ယင်းမာပင် ဒီဇင်ဘာ ၁၅
စားသုံးသူရေးရာဦးစီးဌာန၊
ယင်းမာပင်ခရိုင်ဦးစီးမှူးရုံးက ကြီးမှူးကျင်းပသည့် စားသုံးသူအကာ အကွယ်ပေးရေး နှီးနှော ဖလှယ်ပွဲကို စစ်ကိုင်းတိုင်းဒေသကြီး ၊ ယင်းမာပင်ခရိုင်
၊ ယင်းမာပင်မြို့နယ် အထွေထွေ အုပ်ချုပ်ရေးဦးစီးဌာန သာယာအေး ခန်းမတွင် ဒီဇင်ဘာ ၁၅ ရက် နံနက် ၁၀ နာရီက ကျင်းပသည်။
ရှေးဦးစွာ ယင်းမာပင်ခရိုင်
စားသုံးသူအငြင်းပွားမှု ဖြေရှင်းရေးအဖွဲ့ ဥက္ကဌ ၊ ခရိုင်စီမံခန့်ခွဲမှုကော်မတီ ဥက္ကဌ ဦးအောင်ဇော်လတ်
၊ တိုင်းဒေသကြီးလွှတ်တော် အမှတ်(၂)မဲဆန္ဒနယ်မြေ လွှတ်တော်ကိုယ်စားလှယ် ဒေါ်အောင်မေရီတို့က အဖွင့်အမှာစကား ပြောကြားကြသည်။
ဆက်လက်ပြီး စာသုံးသူရေးရာဦးစီးဌာန ဒုတိုင်းဒေသကြီးဦးစီးမှူး ဦးကျော်ဝင်းနှင့် ခရိုင်ဦးစီးမှူး
ဦးသန်းပိုတို့က စားသုံးသူ အကာအကွယ် ပေးရေးဆိုင်ရာများကို ရှင်းလင်းဆွေးနွေးပြီး ၊
စားသုံးသူအငြင်းပွားမှု ဖြရှင်းရေးအဖွဲ့ဝင်များဖြစ်သည့် ခရိုင်ဥပဒေ အရာရှိ ဒေါ်ယဉ်ယဉ်အေးက စားသုံးသူအကာ အကွယ်ပေးရေးဥပဒေအကြောင်း
၊ ခရိုင်ကျန်းမာရေးဦးစီးဌာန ကျန်းမာရေးမှူး
အဆင့်(၁)ဦးစောလှိုင်နှင့် မြို့နယ်မွေးမြူရေးနှင့် ကုသရေးဦးစီးဌာန ဦးစီးမှူး ဒေါက်တာအေးအောင်တို့က အစားအသောက်နှင့် ကျန်းမာရေးဆိုင်ရာများ၊
မြို့နယ်စည်ပင်သာယာရေးကော်မတီ အမှုဆောင်အရာရှိ ဒေါ်ပြုံးမို့လွင်သိန်းက အစားအစာနှင့်
ပတ်ဝန်းကျင်သန့်ရှင်းမှု၊ ခရိုင်စိုက်ပျိုးရေးဦးစီးဌာနမှ ဒေါ်ခင်ခင်အေးက စိုက်ပျိုးရေးသုံး
ဆေးဝါးများနှင့် အန္တရာယ်ရှိမှု စသည်တို့အား ကျယ်ကျယ်ပြန့်ပြန့်ရှင်းလင်းဆွေးနွေး ပညာပေးကြသည်။
ထို့နောက် ရပ်ကွက်/ကျေးရွာများမှ
ထုတ်လုပ်သူများ၊ စားသုံးသူများက ဆွေးနွေးရှင်းလင်းမှုများအပေါ် ပြန်လည်မေးမြန်း ဆွေးနွေးကြရာ
“ကျမတို့ဒေသမှာ ငှက်ပျောသီးစားခြင်လို့ဝယ်မယ်ဆိုရင် ဘယ်တော့မှအရသာရှိတဲ့ စားကောင်းတဲ့
ငှက်ပျောသီးမရနိုင်တော့ဘူး ၊ အားလုံးက တို့ဆေးသုံးပြီး
ရင့်မှည့် အောင်လုပ်ကြတယ် ၊ ကျမတို့ငယ်တုန်းကဆို စပါးခွံမီးနဲ့ မြေတိုက်ထဲမှာ အုပ်ပြီးမှ
ရောင်းတာဆိုတော့ အန္တရာယ်မဖြစ်နိုင်ဘူး၊ ဒီလိုပါဘဲ ပစ္စည်းရောင်းသူအားလုံးက သူတို့ပစ္စည်း
အမြန် ရောင်းပြီး အမြန်ပိုက်ဆံရဖို့ တစ်ခုတည်းကိုကြည့်ပြီး ထုတ်လုပ်နေကြတာ၊ ဒါကြောင့်
ဒီလိုဖြစ်ရပ်လေးတွေ ရပ်တန်းကရပ်ပြီး ပစ္စည်းမှန် ဈေးမှန်နဲ့ စားသုံးသူများ အန္တရာယ်မဖြစ်ရေးအတွက် အခုလို ပညာပေး ဆွေးနွေးမှုမျိုးကို ကျေးရွာတွေအရောက် ကျယ်ကျယ်ပြန့်ပြန့် ပြုလုပ်ပေးသင့်ပါတယ်
“ စသည်ဖြင့် ပြန်လည်ဆွေးနွေးမေးမြန်းခြင်းကဏ္ဍတွင် ထည့်သွင်းဆွေးနွေး မေးမြန်းကြရာ စားသုံးသူအငြင်းပွားမှုဖြေရှင်းရေး
အဖွဲ့ဝင်များက ပြန်လည်ရှင်းလင်းဖြေကြားကြပါသည်။
စားသုံးသူအကာအကွယ်ပေးရေး
နှီးနှောဖလှယ်ပွဲသို့ ခရိုင်/မြို့နယ် အဆင့်ဌာနဆိုင်ရာများ၊ ထုတ်လုပ်သူ/ စားသုံးသူများ
တက်ရောက်ကြကြောင်း သိရသည်။
ယင်းမာပင်ခရိုင် ပြန်/ဆက်
No comments:
Post a Comment