(၁၇) ကြိမ်မြောက် ဒိုဟာဖိုရမ်တွင် ပြည်ထောင်စုလွှတ်တော် အထူးကော်မရှင်ဥက္ကဋ္ဌ သူရဦးရွှေမန်း ဆွေးနွေးပြောကြား

နေပြည်တော် မေ ၁၅

 

ကာတာနိုင်ငံ၊ နိုင်ငံခြားရေးဝန်ကြီး၏ ဖိတ်ကြားချက်အရ ပြည်ထောင်စုလွှတ်တော် ဥပဒေရေးရာနှင့် အထူးကိစ္စရပ်များ လေ့လာဆန်းစစ် သုံးသပ်ရေး ကော်မရှင်ဥက္ကဋ္ဌ သူရဦးရွှေမန်းသည် ယနေ့တွင် (၁၇) ကြိမ်မြောက် ဒိုဟာ ညီလာခံသို့ တက်ရောက်ပြီး Transformation in Myanmar Political Landscape and Refugee Issue နှင့် ပတ်သက်၍ ဆွေးနွေးပြောကြားသည်။

အထူးကော်မရှင်ဥက္ကဋ္ဌက  ယနေ့ ကမ္ဘာတစ်ဝန်းတွင် ဒုက္ခသည်များ အရေးကို အာရုံစိုက်လာကြ ကြောင်း၊ ဒုက္ခသည်များ အရေးသည် သက်ဆိုင်ရာ နိုင်ငံများ၏ နိုင်ငံရေး၊ စီးပွားရေး၊ လူမှုရေးတို့အပေါ် များစွာ အကျိုးသက်ရောက်မှုရှိပြီး ဒေသ၏ တည်ငြိမ်အေးချမ်းရေးနှင့် ဖွံ့ဖြိုး တိုးတက်ရေးအပေါ် ထိခိုက်ကြောင်း၊ မြန်မာနိုင်ငံ အနေဖြင့်လည်း အရေးကြီး ကိစ္စရပ်အဖြစ် အထူး အလေးထားကာ သိမ်မွေ့စွာ ကိုင်တွယ်ဖြေရှင်းလျက်ရှိကြောင်း၊ နိုင်ငံလွတ်လပ်ရေး ရရှိချိန်မှစ၍ ယနေ့တိုင် နှစ်ပေါင်း ၇၀ ခန့်ကြာမြင့်ပြီဖြစ်သော လက်နက်ကိုင် ပဋိပက္ခများ ချုပ်ငြိမ်းအောင် ပြည်ထောင်စုငြိမ်းချမ်းရေး ညီလာခံကျင်း ပဆွေးနွေး လျက်ရှိကြောင်း၊ လွန်ခဲ့သည့် နှစ်ပေါင်းများစွာက အကြောင်းရင်းများကြောင့် ယနေ့ကမ္ဘာကအာရုံစိုက်လာသည့် ရခိုင်ပြည်နယ် အရေးသည် ပညာရေးအဆင့်အတန်းနိမ့်ကျခြင်း၊ ဆင်းရဲနွမ်းပါးခြင်း၊ ဖွံ့ဖြိုးတိုးတက်မှု နှေးကွေးခြင်း၊ တစ်ဖက်နှင့် တစ်ဖက် အပြန်အလှန် ယုံကြည်မှု မရှိခြင်းတို့ကြောင့် ဒေသတွင်းတင်းမာမှု ပိုမိုမြင့်တက်လာကြောင်း။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်သည့် ရခိုင်ပြည်နယ် တည်ငြိမ် အေးချမ်းရေးနှင့် ဖွံ့ဖြိုးတိုးတက်ရေး ဗဟိုကော်မတီက ယင်းကိစ္စရပ်များကို ကိုင်တွယ် ဖြေရှင်းလျက် ရှိကြောင်း၊ လူသားချင်းစာနာ ထောက်ထားမှု အထောက်အပံ့များ ပေးအပ်ခြင်း၊ ပညာရေး၊ ကျန်းမာရေး၊ လမ်းပန်း ဆက်သွယ်ရေး ပိုမိုကောင်းမွန်လာအောင် ဆောင်ရွက်ခြင်းနှင့် နိုင်ငံသား စိစစ်ရေးလုပ်ငန်းများ မြန်ဆန် ထိရောက်မှုရှိအောင် ဆောင်ရွက်ခြင်းတို့ကို အလေးထား လုပ်ဆောင်လျက်ရှိကြောင်း၊ ကုလသမဂ္ဂအထွေထွေ အတွင်းရေးမှူးချုပ်ဟောင်း ဒေါက်တာကိုဖီအာနန် ခေါင်းဆောင်သည့် ရခိုင်ပြည်နယ်ဆိုင်ရာ အကြံပေး ကော်မရှင်၏ ကြားဖြတ်အစီရင်ခံစာပါ အကြံပြုချက်များကိုလည်း အစိုးရက အကောင်အထည်ဖော်လျက်ရှိကြောင်း၊ ရခိုင်ပြည်နယ်နှင့် ဘင်္ဂလားဒေရှ် နိုင်ငံအတွင်းရှိ ဒုက္ခသည် စခန်းများတွင် လူ့အခွင့်အရေး ချိုးဖောက်သည်ဆိုသည့် စွပ်စွဲချက်များကို ဒုတိယသမ္မတ ဦးမြင့်ဆွေ ခေါင်းဆောင်သည့် စုံစမ်းရေး ကော်မရှင်က စုံစမ်း စစ်ဆေးလျက်ရှိပြီး စွပ်စွဲချက်သည် အထောက်အထားခိုင်လုံလျင်  ဥပဒေနှင့်အညီ အရေးယူမည် ဖြစ်ကြောင်း။

ယနေ့ မြန်မာနိုင်ငံတွင် ပြည်တွင်းငြိမ်းချမ်းရေး၊ အမျိုးသားပြန်လည် သင့်မြတ်ရေးနှင့် ဖက်ဒရယ် ဒီမိုကရေစီပြည်ထောင်စု တည်ဆောက်ရေးတို့ကို ဦးတည်ကြိုးပမ်းလျက်ရှိကြောင်း၊ လွတ်လပ်မှု၊ ညီမျှမှု၊  တရား မျှတမှုရှိရေး၊ လူသားများ၏ မွေးရာပါ အခွင့်အရေးကိုအသိအမှတ်ပြုပြီးတာဝန်ယူမှု၊ တာဝန်ခံမှုရှိသော နိုင်ငံအဖြစ် ကြိုးပမ်းအားထုတ်လျက်ရှိကြောင်း၊ ဒေသတွင်း လုံခြုံရေးနှင့် တည်ငြိမ် အေးချမ်းမှု မြှင့်တင်ရေး၊ ငြိမ်းချမ်းရေး၊ လုံခြုံရေးနှင့် ဖွံ့ဖြိုးတိုးတက်သော ကမ္ဘာကြီးဖြစ်ပေါ်ရေး တွင်လည်း တစ်တပ်တစ်အား ပါဝင်ဆောင်ရွက်လျက်ရှိကြောင်း ဆွေးနွေးပြောကြားပြီး တက်ရောက် လာသူများ၏ မေးမြန်းမှုများကို ရှင်းလင်းဖြေကြားသည်။

 (၁၇) ကြိမ်မြောက် ဒိုဟာဖိုရမ်ကို ကာတာနိုင်ငံ၊ ဒိုဟာမြို့၊ Sheraton Hotel ၌ မေ ၁၄ ရက် မှ မေ ၁၅ ရက် အထိကျင်းပပြီး နိုင်ငံခေါင်းဆောင်များ၊ လွှတ်တော်ဥက္ကဋ္ဌများ၊ နိုင်ငံတကာနှင့် ဒေသဆိုင်ရာ အဖွဲ့အစည်း၊ လူမှုအဖွဲ့အစည်းများမှ ကိုယ်စားလှယ်များ စုစုပေါင်း ၆၀၀ခန့် တက်ရောက်ကြကြောင်း သတင်းရရှိသည်။

 (သတင်းစဉ်)