ဒုတိယသမ္မတ ဦးဟင်နရီဗန်ထီးယူ လယ်ယာမြေနှင့်အခြားမြေများ သိမ်းဆည်းခံရမှုများ ပြန်လည်စိစစ်ရေး ဗဟိုကော်မတီ လုပ်ငန်းညှိနှိုင်းအစည်းအဝေးသို့ တက်ရောက် အမှာစကားပြောကြား

နေပြည်တော် မတ် ၃၁

မြေသိမ်းဆည်းခံရမှုကြောင့် နစ်နာသူပြည်သူများ၏ ရေရှည်ဘ၀ ရပ်တည်နိုင်ရေး အတွက် လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေး ကော်မတီအဆင့်ဆင့်အနေဖြင့် အလေးထားဆောင်ရွက်သွားရန် လိုအပ် ကြောင်း လယ်ယာမြေနှင့် အခြားမြေများသိမ်းဆည်းခြင်းခံရမှုများ ပြန်လည်စိစစ်ရေး ဗဟိုကော်မတီ ဥက္ကဋ္ဌ ဒုတိယသမ္မတ ဦးဟင်နရီဗန်ထီးယူက ပြောကြားလိုက်သည်။

နေပြည်တော်ရှိ ပြည်ထဲရေးဝန်ကြီးဌာန အစည်းအဝေးခန်းမ၌ ယမန်နေ့ မွန်းလွဲ ၂နာရီတွင် ကျင်းပသည့် လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေးဗဟိုကော်မတီ၏ (၁/၂၀၁၇)လုပ်ငန်းညှိနှိုင်း အစည်းအဝေးတွင် ဒုတိယသမ္မတ ဦးဟင်နရီဗန်ထီးယူက အထက်ပါအတိုင်း ပြောကြားခဲ့ခြင်းဖြစ်သည်။

ထို့ပြင် ဒုတိယသမ္မတက နိုင်ငံတော်သည် လယ်ယာစိုက်ပျိုးရေးကို အခြေခံသော နိုင်ငံဖြစ်၍ လယ်ယာစိုက်ပျိုးရေးနှင့် ဆက်စပ်နေသော လယ်ယာမြေများ၊ တောင်သူလယ်သမားများသည် အဓိက အခန်းကဏ္ဍတွင် ပါဝင်နေသဖြင့် နိုင်ငံတော် ၏ Image ဖြစ်သော မြေယာကိစ္စရပ်များကို ဖြေရှင်းဆောင်ရွက်ရာတွင် ပြန်လည်သုံးသပ်၍ အရှိန်ကောင်းကောင်းဖြင့် ဆက်လက်တွန်းအားပေး ဆောင်ရွက်သွားရန်လိုကြောင်း။

လယ်ယာမြေနှင့်အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေး ဗဟိုကော်မတီသို့ ပြည်ထောင်စုလွှတ်တော်၊ ပြည်သူ့လွှတ်တော်နှင့် အမျိုးသားလွှတ်တော်တို့မှ လွှဲပြောင်းပေးပို့လာသည့် တိုင်ကြားစာအမှုတွဲများ၊ တိုင်းဒေသကြီး၊ ပြည်နယ်များမှ ပေးပို့လာသည့် အမှုတွဲများ အနေဖြင့် စတင်ဖွဲ့စည်းအချိန်မှ ယနေ့အထိ တိုင်းကြားစာ အမှုတွဲ စုစုပေါင်း ၃၉၈၀ မှုရှိပြီး သက်ဆိုင်ရာဝန်ကြီးဌာန၊ နေပြည်တော်၊ တိုင်းဒေသကြီး၊ ပြည်နယ် လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေး ကော်မတီများသို့ မူဝါဒ၊ လုပ်ထုံးလုပ်နည်းများနှင့်အညီ စိစစ်ဆောင်ရွက်ရန် အကြောင်းကြားထားပြီးဖြစ်ကြောင်း၊ အမှုတွဲများမှ စိစစ်ဖြေရှင်းပြီး အမှုတွဲ ၂၁၂ မှုရှိပြီး စိစစ်ဖြေရှင်းဆဲ အမှုတွဲ ၃၇၆၈မှု ရှိကြောင်း စိစစ်တွေ့ရှိရသည့်အတွက် မျှော်မှန်းထားသော အတိုင်းအတာအထိ အကောင်အထည်ဖော်နိုင်ခြင်း မရှိသေး ကြောင်းကို သုံးသပ်မိကြောင်းပြောကြားသည်။

ဆက်လက်၍ ဒုတိယသမ္မတက ဗဟိုကော်မတီအနေဖြင့် တိုင်းဒေသကြီး၊ ပြည်နယ်များအတွင်း အထူးကိစ္စရပ်များ အနေဖြင့် ဖြေရှင်းရန်လိုအပ်သော မြေကိစ္စများကို တိုင်းဒေသကြီး၊ ပြည်နယ်အစိုးရအဖွဲ့ကိုယ်စားလှယ်များနှင့် သက်ဆိုင် ရာ ပြည်ထောင်စုဝန်ကြီးဌာနများမှ ကိုယ်စားလှယ်များ ပေါင်းစပ်ညှိနှိုင်း ဆုံးဖြတ်ဆောင် ရွက်လျက်ရှိရာ မန္တလေးတိုင်း ဒေသကြီးက ပထမဆုံး ပေါင်းစပ်ညှိနှိုင်းဆောင်ရွက်ခဲ့ သည့်အတွက် တိုးတက်မှုများ ရရှိခဲ့ပြီး ကချင်၊ ကယား၊ ချင်း၊ ပဲခူးတိုင်းဒေသကြီးတို့က လည်း ပေါင်းစပ်ညှိနှိုင်း ဆောင်ရွက်မှုကြောင့် တိုးတက်မှုများရရှိခဲ့ကြောင်း။

လယ်ယာမြေနှင့် အခြားမြေများသိမ်းဆည်းခြင်းခံရမှုများ ပြန်လည်စိစစ်ရေး ကော်မတီများအနေဖြင့် ယခင်အစိုးရ လက်ထက် စိစစ်ဖြေရှင်းရန် ကျန်ရှိနေသော အမှုတွဲများကိုလည်း ဆက်လက်ဖြေရှင်းဆောင်ရွက်လျက်ရှိရာ တိုးတက်မှု အမှုတွဲများအား လစဉ်ပုံမှန်ပြန်တမ်းဖြင့် ပြန်လည်တင်ပြရန် လိုအပ်ကြောင်း၊ နေပြည်တော်၊ တိုင်းဒေသကြီး၊ ပြည်နယ်များ အတွင်း ၀န်ကြီးဌာန၊ လူပုဂ္ဂိုလ်၊ အဖွဲ့အစည်းများမှ စီမံကိန်းအလို့ငှာ ရယူထားသောမြေများတွင် စီမံကိန်း အကောင် အထည်ဖော်ဆောင်ရွက်ခြင်း မရှိသည့် မြေများကို နိုင်ငံတော်နှင့် ဒေသခံ ပြည်သူလူထု အကျိုးအတွက် မြေစီမံခန့်ခွဲခြင်း ဆိုင်ရာ ဥပဒေ၊ နည်းဥပဒေ၊ လုပ်ထုံးလုပ်နည်းနှင့်အညီ ပြန်လည်သိမ်းဆည်းနိုင်ရန်အတွက် ညွှန်ကြားထားပြီးဖြစ်သည့် အတွက် ဆောင်ရွက်မှု အခြေအနေများ တင်ပြသွားရန် လိုအပ်ကြောင်း။

လယ်ယာမြေနှင့် အခြားမြေများ သိမ်းဆည်းခြင်းခံရမှုများ ပြန်လည်စိစစ်ရေး ဗဟိုကော်မတီ၏ လုပ်ငန်းဆောင်ရွက်ချက် များကို ပြည်သူများ သိရှိနိုင်ရေး နိုင်ငံပိုင် သတင်း၊ မီဒီယာများတွင် ဖော်ပြနိုင်ရန်အတွက် သတင်းထုတ်ပြန်ကြေညာချက် အား ပြန်ကြားရေးဝန်ကြီးဌာနသို့ ပေးပို့သွားမည်ဖြစ်ကြောင်း၊ ဗဟိုကော်မတီမှ မြေကိစ္စများ ဖြေရှင်းဆောင်ရွက်ရာတွင် ၀ိရောဓိဖြစ်စေနိုင်သည့် ကိစ္စရပ်များကို လွယ်လင့်တကူ ဖြေရှင်းနိုင်ရန် "မူ" (၁၀)ချက်ကို ထပ်မံချမှတ်ပြီးဖြစ်သည့် အတွက် အတည်ပြုသွားရန် လိုအပ်ကြောင်း ပြောကြားသည်။

ထို့နောက် ဗဟိုကော်မတီ အတွင်းရေးမှူး ဒုတိယ၀န်ကြီး ဗိုလ်ချုပ်အောင်စိုးက ဗဟိုကော်မတီအနေဖြင့် တိုင်ကြားစာများ အပေါ် လုပ်ငန်းဆောင်ရွက်မှု အဆင့်ဆင့်နှင့် စပ်လျဉ်း၍ လည်းကောင်း၊ ပြည်ထောင်စုဝန်ကြီးများ၊ နေပြည်တော်ကောင်စီ ဥက္ကဌ၊ တိုင်းဒေသကြီးနှင့် ပြည်နယ်ဝန်ကြီးချုပ်များက မြေယာကိစ္စရပ်များ လွယ်လင့်တကူ ဖြေရှင်းနိုင်ရေး ကိစ္စရပ်များ၊ မြေယာများနှင့်စပ်လျဉ်း၍ နစ်နာဆုံးရှုံးမှုမရှိစေရန် ဥပဒေနှင့်အညီ ဆောင်ရွက်နေမှုများကို ဆွေးနွေးတင်ပြကြသည်။

ယင်းနောက် ပြည်ထောင်စုဝန်ကြီးများက ဆွေးနွေးတင်ပြကြပြီး ဒုတိယသမ္မတက နိဂုံးချုပ်အမှာစကား ပြောကြားသည်။