နေပြည်တော် နိုဝင်ဘာ ၂၂
ရှမ်းပြည်နယ် အရှေ့မြောက်ပိုင်းဒေသတွင်
KIA၊ TNLAနှင့် MNDAA လက်နက် ကိုင်ပူးပေါင်းအဖွဲ့များ၏ ဝင်ရောက်ပစ်ခတ်တိုက်ခိုက်မှုများကြောင့်
၁၂ ဘီးယာဉ် မောင်းတစ်ဦး နဖူးကျည်ဆံဖောက်ဝင်ဒဏ်ရာဖြင့် သေဆုံး သွားကြောင်း နိုင်ငံတော်
အတိုင်ပင်ခံရုံး သတင်းထုတ်ပြန်ရေးကော်မတီမှ သတင်းထုတ်ပြန်ထားသည်။
နမ့်ခိုင်ကျေးရွာမှ ကွတ်ခိုင်သို့ ထွက်ခွာလာသော
ယာဉ်ကြီး/ ယာဉ်ငယ် (၁၈) စီးသည် ယာဉ်မောင်းများမရှိဘဲ ရပ်တန့်ထားပြီး ယာဉ်များသွားလာ၍မရအောင်
ပိတ်ဆို့ထား ကြောင်း သတင်းရရှိသဖြင့် ယနေ့နံနက် ၈ နာရီတွင် တပ်မတော်စစ်ကြောင်းမှ သွားရောက်ရှင်းလင်းခဲ့ရာ
KIA၊ TNLA နှင့် MNDAA လက်နက်ကိုင်ပူးပေါင်းအဖွဲ့များ၏ ရက်စက်စွာ ပစ်ခတ်မှုကြောင့် အသက်
၄၂ နှစ် ခန့်ရှိ အပြစ်မဲ့ယာဉ်မောင်း အမျိုးသားတစ်ဦး (အမည်နှင့် နေရပ် စိစစ်ဆဲ)သည်
၁၂ ဘီး (Nissan) ယာဉ်အမှတ် 7F/6289 ယာဉ်ဦးခန်းပေါ်တွင် နဖူးကျည်ဆံဖောက်ဝင်ဒဏ်ရာ ဖြင့်
သေဆုံးလျက်ရှိကြောင်း တွေ့ရှိရသည်။
အတင်းအကြပ်ပိတ်ဆို့ရပ်တန့်ထားခြင်းခံရသည့်
ယာဉ်များအနက် အချို့ယာဉ် များ၏ ကားမှန်များကို ရိုက်ခွဲခြင်းများ အပါအဝင် ယာဉ်များအား
ဖျက်ဆီးမှုများပြုလုပ် ထားကြောင်းတွေ့ရှိရပြီး လမ်းပေါ်တွင် ယာဉ်များသွားလာရဲခြင်း မရှိစေရန်နှင့်
ပြည်သူလူထု ထိတ်လန့်ကြောက်ရွံ့စေရန်ရည်ရွယ်၍ လုပ်ဆောင်ခဲ့ခြင်း ဖြစ်ကြောင်း တွေ့ရှိရသည်။
(သတင်းစဉ်)
No comments:
Post a Comment