နေပြည်တော် နိုဝင်ဘာ ၂၅
ကွတ်ခိုင်မြို့ မြောက်ဘက် ၁၃ မိုင်ခန့်အကွာ၊ အထက် နမ့်ဖတ်လွန်း ကျေးရွာအနီး၌
နိုဝင်ဘာ ၂၅ ရက် နေ့လယ် ၁၁ နာရီ ၄၅ မိနစ်ခန့်၌ KIA/TNLA လက်နက်ကိုင် ပူးပေါင်းအဖွဲ့များက
ပြည်ထောင်စုလမ်းမကြီးပေါ်တွင် သွားလာနေ သည့် ယာဉ်ကြီး/ယာဉ်ငယ်များအား တားဆီးကာ ၂၂ ဘီးယာဉ်
၂ စီးနှင့် ခရီးသည်တင် မှန်လုံကား ၁ စီးတို့အား ခေါင်းချင်းဆိုင်၍ မီးရှို့ဖျက်ဆီးခဲ့ကြောင်း
နိုင်ငံတော် အတိုင်ပင်ခံရုံး သတင်းထုတ်ပြန်ရေးကော်မတီမှ သတင်း ထုတ်ပြန်ထားသည်။
အလားတူ ကွတ်ခိုင်မြို့ မြောက်ဘက် ၁၆ မိုင်ခန့်အကွာ မန်လွယ်ရွာအနီး အဆိုပါ
လက်နက်ကိုင် ပူးပေါင်းအဖွဲ့များကပင် ပြည်ထောင်စုလမ်းမကြီးပေါ်တွင် သွားလာနေသည့် ယာဉ်များအား
နှောင့်ယှက်တားဆီးခဲ့ပြီး PARADO ယာဉ်တစ်စီး အား မီးရှို့ဖျက်ဆီးခဲ့ကြောင်း ကနဦး သတင်းများအရ
သိရှိရသည်။
No comments:
Post a Comment