၂၀၁၆ ခုနှစ် ကမ္ဘာ့ခုခံအားကျဆင်းမှု ကူးစက်ရောဂါ တိုက်ဖျက်ရေးနေ့ (ဗဟိုအဆင့်) အခမ်းအနား ကျင်းပ

နေပြည်တော်၊ ဒီဇင်ဘာ(၂)

" အားလုံး လက်တွဲကာကွယ် အိပ်ခ်ျအိုင်ဗွီ ကူးစက်မှုအန္တရာယ်" ဆောင်ပုဒ်ဖြင့် ကျင်းပသော၂၀၁၆ ခုနှစ် ကမ္ဘာ့ခုခံအားကျဆင်းမှု ကူးစက်ရောဂါ တိုက်ဖျက်ရေးနေ့ (ဗဟိုအဆင့်) အခမ်းအနားကို ယနေ့နံနက်(၁၀)နာရီတွင် နေပြည်တော်ရှိ ကျန်းမာရေးနှင့် အားကစားဝန်ကြီးဌာနတွင် ကျင်းပသည်။

အခမ်းအနားတွင် ပြည်ထောင်စုဝန်ကြီး ဒေါက်တာမြင့်ထွေးက ပြောကြားရာတွင် အိပ်ခ်ျအိုင်ဗွီ/အေအိုင်ဒီအက်စ် ရောဂါဖြစ်ပွားမှုကြောင့် ခွဲခြားနှိမ်ချဆက်ဆံခံရခြင်း၊ စိတ်ပိုင်း၊ လူမှုရေးပိုင်း၊ စီးပွားရေးပိုင်းဆိုင်ရာ အခက်အခဲများ ကြုံတွေ့ရခြင်းအပြင် အိပ်ခ်ျအိုင်ဗွီ/အေအ်ုင်ဒီအက်စ်နှင့် ဆက်နွယ်သော အခွင့်အရေးယူ ရောဂါများ (Opportunistic infections) ဖြစ်ပွားခြင်း၊ နာမကျန်းဖြစ်ခြင်းနှင့် သေဆုံးခြင်းများ ဖြစ်ပေါ်ရပါကြောင်း၊ ၂၀၀၅ ခုနှစ်မှစတင်ကာ ခုခံကျကာလသား ရောဂါတိုက်ဖျက်ရေးစီမံချက်နှင့် မိတ်ဖက်အဖွဲ့ အစည်းများ ပူးပေါင်းကာ အိပ်ခ်ျအိုင်ဗွီ/ အေအိုင်ဒီအက်စ်လူနာများအား အေအာတီဆေးဖြင့် ကုသခြင်းကိုစတင် ဆောင်ရွက်ခဲ့ပါကြောင်း၊ ၂၀၁၁ ခုနှစ်မှ စတင်ကာ နိုင်ငံတော်အစိုးရ၊ ကမ္ဘာ့ရန်ပုံငွေအဖွဲ့ (Global Fund)နှင့် အပြည်ပြည်ဆိုင်ရာလူမှုရေး အဖွဲ့အစည်းများ၏ တိုးမြှင့်ထောက်ပံ့မှုများကြောင့် အရှိန်အဟုန်မြှင့် ဆောင်ရွက် လာနိုင်ခဲ့ပါကြောင်း၊ အကျိုးရ လာဒ်အနေဖြင့် လူနာများကိုပိုမို ကုသပေးနိုင်ခဲ့ပါကြောင်း၊ ယခုကဲ့သိုပ မြို့နယ်အဆင့် အေအာတီဆေးဆင့်ပွား ဆေးကုဌာနများ တိုးချဲ့ဖွင့်လှစ်ကာ အေအာတီဆေးကုသမှု လုပ်ငန်းများကို ပိုမိုလက်လှမ်း မီရရှိစေရန် ဆောင်ရွက်ပေး နိုင်ခြင်း ကြောင့်ဖြစ်ပါကြောင်း၊ အိပ်ခ်ျအိုင်ဗွီပိုးရှိ/မရှိ သွေးစစ်ဆေးခြင်း လုပ်ငန်းများ ကိုလည်း တိုးမြှင့်ဆောင်ရွက်ပေး လျှက်ရှိရာ ကျေးလက်ဒေသ အောက်ခြေ အထိရောက်ရှိစေရန် တိုးချဲ့ဆောင်ရွက်လျက် ရှိပါကြောင်း၊ မူးယစ်ဆေးအကြောထဲ ထိုးသွင်း သူများအကြား အိပ်ခ်ျအိုင်ဗွီပိုး ကူးစက်ခံရမှု အန္တရာယ် လျှော့ချရေးအတွက် မူးယစ်ဆေးအစားထိုး မက်သာဒုန်း ဆေးတိုက်ကျွေးခြင်းလုပ်ငန်းများ ဆောင်ရွက်လျက် ရှိပါကြောင်း၊ မိခင်မှ ကလေးသို့ အိပ်ခ်ျအိုင်ဗွီပိုးကူးစက်မှုမှ ကာကွယ်ခြင်းလုပ်ငန်းကို  ၂၀၁၆-ခုနှစ်တွင် မြို့နယ်အခြေပြု (Township based PMTCT) ကို (၃၁၄)မြို့နယ် အထိတိုးချဲ့ ဆောင်ရွက်နိုင်ခဲ့ပြီး၊ ဆေးရုံအခြေပြု (Hospital based PMTCT)ကို အိပ်ခ်ျအိုင်ဗွီဖြစ်ပွားမှုနှုန်း မြင့်မားသော ကော့သောင်း၊ တာချီလိတ်၊ နမ့်ခမ်းစသည့် နယ်စပ်ဒေသ ခုတင်(၁၀၀)ဆေးရုံ (၅)ရုံနှင့် တိုင်းဒေသကြီး/ပြည်နယ်အသီးသီးရှိ ခုတင်(၂၀၀)နှင့်အထက် ဆေးရုံကြီး(၃၃)ရုံတို့တွင် ဆောင်ရွက်လျက် ရှိပါကြောင်း၊ လာမည့်၂၀၁၇-ခုနှစ်တွင် တစ်နိုင်ငံလုံးလွှမ်းခြုံမှုရရှိအောင် ကျန်ရှိသော မြို့နယ်များတွင်လည်း တိုးချဲ့သွားနိုင်ရန် စီစဉ်ဆောင်ရွက်လျှက်ရှိပါကြောင်း၊ ခုခံအား ကျဆင်းမှုကူးစက်ရောဂါ တိုက်ဖျက်ရေး လုပ်ငန်းအတွက် လမ်းပြမြေပုံအဖြစ် ရေးဆွဲထားသော တတိယအကြိမ်မြောက် ခုခံအားကျဆင်းမှု ကူးစက်ရောဂါ ဆိုင်ရာ အမျိုးသားမဟာဗျူဟာ စီမံကိန်း(၂၀၁၆-၂၀၂၀)တွင် ဖေါ်ပြပါရှိသည့် လုပ်ငန်းစဉ်များအတိုင်း ဆောင်ရွက် သွားမည် ဖြစ်ပါကြောင်း ပြောကြားသည်။

ယင်းနောက် ကုလသမဂ္ဂအထွေထွေ အတွင်းရေးမှူးချုပ်၏ သဝဏ်လွှာအား ကမ္ဘာ့ကျန်းမာရေးအဖွဲ့ Country Representative, Dr. Jorge M Luna ကလည်းကောင်း၊ ကုလသမဂ္ဂ အေအိုင်ဒီအက်စ်အစီအစဉ်၏ သဝဏ်လွှာအား UNAIDS Country Director, Mr. Eamonn Murphy ကလည်းကောင်းဖတ်ကြားသည်။

ထို့နောက်အိပ်ခ်ျအိုင်ဗွီပိုး ကူးစက်ခံထားရသူတစ်ဦးက ကြုံတွေ့ခဲ့ရသော အခက်အခဲများကို  ဝေမျှပြောကြားပြီး ယင်းနောက် ၂၀၁၆-ခုနှစ် ကမ္ဘာ့ခုခံအား ကျဆင်းမှုကူးစက်ရောဂါ တိုက်ဖျက်ရေးနေ့ အထိမ်းအမှတ် ပန်းချီ၊ ကာတွန်း၊ စာစီစာကုံးပြိုင်ပွဲများတွင် ဆုရရှိသော ကျောင်းသား/ ကျောင်းသူများအား ပြည်ထောင်စုဝန်ကြီးနှင့် တာဝန်ရှိသူများက ဆုများပေးအပ် ချီးမြှင့်ကြပြီး ကမ္ဘာ့ခုခံအားကျဆင်းမှု ကူးစက်ရော ဂါတိုက်ဖျက်ရေးနေ့ အထိမ်းအမှတ် ပြခန်းငယ်အား ကြည့်ရှုအားပေးကြသည်။

အခမ်းအနားအပြီးတွင် သတင်း၊ မီဒီယာများအား အသိပေးရှင်းလင်းပြောကြားခဲ့သည်။ နှစ်စဉ် ဒီဇင်ဘာ(၁)ရက်နေ့ကို ကမ္ဘာ့ခုခံအားကျဆင်းမှု ကူးစက်ရောဂါ တိုက်ဖျက်ရေးနေ့အဖြစ် သတ်မှတ်ကာ မြန်မာနိုင်ငံ အပါအဝင် တစ်ကမ္ဘာလုံးတွင် ကျင်းပလျက်ရှိရာ ယခုနှစ်အတွက်ဆောင်ပုဒ်မှာ "အားလုံးလက်တွဲ ကာကွယ်၊ အိပ်ခ်ျအိုင်ဗွီ ကူးစက်မှုအန္တရာယ်"၊ " HANDS UP FOR #HIVPREVENTION " ဖြစ်ကြောင်း သတင်းရရှိသည်။

(သတင်းစဉ်)