ရခိုင်ပြည်နယ်အစိုးရအဖွဲ့သို့ မြေတူးစက်ပေးအပ်လှူဒါန်းပွဲကျင်းပ

စစ်တွေ  ဖေဖေါ်ဝါရီ ၂၃

ရခိုင်ပြည်နယ်အစိုးရအဖွဲ့သို့ မြန်မာကိုင်ဒိုကုမ္ပဏီလီမီတက်မှ ၁၃ တန်အရွယ်မြေတူးစက်တစ်စီးပေးအပ် လှူဒါန်းပွဲ အခမ်းအနားကို ဖေဖေါ်ဝါရီလ ၂၃ ရက် နံနက် ၉နာရီက ရခိုင်ပြည်နယ် အစိုးရအဖွဲ့ရုံးအစည်းအဝေး ခန်းမ(၁) တွင်ကျင်းပပြုလုပ်ခဲ့သည်။

ရခိုင်ပြည်နယ်အစိုးရအဖွဲ့၏ ဒေသဖွံ့ဖြိုးရေးလုပ်ငန်းများနှင့် တည်ဆောက်ပြုပြင်ရေး လုပ်ငန်းများဆောင်ရွက်နေ သည့်ယခုလိုအချိန်အခါ၌ ပြည်နယ်ဖွံ့ဖြိုးတိုးတက်ရေးအတွက် တတ်နိုင်သည့်ဖက်က ကူညီလှူဒါန်းပေးသော မြန်မာ ကိုင်ဒိုကုမ္ပဏီလီမီတက်မှ တာဝန်

ရှိသူများအား အထူးကျေးဇူးတင်ရှိပါကြောင်းနှင့် နောင်တွင်လည်းပြည်နယ်ဖွံ့ဖြိုးတိုး တက်ရေးအတွက် ပူးပေါင်ပါဝင်ဆောင်ရွက်စေလိုကြောင်း ရခိုင်ပြည်နယ်အစိုးရအဖွဲ့ ပြည်နယ်ဝန်ကြီးချုပ် ဦးညီပုက အဖွင့်အမှာစကားပြောကြားရာတွင် ထည့်သွင်းပြောကြားခဲ့သည်။ ယင်းနောက် မြန်မာကိုင်ဒိုကုမ္ပဏီလီမီတက်မှ မန်းနေဂျင်းဒါရိုက်တာ ဦးဇော်ညွန့်နှင့် KOBELCO INTERNATIONAL (S) CO.PTE.LTD မှမန်းနေဂျင်း ဒါရိုက်တာ Mr. MOTOSHI NISHIOKAတို့မှ စက်ပစ္စည်းလှူဒါန်းရခြင်းနှင့် ပတ်သက်၍ရှင်းလင်းပြောကြားကြသည်။ ဆက်လက်ပြီး KOBELCO Hydraulic Excavator SK 130-8 အမျိုးအစားမြေတူးစက်အား Mr. MOTOSHI NISHIOKAမှ ပေးအပ်လှူဒါန်းရာ ပြည်နယ်ဘဏ္ဍာရေး၊ အခွန်၊ စီမံကိန်းနှင့် စီးပွားရေးဝန်ကြီး ဦးကျော်အေးသိန်းကလက်ခံရယူပေးပြီး ဂုဏ်ပြုမှတ်တမ်းလွှာ အားပြန်လည်ပေးအပ်ခဲ့သည်။ ထို့နောက်ပြည်နယ်လျှပ်စစ်၊ စက်မှုနှင့်လမ်းပန်းဆက်သွယ်ရေး ၀န်ကြီး ဦးအောင်ကျော်ဇံ က ကျေးဇူးတင်စကားပြန်လည်ပြောကြားခဲ့သည်။

မြန်မာကိုင်ဒိုကုမ္ပဏီလီမီတက်မှ ယနေ့ လှူဒါန်းသော ကျပ်သိန်း ၁၁၆၈ သိန်း တန်ဖိုးရှိ ၁၃တန်အရွယ် KOBELCO Hydraulic Excavator SK 130-8 အမျိုး အစားမြေတူးစက်အား ရခိုင်ပြည်နယ်အတွင်းရှိမြို့နယ်များတွင် မြို့တွင်း ရေစီးရေလာ ကောင်းမွန်ရေးနှင့် ဆည်မြောင်း၊ တာတမံများပြုပြင်ရာလိုအပ်လာပါကကူညီဆောင်ရွက်ပေးနိုင်ရန် စီစဉ်သွား မည်ဖြစ်ကြောင်း ပြည်နယ်စည်ပင်သာယာ ရေးဝန်ကြီး ဦးမင်းအောင်က ပြောကြားသည်။

အဆိုပါမြေတူးစက်လှူဒါန်းပွဲသို့ ပြည်နယ်ဝန်ကြီးချုပ်နှင့် ပြည်နယ်ဝန်ကြီးများ၊ ပြည်နယ်အဆင့်ဌာနဆိုင်ရာများ၊ အလှူရှင်မြန်မာ ကိုင်ဒိုကုမ္ပဏီလီမီတက်မှတာဝန်ရှိသူများနှင့်KOBELCO INTERNATIONAL (S) CO.PTE.LTDမှ မန်းနေဂျင်း ဒါရိုက်တာ Mr. MOTOSHI NISHIOKA တို့ တက်ရောက်ကြကြောင်း သတင်းရရှိသည်။

တင်ထွန်း(ပြန်/ဆက်)