ဇီဝိတဒါနသာသနာ့အထူးကုဆေးရုံကြီးအတွက်
အလှူငွေပေးအပ်လှူဒါန်းပွဲကို မန္တလေးမြို့၊အောင်မြေသာစံ မြို့နယ်၊ ၆၂လမ်း၊ ၁၃လမ်းနှင့်
၁၄လမ်းကြားရှိ ဇီဝိတဒါနသာသနာ့အထူးကုဆေးရုံကြီးအစည်းအဝေးခန်းမ၌ ဇန်န၀ါရီ ၂၆ ရက် နံနက်
(၁၀) နာရီ က ကျင်းပပြုလုပ်ခဲ့သည်။
ရှေးဦးစွာ
အခမ်းအနားကိုနမောတဿ(၃)ကြိမ်ရွတ်ဆိုဘုရားကန်တော့၍ဖွင့်လှစ်ပြီး ဆေးရုံအုပ်ချုပ်ရေး ဥပဌာကအဖွဲ့ဥက္ကဌ
သုဓမ္မမဏိဇောတဓရ ဦးခင်မောင်လှနှင့်သာသနာတော်ထွန်းကားပြန့်ပွားရေးဦးစီးဌာန(မန္တလေး)
ဌာနခွဲ ညွှန်ကြားရေးမှူး ဦးခင်မောင်ဝင်းတို့က လုပ်ငန်းလွှဲပြောင်းလက်ခံခဲ့မှုအခြေအနေနှင့်
ဆက်လက် ဆောင်ရွက်သွားမည့်အစီအစဉ်များကို ရှင်းလင်းတင်ပြသည်။
ထို့နောက်သာသနာရေးနှင့်ယဉ်ကျေးမှုဝန်ကြီးဌာန၊
ပြည်ထောင်စုဝန်ကြီး သူရဦးအောင်ကိုက အမှာစကား ပြောကြားရာတွင်ဇီဝိတဒါနသာသနာ့အထူးကုဆေးရုံကြီးတွင်
သံဃာတော်အရှင်သူမြတ်တို့၏ ကျန်းမာရေး လိုအပ် ချက်များကို ဖြည့်ဆည်းစောင့်ရှောက်ကုသိုလ်ယူခြင်းဖြင့်
သာသနာပြုအကျိုးထူးကို ရယူဆောင်ရွက်ခြင်းသည် အမျိုး ဘာသာ သာသနာကို စောင့်ရှောက်ခြင်းပင်ဖြစ်၍
ဝိုင်းဝန်းဆောင်ရွက်ကြရန် တိုက်တွန်းမှာကြားသည်။
ဆက်လက်၍
ဇီဝိတဒါနသာသနာ့ဆေးရုံကြီးအတွက် ဦးစိန်မြင့်+ အဂ္ဂမဟာသီရိသုဓမ္မသိင်္ဂီ ဒေါ်စန်းကြူ (အဆင့်မြင့်ဒုံးပျံဂျုံစက်)
မိသားစု က အလှူငွေကျပ်သိန်း(၂၀၀)၊ ဦးလှထွန်း+သီဟသုဓမ္မသိင်္ဂီ ဒေါ်စန်းစန်းဝေ (ရှမ်းပျိုမယ်တိုင်းရင်းဆေး)မှ
အလှူငွေ ကျပ်သိန်း(၁၀၀)၊ ခင်းပွန်းဦးသက်ရင်(၁၇)နှစ်ပြည့်အား ရည်စူး၍ သီဟသုဓမ္မသိင်္ဂ
ီ ဒေါ်စန်းစန်း (ရွှေပြည်သာကျောက်စိမ်း ကျောက်မျက်ရောင်းဝယ်ရေး) မိသားစုမှ အလှူငွေ ကျပ်သိန်း(၃၀)
တို့အား အသီးသီးလှူဒါန်းရာ ပြည်ထောင်စုဝန်ကြီး သူရဦးအောင်ကိုက လက်ခံရယူပြီး ဂုဏ်ပြု
မှတ်တမ်းလွှာများပြန်လည်ပေးအပ်သည်။
ယင်းနောက်ပြည်ထောင်စုဝန်ကြီးနှင့်တာဝန်ရှိသူများက
ဇီဝိတဒါနသာသနာ့ ဆေးရုံကြီး အဆောက်အဦးအား လှည့်လည်ကြည့်ရူ့ စစ်ဆေးကာ ဆောင်ရွက်ရန်လုပ်ငန်းများ
မှာကြားခဲ့ကြောင်း သတင်းရရှိသည်။
မန္တလေး(ပြန်/ဆက်)
No comments:
Post a Comment