Thursday, October 27, 2016

ပုံပြင်ပြောခြင်းနှင့် နယ်လှည့်စာကြည့်တိုက် ဖွင့်လှစ်ဆောင်ရွက်ပေး

 
နေပြည်တော်၊ အောက်တိုဘာ- ၂၇
မျိုးဆက်သစ် ကျောင်းသား/ကျောင်းသူလူငယ်လူရွယ်များအား စာဖတ်သည့်အလေ့အကျင့်ကောင်းများ ရရှိစေပြီး အသိပညာ ဗဟုသုတများ တိုးပွားလာစေရန်နှင့် ကာယစွမ်းရည် ဉာဏစွမ်းရည်များဖွံ့ဖြိုးတိုးတက်လာ စေရန်ရည်ရွယ်၍ အောက်တိုဘာလ ၂၇ ရက်နေ့ နံနက်ပိုင်းတွင် ဒက္ခိဏသီရိမြို့နယ်၊ အမှတ်(၁၉) အခြေခံပညာအထက်တန်းကျောင်း၌ ကျောင်းသား/ကျောင်းသူများအား ပုံပြင် ပြောပြခြင်းနှင့် နယ်လှည့် စာကြည့်တိုက်ဖွင့်လှစ်ကာ စာအုပ် စာစောင်များကိုငှားရမ်းပေးကြသည်။




ရှေးဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဒက္ခိဏခရိုင်ရုံးမှ ဒုတိယဦးစီးမှူး ဒေါ်ဦးဆန်းကြည်နှင့် ဝန်ထမ်းများက “ဘုန်းကြီးပါစေအသက်ရှည် ပညာတတ်ကြီးဖြစ်ပါစေ” ခေါင်းစဉ်ဖြင့် ပုံပြင်များကိုပြောပြကြပြီး ကျောင်းသား/ကျောင်းသူများနှင့်အတူ ကိုယ်ကာယလေ့ကျင်းခန်းများကိုပြုလုပ် ပေးကြသည်။
ထို့နောက် ဝန်ထမ်းများက အသိပညာပေး နံရံကပ်ပြဘုတ်များ ပြသခြင်းနှင့် နယ်လှည့်စာကြည့်တိုက် ဆောင်ရွက်ပေးရာတွင် ဆရာ/ ဆရာမများနှင့် ကျောင်းသား/ကျောင်းသူများက သုတ၊ရသစာအုပ် စာစောင် များကို စိတ်ဝင်တစားဖတ်ရှု လေ့လာခဲ့ကြကြောင်း သတင်းရရှိသည်။

ခရိုင်ပြန်/ဆက်

No comments:

Post a Comment