ရေဦး
နိုဝင်ဘာ ၄
စစ်ကိုင်းတိုင်းဒေသကြီး ရေဦးမြို့ ကုတင်(၁၀၀)ဆံ့ ပြည်သူ့ဆေးရုံကြီးရှိ ခွဲစိတ်ခန်း၊ သားဖွားခန်းနှင့်ဆေး ကုသဆောင်ပါ ယခင်က အဆောက်အဦဟောင်းမှာ ငလျှင်ဒဏ်ကြောင့် အက်ကွဲကာအန္တရာယ်ဖြစ်လာနိုင်သည့်အတွက် အဆောက်အဦသစ်များကို စက်တင်ဘာ၂၉ ရက်က စတင်ဆောက်လုပ်လျက်ရှိရာ ယခုအခါ ခွဲစိတ်ဆောင်နှင့် သားဖွားဆောင် သံကူကွန်ကရစ်အတွက် အောက်ခြေပိုင်း တည်ဆောက်မှုများ ပြုလုပ်လျက်ရှိနေကြောင်း သိရသည်။
၂၀၁၆- ၂၀၁၇ ဘဏ္ဏာနှစ် ကျန်းမာရေးနှင့်အားကစားဝန်ကြီးဌာနမှ စံကိုက်ခွဲစိတ်ဆောင်အတွက် ခွင့်ပြုငွေ ခုနှစ်ရာလေးဆယ်ကိုးသိန်းခြောက်သောင်းကျပ်၊ စံကိုက်သားဖွားဆောင်အတွက် ခွင့်ပြုငွေ လေးရာရှစ်သိန်းငါးသောင်းကျပ်၊ ဆေးသိုလှောင်ခန်းအတွက် ခွင့်ပြုငွေ သုံးရာခြောက်ဆယ်ကိုးသိန်းနှစ်သောင်းကျပ် လူနာသုံးငါးခန်းတွဲအိမ်သာနှစ်လုံးဆောက်လုပ်ရန်ခွင့်ပြုငွေ တစ်ရာခြောက်သိန်း၊ ရင်ခွဲရုံအတွက်ခွင့်ပြုငွေ ရှစ်ဆယ်တစ်သိန်းတစ်သောင်းကျပ်နှင့် တမာကျေးရွာတိုက်နယ် ဆေးရုံရင်ခွဲရုံအတွက် ခွင့်ပြုငွေ ရှစ်ဆယ်တစ်သိန်းတစ်သောင်းကျပ် ဖြင့်လည်းကောင်း DIAMOND CITY ကုမ္ပဏီလီမိတက်၊ ရဲတိုက်မြို့တော်ကုမ္ပဏီလီမီတက်၊ နှိုင်းယှဉ်မေတ္တာကုမ္ပဏီ လီမိတက်တို့မှ တင်ဒါအောင်မြင်ကာ တာဝန်ယူ ဆောက်လုပ် လျက်ရှိသည်။
အဆိုပါကျန်းမာရေး ဌာနအဆောက်အဦများ ဆောက်လုပ်ရာနေရာသို့ ပြည်သူ့လွှတ်တော်ကိုယ် စားလှယ်
ဒေါက်တာမင်သိန်း၊ မြို့နယ်ဆေးရုံအုပ် ဒေါက်တာစန်းဌေးနှင့် ဒေသခံ အင်ဂျင်နီယာများက စံချိန်စံညွှန်း ပြည့်မီစွာ လုပ်ကိုင်နေခြင်း ရှိ မရှိ ကွင်းဆင်း စစ်ဆေးခဲ့ကြသည်။
အဆိုပါကျန်းမာရေးဌာနရှိဆောက်လုပ်နေသော အဆောက်အဦ အမျိုးအစားမှာ အာစီ တစ်ထပ်ဖြစ်ပြီး သတ်မှတ်ကာလ ငါးလကြာမြင့်မည်ဖြစ်ကြောင်း သတင်းရရှိသည်။
မြို့နယ် (ပြန်/ဆက်)
No comments:
Post a Comment