ပူတာအို ဖေဖော်ဝါရီ ၂၄
ကချင်ပြည်နယ်
၊ ပူတာအိုခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်
ခရိုင်မွေးမြူရေးနှင့်ကု သရေးဦးစီးဌာနတို့ပူးပေါင်းမှုဖြင့် ကျေးလက်နေပြည်သူများ
အသိပညာဗဟုသုတတိုးပွားလာစေရန်နှင့်မွေးမြူ ရေးလုပ်ငန်းဖြင့်
မိသားစုအတွင်းတစ်ဖက်တစ်လမ်းမှ ၀င်ငွေရရှိလာစေရန်အတွက် ကျေးရွာစာကြည့်တိုက်ရှင် သန်ခိုင်မာရေးနှင့် မွေးမြူရေးကဏ္ဍဖွံ့ဖြိုးတိုးတက်လာစေရေးအသိပညာပေးဟောပြောပွဲကို ဖေဖော်ဝါရီ(၂၄) ရက် နံနက်(၉)နာရီက
ပူတာအိုမြို့နယ် ၊ ဆာရ်ခွမ်ဒမ်းအုပ်စု ၊ ပင်စင်ကျေးရွာ အိုရိန်စာကြည့်တိုက်၌ ကျင်းပခဲ့သည်။
အခမ်းအနားတွင်
ဆာရ်ခွမ်ဒမ်းကျေးရွာအုပ်စု အုပ်ချုပ်ရေးမှူး ဦးချန်တန်ဆင်က အဖွင့်အမှာစကား ပြောကြားပြီး
ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဓါတ်ပုံကျွမ်းကျင်-၂ ဦးချန်းဖုန်ရမ်က ကျေး
ရွာစာကြည့်တိုက်ရှင်သန်ခိုင်မာရေးနှင့် စာဖတ်ခြင်း၏အကျိုးကျေးဇူးများကို အသိပညာပေးဟောပြောကာ ခရိုင် မွေးမြူရေးနှင့် ကုသရေးဦးစီးဌာန
ခရိုင်ဦးစီးမှူး ဒေါက်တာသန်းမြင့်က ၀က်မွေးမြူရာတွင် ဒေသထွက်အစာများ
ပေါင်းစပ်ကျွေးမွေးခြင်းဖြင့် အသားတိုးနှုန်း ပိုမိုကောင်းမွန်လာစေရန်နှင့် I2 ကြက်လည်လိမ်ကာကွယ်ဆေးခပ် ပေးခြင်းဖြင့်
မွေးမြူသူများ ကြက်ရောဂါကျရောက်ခြင်းမှ ကင်းဝေးစေရန်အတွက် အကျယ်တ၀င့်အသိပညာပေး
ဟောပြောသည်။
ဆက်လက်၍
တက်ရောက်လာသည့် ကျေးရွာအုပ်ချုပ်ရေးမှူး ဦးဒိန်ခေါင်ဖုန်ရမ်နှင့်ပြည်သူများအား
ခရိုင်မွေးမြူရေးနှင့် ကုသရေးဦးစီးဌာနကထုတ်ဝေသော ကြက် ၊ ၀က် ၊ ကျွဲ ၊နွား နှင့်ပတ်သက်၍အသိပညာပေး
လက်ကမ်းစာစောင်များကို ဖြန့်ဝေပေးခဲ့ကြပြီး
ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနက ခင်းကျင်း ပြသထားသည့် နံရံကပ်
ဓါတ်ပုံပြပွဲကို ကြည့်ရှူလေ့လာခဲ့ကြောင်း စတင်ရရှိသည်။
ခရိုင်
(ပြန်/ဆက်)
No comments:
Post a Comment