ပလောက် နိုဝင်ဘာ
၃
မြိတ်ခရိုင်
၊ ပလောက်မြို့ အမှတ်(၁)ရပ်ကွက်အတွင်းမှ အသက်တစ်နှစ်အောက် ကလေးငယ်များနှင့် ကိုယ်ဝန်ဆောင်
မိခင်များအား လစဉ်ပုံမှန် ကာကွယ်ဆေးထိုးနှံပေးခြင်းလုပ်ငန်းကို အမျိုးသမီးကျန်းမာရေးဆရာမ
ဒေါ်ရီရီသိန်းနှင့် သားဖွားဆရာမ ဒေါ်အိအိထွေး အဖွဲ့က အမှတ်(၁)ရပ်ကွက်အုပ်ချုပ်ရေးမှူးရုံး၌
နိုဝင်ဘာ ၂ ရက်က ဆောင်ရွက်ခဲ့သည်။
ရပ်ကွက်အတွင်းရှိ
တစ်နှစ်အောက်ကလေးငယ်များအား ငါးမျိုးစပ်ကာကွယ်ဆေးနှင့် ပိုလီယိုထိုးဆေးများ ထိုးနှံပေးခြင်း၊
ပိုလီယိုစက်ချဆေးတိုက်ကျွေးခြင်း၊ ပြင်းထန်အဆုတ်ရောင်ရောဂါပိုးကာကွယ် ဆေး(PCV) ထိုးနှံပေးခြင်းနှင့်
ကိုယ်ဝန်ဆောင် မိခင်များအား ကာကွယ်ဆေးထိုးနှံပေးခြင်းစသည့် ကျန်းမာရေးစောင့်ရှောက်မှုများ
ကို ဆောင်ရွက်ပေးခဲ့ခြင်းဖြစ်သည်။
ပလောက်မြို့၌
ကာကွယ်ဆေးများ ထိုးပေးခြင်းကို မြို့ပေါ်အခြားရပ်ကွက်များနှင့် ကျေးရွာများတွင်လည်း
ဆက်လက် သွားရောက်၍ ဆောင်ရွက်ပေးသွားမည်ဖြစ်ကြောင်း သတင်းရရှိသည်။
ပလောက်(ပြန်/ဆက်)
No comments:
Post a Comment