(၄)ကြိမ်မြောက် ဘင်းမ်စတက်စွမ်းအင်ဆိုင်ရာ အဆင့်မြင့်အရာရှိကြီးများ အစည်းအဝေးကျင်းပ

 နေပြည်တော် ဇန်န၀ါရီ ၁၁

(၄)ကြိမ်မြောက် ဘင်းမ်စတက်စွမ်းအင်ဆိုင်ရာ အဆင့်မြင့်အရာရှိကြီးများ အစည်းအဝေးကို ယနေ့နံနက် (၉)နာရီတွင် နေပြည်တော်ရှိ ဟိုတယ်ရွှေပြည်တော်၌ ကျင်းပရာ လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးဖေဇင်ထွန်း တက်ရောက်၍ အဖွင့်အမှာစကားပြောကြားသည်။

ပြည်ထောင်စုဝန်ကြီးက ပြောကြားရာတွင် အဖွဲ့ဝင်နိုင်ငံများအကြား ကဏ္ဍ ပေါင်းစုံ၌ နည်းပညာနှင့် စီးပွားရေးပူးပေါင်းဆောင်ရွက်ရန် ဖွဲ့စည်းခဲ့သည့် ဘင်းမ် စတက် အဖွဲ့သည် သယံဇာတအရင်းအမြစ်များနှင့် ပထ၀ီအနေအထားတို့ကို အခြေခံ၍ စွမ်းအင်ကဏ္ဍပူးပေါင်းဆောင်ရွက်မှု မြှင့်တင်ကာ ဒေသတွင်းစွမ်းအင် ဖူလုံရေှးနှင့် ပိုမို ခိုင်မာကောင်းမွန်သည့် အသိုက်အ၀န်းဖော်ဆောင်ရေးတို့ကို ကြိုးပမ်းဆောင်ရွက်လျက် ရှိကြောင်း၊ ဘင်္ဂလားပင်လယ်အော်ဒေသ ဖွံ့ဖြိုးတိုးတက်မှုအတွက် အရေးပါသည့် ဘင်းမ်စတက်ပူးပေါင်း ဆောင်ရွက်ရေး ဧရိယာ ၁၄ ခု၌ စွမ်းအင်ကဏ္ဍပါဝင်ပြီး မြန်မာ နိုင်ငံအနေဖြင့် ၁၉၉၉ ခုနှစ်ကတည်းက  ဘင်းမ်စတက်စွမ်းအင်ဥက္ကဋ္ဌအဖြစ် တာဝန်ယူ ဆောင်ရွက်ခဲ့ကာ ၂၀၀၀ ခုနှစ်မှ ၂၀၀၅ ခုနှစ်အထိ ဘင်းမ်စတက်စွမ်းအင် ကျွမ်းကျင် အရာရှိများ အစည်းအဝေးကို (၅)ကြိမ်တိုင်တိုင် အိမ်ရှင်နိုင်ငံအဖြစ် အောင်မြင်စွာ ကျင်းပပေးခဲ့ကြောင်း။

ယခု ဘင်းမ်စတက် စွမ်းအင်အဆင့်မြင့် အရာရှိကြီးများ အစည်းအဝေးကို အိမ်ရှင်အဖြစ် လက်ခံကျင်း ပခြင်းသည် နိုင်ငံတော်အစိုးရသစ်၏ နိုင်ငံအချင်းချင်း ပူးပေါင်းဆောင်ရွက်မှုများကိုသာမက ဒေသတွင်း မိတ်ဖက်အဖွဲ့အစည်းများ၏ ပူးပေါင်းမှုလုပ်ငန်းစဉ်များကိုပါ အခြားအဖွဲ့ဝင်နိုင်ငံများနှင့်အတူ တက်ကြွစွာ ပါဝင် ဆောင်ရွက်လျက်ရှိကြောင်းကို ပြသခြင်းပင်ဖြစ်ပါကြောင်း၊ ၂၀၁၆ ခုနှစ် အောက်တိုဘာလ ၁၆ ရက်နေ့က အိန္ဒိယနိုင်ငံ ဂိုအာတွင် ကျင်းပခဲ့သည့်  BRICS  BIMSTEC  Leaders’ Outreach  Summit ၌ ဘင်းမ်စတက် အဖွဲ့ဝင်နိုင်ငံ ခေါင်းဆောင်များသည် အဖွဲ့ဝင်နိုင်ငံများအကြား စွမ်းအင်ဆိုင်ရာပူးပေါင်း ဆောင်ရွက်မှု များပိုမိုတိုးမြှင့်လုပ်ဆောင်နိုင်ရန် ဘင်းမ်စတက် ဓာတ်အားကွန်ယက်ချိတ်ဆက် ကုန်သွယ်ရေး ဆိုင်ရာ နားလည်မှုစာချွန်လွှာနှင့် ဘင်းမ်စတက်စွမ်းအင်ဗဟိုဌာန ဖွင့်လှစ် နိုင်ရေး နားလည်မှုစာချွန်လွှာတို့ကို လက်မှတ်ရေးထိုးရန်၊ ဖွံ့ဖြိုးတိုးတက်သည့် အသိုက် အ၀န်းထူထောင်နိုင်ရေးနှင့် ဒေသတွင်းစွမ်းအင်ကုန်သွယ်မှု မြှင့်တင်နိုင်ရေးအတွက် ပြန်ပြည့်မြဲစွမ်းအင်နှင့် သန့်ရှင်းသော စွမ်းအင်အရင်းအမြစ်များ တိုးချဲ့ရှာဖွေ ထုတ်လုပ် ကြရန် သဘောတူခဲ့ပါကြောင်း၊ ယခုအစည်းအဝေးသို့ တက်ရောက်လာကြသည့် ဘင်းမ်စတက် အဖွဲ့ဝင်နိုင်ငံအသီးသီးတို့မှ စွမ်းအင်ဆိုင်ရာ အဆင့်မြင့်အရာရှိကြီး များနှင့် ကိုယ်စားလှယ်များအနေဖြင့် BRICS  BIMSTEC  Leaders’ Qutreach Summit သဘောတူညီချက်များကို အကောင်အထည်ဖော် ဆောင်ရွက် နိုင်ရေး အလေးထား ဆွေးနွေးသွားကြရန် တိုက်တွန်းလိုပါကြောင်းဖြင့် ပြောကြားသည်။

ဖွင့်ပွဲ အခမ်းအနားအပြီးတွင် (၄)ကြိမ်မြောက် ဘင်းမ်စတက်စွမ်းအင်ဆိုင်ရာ အဆင့်မြင့် အရာရှိကြီးများ အစည်းအဝေးကို ဆက်လက်ကျင်းပခဲ့ရာ အစည်းအဝေး တက်ရောက်သူများမှ ဘင်းမ်စတက်အဖွဲ့ဝင် နိုင်ငံများအကြား စွမ်းအင်ဖူလုံမှုဆိုင်ရာ ကိစ္စများ တိုးမြှင့်လုပ်ဆောင်သွားမည့် အခြေအနေ၊  ဘင်းမ်စတက်အဖွဲ့ဝင်နိုင်ငံများ၏ နှစ်စဉ်တိုးတက်လျက်ရှိသည့် စွမ်းအင်လိုအပ်ချက်နှင့် ဖြည့်ဆည်းနိုင်မှု ကွာဟချက် ကျဉ်းမြောင်းစေရေး ပူးပေါင်းဆောင်ရွက်သွားမည့် အစီအစဉ်များ၊ ဘင်းမ်စတက် အဖွဲ့ဝင်နိုင်ငံများအကြားပြန်ပြည့်မြဲစွမ်းအင်သုံးစွဲမှုနှင့် မဟာဓာတ်အားလိုင်း ဆက်သွယ် ခြင်း အပါအ၀င် စဉ်ဆက်မပြတ် စွမ်းအင်ဖွံ့ဖြိုးတိုးတက်ရေး ဆောင်ရွက်သွားမည့် လုပ်ငန်းစဉ်များ၊ ဘင်းမ်စတက်မဟာ ဓာတ်အားလိုင်း ချိတ်ဆက်နိုင်ရေးနှင့် ဘင်းမ်စတက် စွမ်းအင်ဗဟိုဌာန ဖွင့်လှစ်နိုင်ရေး နားလည်မှု စာချွန်လွှာများ  လက်မှတ် ရေးထိုးနိုင်ရေးအတွက် ဆောင်ရွက်ရမည့် လုပ်ငန်းစဉ်များ၊ အစီအမံများအား ဆွေးနွေး ညှိနှိုင်းကြသည်။

အစည်းအဝေးသို့ ဘင်းမ်စတက်အဖွဲ့ဝင်နိုင်ငံများဖြစ်သည့် ဘင်္ဂလားဒေ့ရှ်၊ အိန္ဒိယ၊ မြန်မာ၊ သီရိလင်္ကာ၊ထိုင်း၊ ဘူတန်၊ နီပေါတို့မှ စွမ်းအင်ဆိုင်ရာ အဆင့်မြင့် အရာရှိကြီးများ၊ ကိုယ်စားလှယ်များ၊ ဘင်းမ်စတက် တာဝန်ရှိသူများ  တက်ရောက်ကြပြီး အစည်းအဝေးကို ဇန်န၀ါရီ ၁၂ ရက်အထိ (၂)ရက်ကြာ ကျင်းပသွား မည်ဖြစ်သည်။ 

(သတင်းစဉ်)