Tuesday, May 2, 2017

အမျိုးသားအဆင့် ရေအရင်းအမြစ်ကော်မတီရှေ့လုပ်ငန်းစဉ် ညှိနှိုင်းအစည်းအဝေးကျင်းပ


နေပြည်တော်၊ မေ ၂
အမျိုးသားအဆင့်ရေအရင်းအမြစ်ကော်မတီရှေ့လုပ်ငန်းစဉ် ညှိနှိုင်းအစည်းအဝေးကို ယနေ့ နံနက် ၉ နာရီခွဲတွင် ပို့ဆောင်ရေးနှင့် ဆက်သွယ်ရေးဝန်ကြီးဌာန အစည်းအဝေး ခန်းမ၌ကျင်းပရာ အမျိုးသားအဆင့်ရေအရင်း အမြစ်ကော်မတီဥက္ကဋ္ဌ ဒုတိယသမ္မတ ဦးဟင်နရီဗန်ထီးယူ တက်ရောက်အမှာစကားပြောကြားသည်။

အစည်းအဝေးသို့ အမျိုးသားအဆင့်ရေအရင်းအမြစ်ကော်မတီ ဒုတိယ ဥက္ကဋ္ဌ ပြည်ထောင်စုဝန်ကြီး ဦးသန့်စင်မောင်၊ ကော်မတီဝင် ပြည်ထောင်စုဝန်ကြီး ဒုတိယ ဗိုလ်ချုပ်ကြီး ရဲအောင်၊ ဒေါက်တာအောင်သူ၊ ဦးဖေဇင်ထွန်း၊ အမျိုးသားအဆင့်ရေအရင်း အမြစ်ကော်မတီအကြံပေးအဖွဲ့ဝင်များနှင့် တာဝန်ရှိသူများတက်ရောက် ကြသည်။
အစည်းအဝေးတွင် အမျိုးသားအဆင့်ရေအရင်းအမြစ်ကော်မတီဥက္ကဋ္ဌ ဒုတိယ သမ္မတ ဦးဟင်နရီဗန်ထီးယူ က  ယနေ့ကျင်းပသည့်အစည်းအဝေးသည် အမျိုးသား အဆင့်ရေအရင်းအမြစ်ကော်မတီ ဦးတည်ချက်ဖြစ်သည့် တစ်နိုင်ငံလုံးအတိုင်းအတာဖြင့် လွှမ်းခြုံသည့်ရေအရင်းအမြစ်များကို ထိရောက်စွာ စီမံဆောင်ရွက်နိုင်ရေးအတွက် ၀န်ကြီး ဌာနအဖွဲ့အစည်းများကြားညှိနှိုင်းဆောင်ရွက်ရန်နှင့် ကော်မတီ၏ရှေ့လုပ်ငန်းစဉ်များ နှင့်ပတ်သက်၍ အတူတကွဝိုင်းဝန်း ဆွေးနွေးနိုင်ရန်ကျင်းပသည့်လုပ်ငန်းညှိနှိုင်းအစည်း အဝေးဖြစ်ကြောင်း၊      ၂၀၁၇ ခုနှစ် မတ် ၂၂ ရက်တွင် ကျရောက်ခဲ့သည့် ကမ္ဘာ့ရေနေ့ အထိမ်းအမှတ်အခမ်းအနားကို မြန်မာနိုင်ငံတွင် အမျိုးသားအဆင့်ရေ အရင်းအမြစ် ကော်မတီကကြီးမှူး၍ ရေနှင့်သက်ဆိုင်သည့် ၀န်ကြီးဌာန အဖွဲ့အစည်းများ၊ နိုင်ငံတကာ အဖွဲ့အစည်းများ၊ အစိုးရမဟုတ်သည့် ပြည်တွင်းပြည်ပအဖွဲ့အစည်းများ၊ ရေနှင့် ဆက်နွယ်သည့် ပုဂ္ဂလိကလုပ်ငန်းများ ပူးပေါင်းပါဝင်မှုဖြင့် ၂၀၁၇ ခုနှစ် မတ်လတွင် အောင် မြင်စွာကျင်းပခဲ့ကြောင်း၊ အဆိုပါအခမ်းအနားတွင် အမျိုးသားမိုးရေခံလှုပ်ရှားမှုစတင် ဆောင်ရွက်ခြင်းနှင့် ပတ်သက်သည့် အစီအစဉ် တစ်ရပ်ကို ထည့်သွင်းဆောင်ရွက်ခဲ့ကြောင်း၊ မြန်မာနိုင်ငံတော်အမျိုးသားအဆင့် ရေမူဝါဒ စာအုပ်နှင့် ပတ်သက်၍ ပြည်ထောင်စုလွှတ်တော် ဥပဒေရေးရာနှင့် အထူးကိစ္စရပ်များလေ့လာဆန်းစစ်သုံးသပ်ရေး ကော်မရှင်က သုံးသပ်အကြံပြုချက်များပေးပို့ခဲ့ပြီး အဆိုပါသုံးသပ် အကြံပြုချက်များနှင့် ၀န်ကြီးဌာန အဖွဲ့အစည်းများ၏သဘောထားမှတ်ချက်များကိုမူတည်၍ စာအုပ်ပါအချက် များကို အဆင့်လိုက် တည်းဖြတ်ပြုစုရန် ဆောင်ရွက်လျက်ရှိပါကြောင်း ပြောကြားသည်။
ဆက်လက်၍ ဒုတိယသမ္မတက အမျိုးသားအဆင့်ရေအရင်းမြစ်ကော်မတီ၏ လုပ်ငန်းတာဝန်များနှင့် ရေကြီးရေလျှံမှုနှင့် ရေရှားပါးမှုလျော့နည်းသက်သာစေရေး၊ ရေကဏ္ဍဖွံ့ဖြိုးတိုးတက်ရေးဆိုင်ရာ ရှေ့လုပ်ငန်း စဉ်များနှင့် ပတ်သက်၍သက်ဆိုင်ရာ ၀န်ကြီးဌာနများအချင်းချင်းဆက်နွယ် သည့်လုပ်ငန်းများနှင့် ပတ်သက်၍ပေါင်းစပ်ညှိနှိုင်း ဆောင်ရွက်ရေးနှင့် အမျိုးသားအဆင့် ရေအရင်းအမြစ်ကော်မတီ က ဆက်လက် ဆောင်ရွက်မည့် အမျိုးသားမိုးရေခံလှုပ်ရှားမှုနှင့် ရှေ့လုပ်ငန်းစဉ်များချမှတ်အကောင် အထည်ဖော်ဆောင်ရွက်ရေး အတွက် ၀ိုင်းဝန်းဆွေး နွေးအကြံပြုကြစေလိုကြောင်း၊ ရေအရင်းအမြစ်ဘက်စုံစီမံခန့်ခွဲမှုနှင့်ဆက်နွယ်သည့် နိုင်ငံတကာ အဖွဲ့အစည်းများနှင့် ပူးပေါင်းဆောင်ရွက်နေသည့် လုပ်ငန်းများနှင့်ပတ်သက်၍ ၀န်ကြီးဌာနအဖွဲ့ အစည်းများ အချင်းချင်းဝိုင်းဝန်ညှိနှိုင်း၍ အားနည်းချက်နှင့် အားသာချက်များကို စိစစ်ပြီး နိုင်ငံအတွက် အကျိုးဖြစ်ထွန်း စေမည့်လုပ်ငန်းများကို အားသွန်ခွန်စိုက်ဆက်လက် ဆောင်ရွက်စေလို ကြောင်း၊ ကော်မတီအနေဖြင့် နိုင်ငံ၏ရေအရင်းအမြစ်စီမံခန့် ခွဲမှုများဆောင်ရွက်ရာတွင် ထိရောက် အောင်မြင်မှုရှိစေမည့် လုပ်ငန်းစဉ်များနှင့် ဆက်လက် ဆောင်ရွက်မည့်လုပ်ငန်း များနှင့်ပတ်သက်၍ ၀န်ကြီးဌာန အဖွဲ့အစည်းများ အချင်းချင်း အထောက်အကူပြုဆောင် ရွက်နိုင်ရေးအတွက် ဆွေးနွေးအကြံပြုပေး ကြရန်တိုက်တွန်းလိုပါကြောင်း  ပြောကြားသည်။
ထို့နောက် အမျိုးသားအဆင့်ရေအရင်းအမြစ်ကော်မတီ ဒုတိယဥက္ကဋ္ဌ ပို့ဆောင်ရေးနှင့် ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးသန့်စင်မောင်က အမျိုးသားအဆင့် ရေအရင်းအမြစ် ကော်မတီ၏ လုပ်ငန်းဆောင်ရွက် မှုများနှင့် ရှေ့လုပ်ငန်း စဉ်များကို ရှင်းလင်းတင်ပြသည်။
ယင်းနောက် ကော်မတီအတွင်းရေးမှူး ရေအရင်းအမြစ်နှင့်မြစ် ချောင်းများဖွံ့ဖြိုးတိုး တက်ရေးဦးစီးဌာန ညွှန်ကြားရေးမှူး ချုပ် ဦးထွန်းလွင်ဦး က ကော်မတီ၏ လုပ်ငန်းဆောင် ရွက်ချက်များကိုရှင်းလင်းတင်ပြသည်။
ထို့နောက်အစည်းအဝေးသို့တက်ရောက်လာကြသည့် ကော်မတီဝင် ဒုတိယ ဗိုလ်ချုပ်ကြီးရဲအောင်နှင့် အမျိုးသား အဆင့် ရေအရင်း အမြစ် ကော်မတီအကြံပေး အဖွဲ့ဝင်များက မိုးရေခံလှုပ်ရှားမှု၊ ရေကြီးရေလျှံမှု လျော့ပါးရေး၊ ရေရှားပါးမှုလျော့နည်း သက်သာစေရေး လုပ်ငန်းများနှင့် စပ်လျဉ်းရှင်းလင်းဆွေးနွေး ကြရာ ဒုတိယသမ္မတက ဖြည့်စွက်ရှင်းလင်းသည်။
ထို့နောက် ဒုတိယသမ္မတ ဦးဟင်နရီဗန်ထီးယူက ၀န်ကြီးဌာနအဖွဲ့အစည်းများ အလိုက် လုပ်ငန်းဆောင်ရွက်မှု ရှင်းလင်းတင်ပြချက်များ၊ ကော်မတီရှေ့လုပ်ငန်းစဉ်များနှင့် ပတ်သက်သည့် အကြံပြုဆွေးနွေးချက်များသည် ကော်မတီ ရှေ့ဆက်ဆောင်ရွက်သင့်သည့် လုပ်ငန်းစဉ်များကို ရွေးချယ်ချမှတ် ရာတွင် များစွာအထောက်အကူ ပြုနိုင်မည်ဖြစ်ကြောင်း၊ တာဝန်ခံဝန်ကြီးဌာနများနှင့် သက်ဆိုင်ရာဝန်ကြီးဌာန အဖွဲ့အစည်းများအနေဖြင့်လည်း ဆက်လက်၍ အပြန်အလှန်ပူးပေါင်းညှိနှိုင်း ဆောင်ရွက်ကြ စေလိုကြောင်း ပြောကြားသည်။
(သတင်းစဉ်)

No comments:

Post a Comment