''ရှမ်းပြည်နယ်၊ လောက်ကိုင်ဒေသအတွင်း တိုက်ခိုက်မှုများနှင့် စပ်လျဉ်းသည့် ထုတ်ပြန်ကြေညာချက်''”

ရှမ်းပြည်နယ် လောက်ကိုင်ဒေသအတွင်း တိုက်ခိုက်မှုများနှင့်စပ်လျဉ်း၍ ကြေညာချက်ထုတ်ပြန်

ပြည်ထောင်စုသမ္မတမြန်မာနိုင်ငံတော်

အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန

ကြေညာချက်အမှတ်၊ ၁/၂ဝ၁၇

၁၃၇၈ ခုနှစ်၊ တပေါင်းလဆန်း ၉ ရက်

(၂ဝ၁၇ ခုနှစ်၊ မတ်လ ၆ ရက်)

''ရှမ်းပြည်နယ်၊ လောက်ကိုင်ဒေသအတွင်း တိုက်ခိုက်မှုများနှင့် စပ်လျဉ်းသည့် ထုတ်ပြန်ကြေညာချက်''”

၁။ ယနေ့ အချိန်အခါတွင် ပြည်ထောင်စုဖွား တိုင်းရင်းသူ တိုင်းရင်းသားများ အားလုံး ခိုင်မာသောစိတ်ဓာတ်၊ ညီညွတ်သောနှလုံးသားများဖြင့် ငြိမ်းချမ်းရေး ဖြစ်စဉ်ကြီး အောင်မြင်စေရန် ဝိုင်းဝန်းဆောင်ရွက်ကြရန် အထူးအရေးကြီးလှ ပါသည်။

၂။ နိုင်ငံတော်အစိုးရအနေဖြင့် အမျိုးသားပြန်လည်သင့်မြတ်ရေးနှင့် ငြိမ်းချမ်းရေး ကို ဦးစားပေး ဆောင်ရွက်လျက်ရှိရာ မကြာသေးခင်ကပင် ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ (United Nationalities Federal Council-UNFC)၏ နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ် အဖွဲ့ (Delegation for Political Negotiation-DPN)နှင့် ဆွေးနွေးညှိနှိုင်းခဲ့ပါသည်။ ထိုဆွေးနွေးပွဲတွင် ရင်းနှီး ပွင့်လင်းစွာ ဆွေးနွေးညှိနှိုင်းနိုင်ခဲ့ပြီး UNFC ၏ အဆိုပြု ချက် ၉ ချက်အပေါ် သဘော တူညီချက် များရရှိရန် မျှော်လင့်ချက်များ ခိုင်မာစေသည့် ရလဒ်ကောင်းများ ရရှိခဲ့ပါသည်။

၃။ ထို့အပြင် ငြိမ်းချမ်းရေးကော်မရှင်(Peace Commission-PC) နှင့် နိုင်ငံ ရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့ (Delegation for Political Negotiation-DPN) တို့ အကြား ငြိမ်းချမ်းရေးဖြစ်စဉ်တွင် ပါဝင်သင့် ပါဝင် ထိုက်သည့် အဖွဲ့အစည်းများပါဝင်နိုင်ရေး နှစ်ဖက်ကြိုးပမ်းဆောင်ရွက်သွားရန် နှင့် ပြည်ထောင်စုငြိမ်းချမ်းရေး ညီလာခံ-(၂၁)ရာစုပင်လုံအစည်းအဝေးသို့ ပါဝင် တက်ရောက်နိုင်ရေး ညှိနှိုင်း ဆောင်ရွက်သွားရန် သဘောတူညီခဲ့ကြပါသည်။ တိုင်းရင်းသားပြည်သူများကလည်း ထိုတိုးတက်မှု ရလဒ်များကို ဝမ်းမြောက်ဝမ်းသာ ကြိုဆိုကြလျက် ငြိမ်းချမ်းရေးမျှော်လင့်ချက်ရောင်နီများလည်း မြင့်တက် လျက် ရှိပါသည်။

၎။ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဖြစ်စဉ်တွင် ဝမ်းမြောက် ဖွယ်ရာ တိုးတက်မှုများ ရရှိလာခဲ့ပြီး ပိုမိုကျယ်ပြန့်စွာပါဝင်နိုင်ရေး၊ ပိုမိုခိုင်မာ ရှင်သန် နိုင်ရေးအတွက် ကြိုးပမ်းဆောင်ရွက်နေချိန်တွင် MNDAA လက်နက်ကိုင် အဖွဲ့များက ယနေ့ နံနက် ၂ နာရီခန့်မှ စတင်၍ ရှမ်းပြည်နယ် အရှေ့မြောက် ဒေသရှိ လောက်ကိုင်မြို့နှင့် ပတ်ဝန်းကျင်နေရာများသို့ ထိုးစစ်ဆင်တိုက်ခိုက်မှုများ ပြုလုပ် လာခဲ့ပါသည်။ ကနဦးရရှိသောသတင်းများအရ မြို့တွင်းနေရာများသို့ ဝင်ရောက် တိုက်ခိုက်ခဲ့ခြင်းကြောင့် လုံခြုံရေး တပ်ဖွဲ့ဝင်များသာမက ဒေသခံအပြစ်မဲ့ပြည်သူ များ ထိခိုက်သေဆုံး ဒဏ်ရာရရှိမှုများ ဖြစ်ပေါ်ခဲ့ရပါသည်။ ယခုကြေညာချက် ထုတ်ပြန်သည့် အချိန်အထိ တိုက်ခိုက်မှုများ ဆက်လက်ဖြစ်ပွားနေဆဲ ဖြစ်ပါသည်။ လက်နက်ကိုင်ပဋိပက္ခများကြောင့် ပြည်ထောင်စုအတွင်း မှီတင်းနေထိုင်ကြသော တိုင်းရင်းသား ပြည်သူ အားလုံးအတွက် အကျိုးမဲ့ အချည်းနှီးဖြစ်စေရုံသာမက တိုက်ခိုက်မှုများ ဖြစ်ပွားရာဒေသရှိ ဌာနေ မျိုးနွယ်စုများ၊ ဒေသခံတိုင်းရင်းသား ပြည်သူများကို တိုက်ရိုက်ဆိုးကျိုးသက်ရောက်စေကာ ဒုက္ခပင်လယ် ဝေစေပါသည်။

၅။ သို့ဖြစ်၍ ဒေသခံ ဌာနေမျိုးနွယ်စုများ သေကျေထိခိုက်စေပြီး အပြစ်မဲ့ပြည်သူ များ ဒုက္ခကြုံတွေ့စေသော လက်နက်ကိုင်တိုက်ခိုက်မှုများကို စွန့်လွှတ်၍ ငြိမ်းချမ်း ရေးစားပွဲဝိုင်းသို့ ဦးတည်ကြရန်၊ တစ်နိုင်ငံလုံးရှိ တိုင်းရင်းသားပြည်သူများအားလုံး ခေတ်အဆက်ဆက် မျှော်လင့်တောင့်တလျက်ရှိသော ငြိမ်းချမ်းရေး ခရီးကို တန်းတူ ရည်တူ စိတ်တူကိုယ်တူဖြင့် အတူတကွ လျှောက်လှမ်းကြပါရန် အလေးအနက် တိုက်တွန်း အပ်ပါသည်။

အောင်ဆန်းစုကြည်

ဥက္ကဋ္ဌ

အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန