မြိုင်
နိုဝင်ဘာ ၄
ပြည်သူများသွားလာရေး
လွယ်ကူချောမွေ့စေပြီး လမ်းပန်းဆက်သွယ်ရေး ကောင်းမွန်စေရန်၊ မကွေးတိုင်း ဒေသကြီး၊ ပခုက္ကူခရိုင်-
မြိုင်မြို့နယ်အတွင်းရှိ ပုသိမ်-မုံရွာ လမ်းမကြီးအား လမ်းချဲ့၊ ကတ္တရာခင်းခြင်းနှင့်
မြေသားလမ်း ပုခုံးတင်ခြင်းကို ဂွေးပင်လယ်ကျေးရွာအုပ်စု၊
သံမြေကျင်းကျေးရွာ လမ်းဆုံမှ လင်းကတောကျေးရွာ လမ်းပိုင်းထိ “မြတ်နိုးသူ” ဆောက်လုပ်ရေး ကုမ္ပဏီ နိုဝင်ဘာ ၄ ရက်နေ့တွင်
အလယ်ကန်ကျေးရွာအုပ်စု လယ်စုကျေးရွာအနီး၌ ဆောင်ရွက်လျှက်ရှိကြသည်။
ယင်းလမ်းမကြီး
ဆောင်ရွက်မှုတွင် လမ်းလုပ်သား ဦး(၁၂၀)ကျော် ၊ ယာဉ်(၁၂)စီး၊ လမ်းကြိတ်စက်ကြီး (၄)စီး
တို့ဖြင့် အဖွဲ့(၄)ဖွဲ့ခွဲ၍ အရှည်(၁၆)မိုင်၊ ယခင်လမ်းအကျယ် (၁၂)ပေကို (၁၈)ပေအဖြစ် လမ်းချဲ့ခြင်း၊
အမြင့်(၄)လက်မ ထပ်မံမြှင့်တင်ခြင်းနှင့် မြေသားလမ်း ပုခုံးထပ်ပိုးပေးခြင်း လုပ်ငန်းများ ဆောင်ရွက်လျှက်ရှိကြောင်း လမ်းလုပ်သား ခေါင်းဆောင် ဦးမင်းမင်းက ပြောပြ၍ သိရသည်။
အောင်ကျော်မြင့်
No comments:
Post a Comment