ကန့်ဘလူ
နိုဝင်ဘာ ၁၁
စစ်ကိုင်းတိုင်းဒေသကြီး ကန့်ဘလူမြို့နယ်ကျေး လက်ဒေသဖွံ့ဖြိုး တိုးတက်ရေးဦးစီးဌာန ၂၀၁၆- ၂၀၁၇ ဘဏ္ဍာရေးနှစ်ခွင့် ပြုရန်ပုံငွေများဖြင့်မြို့ နယ်အတွင်း ကျေးလက်နေပြည်သူများ၏ လူမှုစီးပွားရေးနှင့် လမ်းပန်းဆက်သွယ်ရေး လွယ်ကူချောမွေ့စေရေးအတွက် ကျေးရွာချင်းဆက် မြေသားလမ်းများကို တင်ဒါစနစ်ဖြင့် ဖောက်လုပ်ပေးလျက်ရှိရာ နိုဝင်ဘာ ၁၀ ရက်က ကျေးလက် ဒေသဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးမင်းဆွေအောင်နှင့်တာဝန်ခံအင်ဂျင်နီယာတို့က ချပ်သင်း-ဇင်း လမ်းအရှည် သုံးမိုင် မြေသား လမ်းဆောင်ရွက်နေမှုကို ကွင်းဆင်းကြည့်ရှုစစ် ဆေးခဲ့ကြောင်းသိရသည်။
ကန့်ဘလူမြို့နယ်အတွင်း ကျေးလက်ဒေသဖွံ့ဖြိုး တိုးတက်ရေးဦးစီးဌာနရန်ပုံငွေဖြင့် ၂၀၁၆-၂၀၁၇ ဘဏ္ဍာနှစ်တွင်ကျေးလက်ဒေသဖွံ့ဖြိုးရေး အထောက်အကူပြုမည့် လမ်းများဖြစ်သည့် ချပ်သင်း-ဇင်း မြေသားလမ်း အရှည် သုံးမိုင် ခွင့်ပြုရန်ပုံငွေ ကျပ် ၄၄ ဒသမ ၆၅ သန်း၊ အင်ငုတ္တို- တမာကုန်း-ချပ်သင်း မြေသားလမ်းအရှည် တစ်မိုင် ခွင့်ပြုရန်ပုံငွေ ကျပ် ၁၄ ဒသမ ၇၅ သန်း၊ ယောကုန်းကျေးရွာမှ ကျွန်းလှ-ကောလင်းလမ်းနှင့်ဆက်သွယ်သော မြေသားလမ်းအရှည် တစ်မိုင် ခွင့်ပြုရန်ပုံငွေ ကျပ် ၁၄ ဒသမ ၇၅ သန်း၊ သင်ပန်းတောကျေးရွာမှ ကန့်ဘလူ-ကျွန်းလှလမ်းနှင့်ဆက်ငွယ်သော မြေသားလမ်းအရှည် တစ်မိုင် ခွင့်ပြုရန်ပုံငွေ ကျပ် ၁၄ ဒသမ ၇၅ သန်း၊ ကျောက်လုံးကြီးကျေးရွာမှ အမှတ်(၃)ခရိုင်ချင်း ဆက်သွယ်သော မြေသားလမ်း အရှည် တစ်မိုင် လေးဖာလုံ ခွင့်ပြုရန်ပုံငွေ ကျပ် ၂၂ သန်း၊ ကန့်ဘလူ-ဆည်ကြီး-ဂါထာ ကျောက်ချော လမ်း အရှည် တစ်မိုင်လေးဖာလုံ ခွင့်ပြုရန်ပုံငွေ ကျပ် ၈၉ သန်းတို့ဖြင့် ကျေးရွာကုန်ထုတ်လမ်း ၆ လမ်း စုစုပေါင်းလမ်းအရှည် ၉ မိုင်ကို ခွင့်ပြုရန်ပုံငွေ ကျပ် ၁၉၉ ဒသမ ၉ သန်းဖြင့် AFC ဆောက် လုပ်ရေးကုမ္ပဏီက တင်ဒါအောင်မြင်ပြီး ဆောင်ရွက်လျက်ရှိသည်။
အဆိုပါ ချပ်သင်း-ဇင်း လမ်းပိုင်းဆောက်လုပ်ရေး လုပ်ငန်းခွင်သို့ မြို့နယ်ဦးစီးမှူးနှင့်တာဝန်ခံအင် ဂျင်နီယာတို့က တာဝန်ယူဆောင်ရွက်လျက်ရှိသည့် ကုမ္ပဏီမှတာဝန်ရှိသူများနှင့် လမ်းအ ကျယ်တိုင်းတာခြင်း၊ သတ်မှတ်အရည်အသွေး၊ သတ်မှတ်အတိုင်းအတာများ ပြည့်ဝစေရေးတို့အတွက် လုပ်ငန်းခွင်အတွင်း ကွင်းဆင်းစစ်ဆေးခြင်းတို့ကိုအမြဲမပြတ်ကြီးကြပ်ဆောင်ရွက်ခဲ့ကြောင်းသိရသည်။
အောင်ဝင်းငြိမ်း(ကန့်ဘလူ)
No comments:
Post a Comment