နေပြည်တော် ဇန်နဝါရီ ၁၉
ပြည်ထောင်စုလွှတ်တော်၊
ဥပဒေရေးရာနှင့် အထူးကိစ္စရပ်များလေ့လာဆန်းစစ် သုံးသပ်ရေးကော်မရှင် ဥက္ကဋ္ဌ သူရဦးရွှေမန်းသည်
ကုလသမဂ္ဂ၏ မြန်မာနိုင်ငံလူ့အခွင့်အရေး အခြေအနေဆိုင်ရာ
အထူးအစီရင်ခံစာ တင်သွင်းသူ မစ္စရန်ဟီလီနှင့်အဖွဲ့အား
ယနေ့နံနက် ၉ နာရီတွင် နေပြည်တော်ရှိ လွှတ်တော်ရေးရာဆောင်(I-1) ဧည့်ခန်းမ၌လက်ခံတွေ့ ဆုံသည်။
ထိုသို့တွေ့ဆုံစဉ်
မြန်မာနိုင်ငံ၏ လူ့အခွင့်အရေးဆိုင်ရာ ဖြစ်ပေါ်တိုးတက်မှု အခြေအနေ၊ ကလေးသူငယ်အခွင့် အရေး၊
အမျိုးသမီးအခွင့်အရေး၊ နိုင်ငံသားအခွင့်အရေး တို့နှင့် သက်ဆိုင်သည့် ဥပဒေဆိုင်ရာကိစ္စရပ်များ၊
ကော်မရှင်ကဆောင်ရွက်နေသည့် တည်ဆဲဥပဒေများကို လေ့လာဆန်းစစ် သုံးသပ်အကြံပြုခြင်းနှင့်
ရေးဆွဲ ပြဋ္ဌာန်းရန် လိုအပ်သော ဥပဒေများအတွက် ဥပဒေကြမ်းများပေါ်ပေါက်ရေး ပူးပေါင်းဆောင်ရွက်ခြင်း
ဆိုင်ရာ ကိစ္စရပ်များ၊ ဒီမိုကရေစီပြုပြင်ပြောင်းလဲရေးတွင် Law Reform ၏ အရေးပါမှုကဏ္ဍတို့နှင့်
စပ်လျဉ်း၍ အမြင်ခြင်းဖလှယ်ဆွေးနွေးကြသည်။
အဆိုပါတွေ့ဆုံပွဲသို့
ကော်မရှင်အဖွဲ့ဝင်များဖြစ်ကြသည့် ဦးကိုကိုနိုင်၊ ဦးစံရွှေအောင်၊ ဦးမြသိန်း၊ ဦးမြင့်နိုင်၊
ဒေါ်သန်းသန်းရီနှင့် ကော်မရှင်အတွင်းရေးမှူး ဦးခင်မောင်ထွန်းတို့ တက်ရောက်ကြသည်။
(သတင်းစဉ်)
No comments:
Post a Comment