Friday, November 4, 2016

နိုင်ငံတော်သမ္မတ ဦးထင်ကျော် မယ်စဲ့နယ်စပ်ကုန်သွယ်ရေးစခန်းနှင့် ကြတ်ဂူတို့အား ကြည့်ရှုလေ့လာ


နေပြည်တော် နိုဝင်ဘာ ၄
နိုင်ငံတော်သမ္မတ ဦးထင်ကျော်သည် ပြည်ထောင်စုဝန်ကြီး ဒေါက်တာသန်းမြင့်၊ ဦးသိန်းဆွေ၊ ဦးဖေဇင်ထွန်း၊ ပြည်နယ်ဝန်ကြီးချုပ် ဦးအယ်လ်ဖောင်ရှိုး၊ ကာကွယ်ရေးဦးစီး ချုပ်ရုံး(ကြည်း)မှ ဒုတိယဗိုလ်ချုပ်ကြီး အေးဝင်း၊ အရှေ့ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ်


ဝင်းမင်းထွန်း၊ ဒုတိယ၀န်ကြီး ဗိုလ်ချုပ်သန်းထွဋ်၊ တာဝန် ရှိသူများနှင့်အတူ ယနေ့နံနက်ပိုင်းတွင် လွိုင်ကော်မြို့ သီရိမင်္ဂလာတောင်တော်ရှိ တောင်ကွဲစေတီတော်နှင့် ဆုတောင်းပြည့် မြို့နာမ်ဘုရားတို့အား သွားရောက်ဖူးမြော်ကြည်ညိုကာ ပန်း၊ ရေချမ်း၊ ဆီမီးနှင့် အလှူငွေများ ကို ဆက်ကပ်လှူဒါန်းခဲ့သည်။
ယင်းနောက် နိုင်ငံတော်သမ္မတနှင့်အဖွဲ့သည် ကယားပြည်နယ် မယ်စဲ့မြို့ရှိ မယ်စဲ့နယ် စပ်ကုန်သွယ်ရေး စခန်းသို့ရောက်ရှိပြီး ဌာနဆိုင်ရာများ၊ မြို့မိမြို့ဖများ၊ ကုန်သည်လုပ်ငန်း ရှင်များ၊ ဒေသခံပြည်သူများနှင့် ရင်းရင်းနှီးနှီးတွေ့ဆုံသည်။
တွေ့ဆုံစဉ် နိုင်ငံတော်သမ္မတက နိုင်ငံတော်အစိုးရအနေဖြင့် ကယားပြည်နယ် မယ်စဲ့ နယ်စပ်ကုန်သွယ်ရေး စီမံကိန်းသည် ပြည်နယ်ဖွံ့ဖြိုးတိုးတက်ရေးအပြင် နိုင်ငံတော်အတွက် ရေရှည်အကျိုးဖြစ်ထွန်းမည့် စီမံကိန်း တစ်ခုဖြစ်ကြောင်း၊ ထို့ကြောင့် စီမံကိန်းလုပ်ငန်းများ အောင်မြင်စွာဆောင်ရွက်နိုင်ရန်နှင့် လိုအပ်သည့်ကဏ္ဍ များတွင် သက်ဆိုင်ရာဌာနများမှ တာဝန်ရှိသူများနှင့် ဆွေးနွေးတိုင်ပင်ညှိနှိုင်းပြီး တတ်နိုင်သမျှ ပံ့ပိုးကူညီဖြည့် ဆည်း ဆောင်ရွက်ပေးသွားမည်ဖြစ်ကြောင်း ပြောကြားသည်။
ထို့နောက် ပြည်နယ်စီမံကိန်းနှင့် ဘဏ္ဍာရေးဝန်ကြီး ဦးမော်မော်က ဒေသတွင်း၌ နှစ်နိုင်ငံအကြား တရားမ၀င် မှောင်ခိုစနစ်ဖြင့် ကူးသန်းရောင်းဝယ်နေမှုမှ တရားဝင်ကူးသန်း ရောင်းဝယ်နိုင်သည့် အခြေအနေကို ဖော်ဆောင်ပေးရန်အတွက် ကုန်သွယ်ရေးစခန်းဖွင့်လှစ် ထားရှိမှု၊ ရရှိနိုင်မည့် အကျိုးကျေးဇူးများ၊ ဘဏ္ဍာငွေ ရရှိမှုနှင့် လိုအပ်မှုအခြေအနေ၊ ထိုင်း-မြန်မာ နှစ်နိုင်ငံ အပြန်အလှန် တရားဝင်ကူးသန်းသွား လာနေထိုင်နိုင်ခွင့်  ပြုနိုင်ရန်အတွက် လိုအပ်သည့် အခြေအနေများကို ရှင်းလင်းတင်ပြသည်။
ဆက်လက်၍ ပြည်နယ်လမ်းပန်းဆက်သွယ်ရေးဝန်ကြီး  ဦးခင်မောင်ဖြူက ကုန်စည် ကူးသန်းရောင်းဝယ်ရာတွင် အဓိကကျသည့်လမ်းပိုင်းများ တိုးတက်ကောင်းမွန်စေရန်အတွက်  လွိုင်ကော်-မယ်စဲ့လမ်းအား အဆင့်မြှင့်တင် တိုးချဲ့  ဖောက်လုပ်နေမှုနှင့် တံတားများတိုးချဲ့ တည်ဆောက်နေမှု၊ တွေ့ကြုံရသည့် အခက်အခဲနှင့် လိုအပ်ချက်များကို ရှင်းလင်းတင်ပြသည်။
မြို့မိမြိုဖများ၊ ကုန်သည်လုပ်ငန်းရှင်များနှင့် ဒေသခံပြည်သူများက နယ်စပ် ကုန်သွယ်မှု ဖွံ့ဖြိုးတိုးတက်စေရေးနှင့် မြို့ပြဖွံ့ဖြိုးတိုးတက်ရေးအတွက် နှစ်နိုင်ငံနယ်စပ်ဂိတ် မုဒ်ဦး တည်ဆောက်ရေး၊ မြို့မြေတိုးချဲ့နိုင်ရေး၊ ဒေသခံပြည် သူများ အိမ်ယာတည်ဆောက်ရေး အတွက်သစ်များ တရားဝင်ဝယ်ယူခွင့်ရရှိရေးဆိုင်ရာ ကိစ္စရပ်များကို ဆွေးနွေးတင်ပြကြ သည်။
ပြည်ထောင်စုဝန်ကြီး  ဒေါက်တာသန်းမြင့်က နိုင်ငံ၏စီးပွားရေးဖွံ့ဖြိုးတိုးတက်မှု အတွက် ကုန်စည်ကူးသန်း ရောင်းဝယ်ရေး ကဏ္ဍ တိုးမြှင့်ဖော်ဆောင်နေမှု အခြေအနေများ ကိုလည်းကောင်း၊ ပြည်ထောင်စုဝန်ကြီး ဦးသိန်းဆွေက အိမ်နီးချင်းနိုင်ငံများနှင့် တရားဝင် နယ်စပ် ကုန်သွယ်ရေးစခန်းများ ဖွင့်လှစ်နိုင်ရေး ဆောင်ရွက် နေမှုနှင့် နှစ်နိုင်ငံပြည်သူများ အပြန်အလှန် ၀င်ထွက်သွားလာ နေထိုင်နိုင်ရေး ဆောင်ရွက်နေမှု အခြေအနေများကို လည်းကောင်း၊ ပြည်ထောင်စုဝန်ကြီး ဦးဖေဇင်ထွန်းက ဒေသတွင်းလျှပ်စစ်မီးလုံလောက်စွာ ရရှိရေးဆောင်ရွက်နေမှု အခြေအနေများကိုလည်းကောင်း ရှင်းလင်းတင်ပြကြသည်။
ယင်းနောက် နိုင်ငံတော်သမ္မတက ဆွေးနွေးချက်များအပေါ် ပြန်လည်သုံးသပ် ဆွေးနွေး ပြီး ကယားပြည်နယ် အတွင်းရှိ တိုင်းရင်းသားညီအစ်ကို မောင်နှမများ၏ အခက်အခဲများနှင့် လိုအပ်ချက်များကို ဖြေရှင်းဆောင်ရွက် ပေးရန် တာဝန်ရှိသည့်အတွက် ယခုလိုလာရောက် တွေ့ဆုံခြင်းဖြစ်ပါကြောင်း၊ ဒေသဖွံ့ဖြိုးတိုးတက်ရေးအတွက် လိုအပ်ချက်များနှင့် ပြည်သူများ ရင်ဆိုင်ကြုံတွေ့နေရသည့် စီးပွားရေး၊ ပညာရေး၊ ကျန်းမာရေး၊ စိုက်ပျိုးရေးဆိုင်ရာ အခက်အခဲ လိုအပ်ချက်များကို တတ်နိုင်သမျှ ဥပဒေနှင့်အညီ ညှိနှိုင်းဆောင်ရွက် ပေးသွားမည် ဖြစ်ကြောင်း။
နိုင်ငံဖွံ့ဖြိုးတိုးတက်ရေးအတွက် ပြည်သူအားလုံးကလည်း ကျရာတာဝန်ကို တက်ညီ လက်ညီ စိတ်စေတနာ အပြည့်ဖြင့် အားထုတ်ကြိုးပမ်းဆောင်ရွက်ကြရန် တိုက်တွန်းပါကြောင်း၊ လုပ်ငန်းများဆောင်ရွက် ရာတွင် စည်းကမ်းတကျမူဘောင်နှင့်အညီ ဆောင်ရွက်ကြရန်လို အပ်ကြောင်း၊ ဌာနဆိုင်ရာများအနေဖြင့်လည်း နိုင်ငံတော် အတွက် စေတနာထား၍ အလုပ်လုပ် ကြရန်လိုကြောင်း ပြောကြားပြီး မယ်စဲ့နယ်စပ် ကုန်သွယ်ရေးစခန်းရှိ စုပေါင်းရုံးခန်းများအား လှည့်လည်ကြည့်ရှု လေ့လာသည်။
ယင်းနောက် နိုင်ငံတော်သမ္မတသည် မယ်စဲ့မြို့၌ ဒေသခံကလေးငယ်များ၊ ပြည်သူများ၊ ဌာနဆိုင်ရာများမှ အမှုထမ်း၊ အရာထမ်းများနှင့်အတူ စုပေါင်း၍မှတ်တမ်းဓာတ်ပုံရိုက်သည်။
မွန်းလွဲပိုင်းတွင် နိုင်ငံတော်သမ္မတနှင့်အဖွဲ့ဝင်များသည် လွိုင်ကော်မြို့ အရှေ့ဘက် (၁၀)မိုင် အကွာတွင် တည်ရှိသည့် သဘာဝထုံးကျောက်လှိုဏ်ဂူ (ကြတ်ဂူ)သို့ သွားရောက် ကြည့်ရှုလေ့လာပြီး ကြတ်ဂူတောရ ကျောင်းတိုက်ဆရာတော် ဘဒ္ဒန္တ၀ါယမအား ဖူးမြော် ကြည်ညိုကာ ဆွမ်းဆန်တော်၊ ဆီနှင့် လှူဖွယ်ပစ္စည်းများကို ဆက်ကပ်လှူဒါန်းသည်။
ထို့နောက် နိုင်ငံတော်သမ္မတနှင့်အဖွဲ့သည် လွိုင်ကော်မြို့မှ လေကြောင်းခရီးဖြင့် ထွက်ခွာလာရာ ညနေပိုင်းတွင် နေပြည်တော်သို့  ပြန်လည်ရောက်ရှိကြသည်။
(သတင်းစဉ်)

No comments:

Post a Comment