မိန့်ခွန်း ပြောကြားရာတွင် အထက်ပါအတိုင်း ထည့်သွင်း ပြောကြားခဲ့ခြင်း ဖြစ်သည်။

ထို့ပြင် နိုင်ငံတော်သမ္မတက ကမ္ဘာ့ကြက်ခြေနီနေ့သည် ကြက်ခြေနီလှုပ်ရှားမှုကို အစပြုပေးခဲ့သည့် ဟင်နရီဒူးနန့်၏ မွေးနေ့ဖြစ် သကဲ့သို့ ကမ္ဘာ့နိုင်ငံသီးသီးတွင် ရှိသည့် ကြက်ခြေနီ စေတနာ လုပ်အားရှင် များကို ဂုဏ်ပြုသည့် နေ့ထူးနေ့မြတ်လည်း ဖြစ်ပါကြောင်း။

၁၈၅၉ ခုနှစ် ဆိုဖာရီနို စစ်မြေပြင်မှအစပြုကာ လူသားများ၏ လူမှုကရုဏာ လိုအပ်ချက်များကို အစဉ်တစိုက် ဖြည့်ဆည်းကူညီ ဆောင်ရွက်ပေးနေခဲ့သည့်အတွက် ကြက်ခြေနီ၏ တည်ရှိမှု သက်တမ်း သည် နှစ်ပေါင်း (၁၅၀) ကျော်ခဲ့ပြီဖြစ်ပါကြောင်း၊ ယခုဆိုလျှင် နိုင်ငံပေါင်း (၁၉၀)တွင် နိုင်ငံအစိုးရ များက ဖွဲ့စည်းထားသည့် အမျိုးသား ကြက်ခြေနီ၊ လခြမ်းနီအသင်းပေါင်း(၁၉၀) ရှိနေပြီဖြစ်ပါကြောင်း၊ ထိုအသင်းအဖွဲ့များမှ နှစ်စဉ် စေတနာ လုပ်အားရှင် ၁၇ သန်းကျော်သည် ကမ္ဘာတစ်ဝန်းတွင် အကူအညီလို အပ်သူပေါင်း သန်း ၁၆၀ ခန့်ကို လူမှုကရုဏာ အကူအညီများ ပေးနေသည်ဟု သိရှိရပါ ကြောင်း၊ မြန်မာနိုင်ငံတွင်လည်း မြန်မာနိုင်ငံ ကြက်ခြေနီအသင်းသည် လေ့ကျင့်သင် ကြားပေး ထားသည့် ကြက်ခြေနီစေတနာလုပ်အားရှင် ၄၄၀၀၀ ကျော်မှတစ်ဆင့် နှစ်စဉ် ပြည်သူလူထု ပျမ်းမျှ ငါးသိန်းကျော်အား လူမှုကရုဏာ အကူအညီများ ပေးနေသည်ကို ဂုဏ်ယူဝမ်းမြောက်ဖွယ် သိရှိရ ပါကြောင်း ပြောကြားသည်။

ဆက်လက်၍ ၂၀၁၆ ခုနှစ် အပြည်ပြည်ဆိုင်ရာ ကြက်ခြေနီနှင့် လခြမ်းနီဖက်ဒရေး ရှင်း၏ ကမ္ဘာ့ ဘေးဒုက္ခဆိုင်ရာ အစီရင်ခံစာအရ ၂၀၀၆ မှ ၂၀၁၅ ခုနှစ်အထိ (၁၀)နှစ် တာ ကာလအတွင်း ကမ္ဘာပေါ်တွင် ဖြစ်ပွားခဲ့သော ဘေးဒုက္ခမျိုးစုံကြောင့် လူသန်းပေါင်း (၁၉၀၀)ကျော် ဘေးဒုက္ခဒဏ်ခံစား ခဲ့ရပြီး လူပေါင်း ခုနှစ်သ်ိန်းနီးပါး အသက်ဆုံးရှုံခဲ့ရ သည်ဟု သိရှိရပါကြောင်း၊ တစ်ကမ္ဘာလုံး ဘေးဒုက္ခခံစားရသူ စုစုပေါင်း၏ ၇၉ ရာခိုင် နူန်းခန့်သည် အာရှဒေသတွင် ရှိနေကြောင်းနှင့် မြန်မာ နိုင်ငံတွင် ဘေးဒုက္ခခံစားရ သူပေါင်း (၁၂) သန်းကျော်ရှိပြီး အသက်ဆုံးရှုံးသူ ၁ သိန်း ၄ သောင်းနီးပါး ရှိသည်ကို တွေ့ရှိရပါကြောင်း။

မြန်မာနိုင်ငံတွင် လူ ၁၀၀ ဘေးဒုက္ခခံစားရပါက (၁ ဒသမ ၁၃)ဦး နှုန်း သေဆုံး နေပြီး အရှေ့တောင် အာရှနိုင်ငံများနှင့် နှိုင်းယှဉ်လျှင် မိမိတို့နိုင်ငံသည် ဘေးအန္တရာယ် ကျရောက်စဉ်ကာလ သေဆုံးနှုန်း မြင့်မားနေသည်ကိုလည်း တွေ့ရမည်ဖြစ် ပါကြောင်း။

ဘေးအန္တရာယ်ဖြစ်ပွားမှုတွင် မြင့်တက်လာသောကြောင့် ကြက်ခြေနီအသင်း အနေနှင့် ရှေးဦးသူနာ ပြုစုခြင်းလုပ်ငန်း၊ ဘေးဒုက္ခ ကြိုတင် ပြင်ဆင်ရေး၊ တုံ့ပြန်ရေး၊ ဘေးအန္တရာယ် လျှော့ချရေး လုပ်ငန်း များကို ယခုထက် ပိုမိုဆောင်ရွက်ရန် တိုက်တွန်း လိုပါကြောင်း၊ လူမှုကရုဏာ လိုအပ်ချက်များ ပြည့်မီရန် ကြက်ခြေနီအသင်း တစ်ခု တည်းနှင့် ဆောင်ရွက်ရန်မဖြစ်နိုင်ပါကြောင်း၊ အာဏာပိုင် အဖွဲ့အစည်းများ၊ လူမှုရေး ကရုဏာအဖွဲ့အစည်းများနှင့် ပြည်သူလူထုကပါ အတူလက်တွဲ ပူးပေါင်း ဆောင်ရွက် ကြရန် လိုအပ်ပါကြောင်း နိုင်ငံတော်သမ္မတက ပြောကြားသည်။

ထို့ပြင် နိုင်ငံတော်သမ္မတက ကြက်ခြေနီ အသင်းအနေဖြင့် ပြည်သူလူထုကိုလည်း ဘေးဒဏ်ကြံ့ကြံ့ ခံနိုင်စွမ်း (Resilience) ရှိရန်အတွက် ကူညီသင်ကြားလေ့ကျင့် ဆောင်ရွက်ပေးရမည် ဖြစ်ပါကြောင်း၊ နိုင်ငံတော်အစိုးရ အနေဖြင့်လည်း လိုအပ်သော အကူအညီများကို သက်ဆိုင်ရာ ၀န်ကြီးဌာနများမှ တစ်ဆင့် ပံ့ပိုးကူညီ ဆောင်ရွက်သွားမည်ဖြစ်ပါကြောင်း။

မြန်မာနိုင်ငံ ကြက်ခြေနီအသင်း၏ လုပ်ငန်းများတွင် ပါဝင်ဆောင်ရွက်နိုင်မည့် လူငယ် လူရွယ်အများ အပြား လိုအပ်လျက်ရှိပြီး ယခုအခါ တိုင်းဒေသကြီးနှင့် ပြည်နယ် အဆင့်များတွင် ကြက်ခြေနီ လူငယ် ကော်မတီများ ဖွဲ့စည်းဆောင်ရွက်လျက်ရှိသည်ကို သိရှိရသည့်အတွက် အားတက်မိပါကြောင်း။

ထို့ပြင် မြို့နယ်၊ ကျေးရွာအဆင့်အထိပါ ကြက်ခြေနီအသင်းများ ဖွဲ့စည်းထားရှိပြီး သွားလာရန် ခက်ခဲသည့် ဒေသများတွင်ပါ ကျန်းမာရေးစောင့်ရှောက်မှုနှင့် ကယ်ဆယ် ရေးလုပ်ငန်းများ ဆောင်ရွက် နေသည်ကိုလည်း သိရှိရပါကြောင်း၊ ထိုကဲ့သို့ ကြက်ခြေနီ လုပ်ငန်းများဆောင်ရွက်ရင်း အသက် စွန့်လွှတ်သွားခဲ့ကြသည့် ကျန်းမာရေး ချို့တဲ့ကြသည့်၊ ထိခိုက်ဒဏ်ရာ ရခဲ့ကြသည့် ၄င်းတို့၏ အများ အကျိုးအတွက် ကိုယ်ကျိုးစွန့် စွမ်းဆောင်မှုများကိုလည်း ယနေ့ အလေးအနက် မှတ်တမ်းတင် ဂုဏ်ပြုအပ်ပါကြောင်း ပြောကြားသည်။

အသင်းအနေဖြင့် ကောင်းမွန်သည့် ဆောင်ရွက်ချက်များနှင့် စွမ်းဆောင်ရည်များ၊ အောင်မြင်မှုများကို ထိန်းသိမ်းဆောင်ရွက်ကြရန်၊ ယခုထက်ပိုမို တိုးတက်ကောင်းမွန် အောင် နည်းလမ်းရှာကြံ ကြိုးပမ်း ကြရန်၊ အသင်းအနေဖြင့် ပြည်သူလူထု အခြေပြု အဖွဲ့အစည်းအဖြစ် လူမှုကရုဏာ လုပ်ငန်းများကို လိုအပ်ချက်နှင့်အညီ နေရာဒေသ မရွေးဆောင်ရွက်ကြရန် တိုက်တွန်းလိုပါကြောင်းပြောကြားသည်။ 

ထို့နောက် နိုင်ငံတော်သမ္မတက ၂၀၀၆ ခုနှစ်မှ ၂၀၁၆ ခုနှစ်အထိ ၁၁ နှစ်တာ ကာလအတွင်း မြန်မာနိုင်ငံ ကြက်ခြေနီအသင်း အတွက် ထူးခြားသော ပြုပြင်ပြောင်းလဲ မှုများဆောင်ရွက်ခဲ့သူ ပါမောက္ခ ဒေါက်တာ သာလှရွှေအား ကြက်ခြေနီဂုဏ်ရည်ဆု ပေးအပ်ချီးမြှင့်သည်။

ဆက်လက်၍ မြန်မာနိုင်ငံ ကြက်ခြေနီအသင်းဥက္ကဋ္ဌ ပါမောက္ခ ဒေါက်တာဒေါ်မြသူ က နိုင်ငံတော် သမ္မတထံ ၂၀၁၇ ခုနှစ် ကမ္ဘာ့ကြက်ခြေနီနေ့ အထိမ်းအမှတ် လက်ဆောင် ကို ပေးအပ်သည်။

ယင်းနောက် နိုင်ငံတော်သမ္မတနှင့် ပြည်ထောင်စု ၀န်ကြီးများသည် အခမ်းအနားသို့ တက်ရောက် လာကြသည့် ဧည့်သည်တော် များနှင့်အတူ စုပေါင်း၍ မှတ်တမ်းတင် ဓာတ်ပုံရိုက်ကြပြီး အဆိုပါခန်းမ အတွင်း၌ ခင်းကျင်းပြသထားသည့် ၂၀၁၇ ခုနှစ် ကမ္ဘာ့ ကြက်ခြေနီနေ့ အထိမ်းအမှတ် ပြခန်းအား လှည့်လည်ကြည့်ရှု အားပေးသည်။

ထို့နောက် အခမ်းအနား ဒုတိယပိုင်းအစီအစဉ်ကို အဆိုပါခန်းမ၌ ဆက်လက် ကျင်းပရာ ပြည်ထောင်စု ၀န်ကြီး ဒေါက်တာ မြင့်ထွေးက အမှာစကား ပြောကြားပြီး ၂၀၁၇ ခုနှစ် ကမ္ဘာ့ကြက်ခြေနီနေ့ အထိမ်း အမှတ် စာပေနှင့် ပန်ချီပြိုင်ပွဲတွင် ပထမ၊ ဒုတိယနှင့် တတိယဆု ရရှိကြသူများအား ဂုဏ်ပြုဆုများ ပေးအပ်ချီးမြှင့်သည်။ 

အဆိုပါ အခမ်းအနားသို့ ပြည်ထောင်စုဝန်ကြီး ဒုတိယ ဗိုလ်ချုပ်ကြီးကျော်ဆွေ၊ ဒုတိယဗိုလ်ချုပ်ကြီး စိန်ဝင်း၊ ဒုတိယ ဗိုလ်ချုပ်ကြီး ရဲအောင်၊ ဒေါက်တာဖေမြင့်၊ ဒေါက်တာ မြင့်ထွေး၊ ဒေါက်တာ ၀င်းမြတ်အေး၊ ဦးကျော်တင့်ဆွေ၊ ပြည်ထောင်စု ရှေ့နေချုပ် ဦးထွန်း ထွန်းဦး၊ နေပြည်တော် ကောင်စီဥက္ကဋ္ဌ ဒေါက်တာမျိုးအောင်၊ ဒုတိယ၀န်ကြီး ဦးမင်းသူ၊ ကြက်ခြေနီအသင်း ဥက္ကဋ္ဌနှင့် အလုပ် အမှုဆောင်များ၊ သံတမန်များ၊ အပြည်ပြည်ဆိုင်ရာ ကြက်ခြေနီကော်မတီ၊ မိတ်ဖက်အမျိုးသား ကြက်ခြေနီနှင့် လခြမ်းနီအသင်းတို့မှ ကိုယ်စားလှယ်များ၊ ဖိတ်ကြားထားသူများ၊ ထူးချွန်ကြက်ခြေနီ မောင်မယ်များ၊ ကြက်ခြေနီ စေတနာ လုပ်အားရှင်များနှင့် ၀န်ထမ်းများ တက်ရောက်ကြသည်။

မြန်မာနိုင်ငံကြက်ခြေနီ အသင်းအနေဖြင့် ၁၉၂၀ ခုနှစ်တွင် စတင်တည်ထောင်ခဲ့ပြီး နိုင်ငံအတွင်း ရာသီဥတု ပြောင်းလဲမှုကြောင့် ဖြစ်ပေါ်လာသည့် ဘေးအန္တရာယ်များ၊ ပဋိပက္ခများကြောင့် ဖြစ်ပေါ် လာသည့် ဘေးဒုက္ခများကို ရပ်ရွာလူထုကိုယ်တိုင် ကြံ့ကြံ့ခံ နိုင်စွမ်းရှိစေမည့် အစီအစဉ်များကို လေ့ကျင့် သင်ကြားပေးလျက်ရှိသည်။ 

ထိုသို့ ဆောင်ရွက်ရာတွင် ကြက်ခြေနီစေတနာ လုပ်အားရှင် ၄၄၀၀၀ ကျော်မှ တစ်ဆင့် နှစ်စဉ် ပြည်သူလူထု ပျမ်းမျှ ၅ သိန်းကျော်ကို လူမှုကရုဏာအကူအညီများ ပံ့ပိုးပေးလျက်ရှိပြီး မြန်မာနိုင်ငံ ကြက်ခြေနီအသင်းရှိ ကြက်ခြေနီ စေတနာလုပ်အားရှင် များသည် လူထုအခြေပြု ကျန်းမာရေးနှင့် ရှေးဦးပြုစုပေးခြင်း၊ ရပ်ရွာလူထုကြံ့ကြံ့ခံ နိုင်စွမ်းမြှင့်တင်ရေး၊ ခြေတုလက်တု ပြန်လည် သန်းစွမ်းရေး၊ မိသားစု အဆက်အသွယ်ပြန် လည်ရရှိရေး၊ ဘေးအန္တရာယ် ကြိုတင်ပြင်ဆင်ရေး၊ တုံ့ပြန်ရေးနှင့် ပြန်လည်ထူထောင် ရေးလုပ်ငန်းများကို အတတ်နိုင်ဆုံး ကြိုးပမ်းဆောင်ရွက်လျက် ရှိသည်။ 

သတင်း-မော်စီ         (သတင်းစဉ်)

ဓာတ်ပုံ- ကိုကိုလေး   (သတင်းစဉ်)