နေပြည်တော်၊
မတ် ၂၈
စီးပွားရေးနှင့် ကူးသန်း ရောင်းဝယ်ရေး ဝန်ကြီးဌာန၊ ပြည်ထောင်စုဝန်ကြီး
ဒေါက်တာ သန်းမြင့်သည် သြစတြီးယား သံအမတ်ကြီး H.E. Dr.Enno Drofenik နှင့် အဖွဲ့အား
မတ် ၂၈ ရက် မွန်းလွဲ ၂ နာရီတွင် စီးပွားရေးနှင့် ကူးသန်း ရောင်းဝယ်ရေး ဝန်ကြီးဌာန၊
ဝန်ကြီးရုံး ဧည့်ခန်းမ (၁) ၌ တွေ့ဆုံသည်။
တွေ့ဆုံစဉ် တိုင်းပြည် ဖွံ့ဖြိုးတိုးတက်မှု အတွက် အဓိက အခန်းကဏ္ဍမှ
ပါဝင်သော လူ့စွမ်းအား အရင်းအမြစ် ဖွံ့ဖြိုး တိုးတက်ရေး အတွက် သက်မွေးပညာရပ် သင်တန်းများ
ကူညီ ပံ့ပိုးပေးရေး၊ သွင်းကုန်/ ပို့ကုန် လိုင်စင်
ဖြေလျှော့မှုများ ပြုလုပ်၍ ပြည်ပ တိုက်ရိုက် ရင်းနှီး မြှုပ်နှံမှုများ ပိုမို တိုးတက်
ဝင်ရောက်လာရေး ဆောင်ရွက်နေမှုများ၊ လယ်ယာ စိုက်ပျိုးရေး ကဏ္ဍနှင့် အသေးစားနှင့် အလတ်စား
စီးပွားရေး လုပ်ငန်းများ ဖွံ့ဖြိုး တိုးတက်ရေးတို့နှင့် စပ်လျဉ်း၍ ဆွေးနွေးခဲ့ကြသည်။ (သတင်းစဉ်)
No comments:
Post a Comment