ဒိုက်ဦး နိုဝင်ဘာ ၂
ဝါလကင်းလွတ်သီတင်းကျွတ်ပြီးသည်နှင့် တန်ဆောင်မုန်းလရောက်ရှိလေတိုင်း ဒိုက်ဦးမြို့၌ ကျင်းပသော ပွဲတော်များအနက် မြို့ကျက်သရေဆောင်တန်ဆောင်တိုင် နှစ်ကျိပ်ရှစ်ဆူ ဘုရားလှည့်လည်ပူဇော်ပွဲနှင့် ရတနာတ္တရ ပူဇော်ပွဲကြီးမှာ အထူးထင်ရှားသော ပွဲတော်ကြီး ဖြစ်ပါသည်။
တန်ဆောင်တိုင်ပွဲတော်ကြီးကို အစဉ်အလာမပျက် ကျင်းပခဲ့သည်မှာ ယခုနှစ်ဆိုလျှင် (၉၄)ကြိမ်မြောက်တိုင်ခဲ့ပါသည်။
ယခုနှစ်တန်ဆောင်တိုင်ပွဲတော်ကြီးကို နိုဝင်ဘာလ(၁၁)ရက် (၁၃၇၈-ခုတန်ဆောင်မုန်းလဆန်း(၁၂)ရက်)နေ့ နိုဝင်ဘာလ (၁၅)ရက် (၁၃၇၈ခုတန်ဆောင်မုန်းလပြည့်ကျော်(၁)ရက်နေ့အထိ (၅)ရက်တိုင်တိုင် စည်ကားသိုက်မြိုက်စွာ ကျင်းပမည်ဖြစ်ပါသည်။
ဘုရားပင့်ဆောင်ရေးအဖွဲ့မှ နှစ်ကျိပ်ရှစ်ဆူဘုရားများ သီတင်းသုံးတော်မူနေသော ကန်ဦးကျောင်းမှ (၈.၁၁.၂၀၁၆)ရက်နေ့ (၁၃၇၈-ခုနှစ်တန်ဆောင်မုန်းလဆန်း ၉ရက်နေ့ နံနက်၌ အနေကဇာတင်ပြီး မြို့လည်သာသနာ့ ဗိမာန်သို့ ပင့်ဆောင် ပူဇော်မည် ဖြစ်ပါသည်။
(၉၄)ကြိမ်မြောက် ဒိုက်ဦးမြို့နယ် နှစ်ကျိပ်ရှစ်ဆူရုပ်ပွားတော်များ ဒေသစာရီလှည့်လည်ပူဇော်ပွဲကို နိုဝင်ဘာလ (၁၅)ရက် ညနေ(၃)နာရီ အချိန်တွင် မြို့လည်သာသနာ့ ဗိမာန်တော်ကြီး ရှေ့မှ စတင်၍ ည၉နာရီ အချိန်ထိ မြို့တွင်းသို့ ဒေသစာရီကြွချီလှည့်လည်အပူဇော်ခံမည် ဖြစ်ပါသည်။
ယခုနှစ်တန်ဆောင်တိုင်ပွဲတော်ကို ယခင်နှစ်များနှင့် မတူဘဲ အထူးစည်ကားစွာ ကျင်းပသွားမည်ဖြစ်ကြောင်း ပွဲတော် အတွင်း အေးချမ်းပျော်ရွှင်စွာ ဆင်နွဲနိုင်ရေးအတွက် သြဝါဒစရိယအဖွဲ့၊
ပွဲတော်ကျင်းပရေး ဗဟိုကော်မတီ၊ ဌာနနှင့် ရပ်ကွက်ဘုရားပင့်ဆောင်ပူဇော်ရေး ကော်မတီနှင့် လုပ်ငန်းဆပ်ကော်မတီ အသီးသီးတို့အား ဖွဲ့စည်းထားပြီး ဈေးဆိုင်ခန်းများ၊ စားသောက်ဆိုင်ခန်းများ၊ ဗဟိုဇာတ်စင်၊ စတိတ်ရှိုးစင်များ၊ ကလေးကစားစရာ နေရာများကို အမျိုးအစားအလိုက် ခွဲခြားသတ်မှတ်ပြီး စနစ်တကျနေရာချထားပေးသွားမည်ဖြစ်ကြောင်း မြို့နယ်အုပ်ချုပ်ရေးမှူး၊ လက်ထောက်ညွှန်ကြားရေးမှူးဦးငြိမ်းထွန်းကျော်မှ ပြောကြားသည်။
ယခုနှစ်တွင် ယခင်နှစ်များနှင့် မတူနိုင်ငံကျော်အဆိုတော်များ၊ အငြိမ့်၊ မော်ဒယ်ဒန်ဆာ(ရှိုး) တေးသရုပ်ဖော်၊ ပဒေသာကပွဲ၊ မြန်မာ့ခြင်းလုံးခတ်အလှပြပွဲ စတိတ်ရှိုးအဖွဲ့များဖြင့် မိုးအလင်း ဖျော်ဖြေသွားမည်ဖြစ်ကြောင်း သိရသည်။
ဆက်လက်၍(၉၄) ကြိမ်အမြောက်တန်ဆောင်တိုင်နှစ်ကျိပ်ရှစ်ဆူ ရတနတ္တယပူဇော်ပွဲ ဓမ္မသဘင်အဖြစ် နိုဝင်ဘာလ ၁၇ရက်မှ ၂၇ထိမြို့နယ်အတွင်းမှ တရားဟော ဓမ္မကထိကဆရာတော်(၁၁)ပါးမှ ညစဉ်(၇)နာရီအချိန်မှစ၍ တရားရေအေးအမြိုက်ဆေးကို အလှည့်ကျတိုက်ကျွေး ဟောကြားသွားမည်ဖြစ်ကြောင်း သတင်းရရှိသည်။
မြို့နယ် (ပြန်/ဆက်)
No comments:
Post a Comment