ဝက်လက် ဇန်နဝါရီ ၁၅
ကျောင်းသား၊ ကျောင်းသူလေးများ စာဖတ်ရှိန်မြှင့်တင်ရေး၊
ဥာဏ်ရည်သွေးထက်မြက်စေရေး၊ အနာဂတ်အတွက် အားထားရသည့်
နိုင်ငံသားကောင်းလေးများ ဖြစ်လာစေရေးတို့အတွက် စစ်ကိုင်း တိုင်းဒေသကြီး၊ ဝက်လက်မြို့နယ်
ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ မူလတန်းအဆင့် ပုံဆွဲ၊ ဆေးရောင်ခြယ်ပြိုင်ပွဲကို
ဇန်နဝါရီလ (၁၄)ရက်နေ့ နံနက်(၁၀)နာရီက အဆိုပါ ဦးစီးဌာနရုံးတွင် ကျင်းပပြုလုပ်ခဲ့သည်။
ပုံဆွဲ၊ ဆေးရောင်ခြယ်ပြိုင်ပွဲသို့ ဝက်လက် အမှတ် ၁၊ ၂၊
၃ ကျောင်းများမှ မူလတန်းအဆင့် ကျောင်းသားကျောင်းသူများ (၄၅)ဦး ပါဝင်ယှဉ်ပြိုင်ခဲ့ကြပြီး
ပထမ၊ ဒုတိယ၊ တတိယဆုနှင့် နှစ်သိမ့်ဆု ရရှိသော ကျောင်းသားကျောင်းသူများအား မြို့နယ်ပညာရေးမှူး
ဦးစိုးမောင်၊ မြို့နယ် ပြန်/ ဆက်ဦးစီးမှူး ဒေါ်နန်းမြင့်၊ မြို့နယ်စာရေးဆရာများအသင်း
အဖွဲ့ဝင် ဦးထွန်းဇော် နှင့် တာဝန်ရှိသူများက ဆုများ ချီးမြှင့်ပေးခဲ့ကြောင်း သိရသည်။
ထို့အပြင် လာမည့် စနေ့ အပတ်စဉ်တိုင်းတွင် ပုံပြောပြိုင်ပွဲ၊
ပန်းချီပြိုင်ပွဲ၊ စာစီစာကုံး၊ ကဗျာနှင့် ကျပန်းစကားပြော ပြိုင်ပွဲများကို ကျင်းပပေးသွားမည်ဖြစ်သဖြင့်
မြို့နယ်အတွင်းရှိ မူလတန်းl အလယ်တန်းအဆင့် ကျောင်းသား/ သူများ လာရောက်ယှဉ်ပြိုင်နိုင်ကြောင်းလည်း
သိရသည်။
မြို့နယ်
(ပြန်/ဆက်)
No comments:
Post a Comment