မုံရွာ အောက်တိုဘာ ၂၈
၂ဝ၁၆-၂ဝ၁၇ ပညာသင်နှစ် မုံရွာခရိုင် အခြေခံပညာကျောင်းပေါင်းစုံ
အားကစားပြိုင်ပွဲကို စစ်ကိုင်းတိုင်းဒေသကြီး၊ မုံရွာမြို့ တိုင်းဒေသကြီး အားကစားကွင်းတွင်
အောက်တိုဘာလ (၂၇) ရက်နေ့ မွန်းလွဲ (၃)နာရီက ကျင်းပရာ မုံရွာခရိုင် ပညာရေးမှူး ဦးကျော်ဆင့်
တက်ရောက်အမှာစကား ပြောကြားပြီး ပြိုင်ပွဲအား ဖွင့်လှစ်ပေးခဲ့ကြောင်း သိရသည်။
ကျောင်းသား/သူများ အချင်းချင်း ချ စ်ကြည်ရင်းနှီးစေရန်၊
အားကစားနှင့် ပညာရေးကို စိတ်ပါဝင်စားစွာဖြင့် လေ့ကျင့်သင်ကြားနိုင်စေရန်၊ တိုင်းဒေသကြီးနှင့်
နိုင်ငံဂုဏ်ဆောင် မျိုးဆက်သစ် အား ကစားသမားများ ပေါ်ထွက်စေရေး အထောက်အကူ ဖြစ်စေရန်အတွက်
ပြိုင်ပွဲအား ကျင်းပခြင်းဖြစ်ကြောင်း သိရသည်။
''အခုပြိုင်ပွဲမှာ ဘောလုံး၊ ဘော်လီဘော
(အမျိုးသား/အမျိုးသမီး )၊ ပိုက်ကျော်ခြင်း၊ ပြေးခုန်ပစ်ပြိုင်ပွဲတွေ ပါဝင်ပါတယ်၊
ဘော်လီဘောနဲ့ ပိုက်ကျော်ခြင်းပြို င်ပွဲကို (၂၇) ရက်နေ့မှာ ကျင်းပပါတယ်၊ ဘောလုံးနဲ့
ပြေးခုန်ပစ်ပြိုင်ပွဲတွေကိုတော့ (၂)ရက် ကျင်းပသွားမှာပါ၊ ပြိုင်ပွဲမှာ ထူးချွန်ကျောင်းသား /သူတွေကိုတော့
အောက်တိုဘာလ (၂၈) ရက်နေ့မှာ အခမ်းအနားနဲ့ ဆုချီးမြှင့်ပေးသွားမှာပါ'' ဟု ပြိုင်ပွဲကျင်းပရေးကော်မတီမှ
တာဝန်ရှိသူတစ်ဦးက ပြောသည်။
အဆိုပါ မုံရွာခရိုင် အခြေခံပညာကျောင်းပေါင်းစုံ
အားကစားပြိုင်ပွဲေ ဘာလုံးအဖွင့်ပွဲစဉ်တွင် မုံရွာမြို့နယ် အသင်းနှင့် အရာတော်မြို့နယ်အသင်းတို့
ယှဉ် ပြိုင်ကစားကြရာ မုံရွာမြို့နယ်အသင်းက (၅)ဂိုး (၃)ဂိုးဖြင့် အနိုင်ရရှိခဲ့ကြောင်းနှင့်
ပြိုင်ပွဲသို့ မုံရွာခရိုင်ရှိ မုံရွာ၊ ဘုတလင်၊ ချောင်းဦးနှင့် အရာတော်မြို့နယ်တို့မှ
ကျောင်းသား/သူ (၂ဝဝ) ကျော် ပါဝင်ကြောင်းနှင့် ဘော်လီဘော၊ ပိုက်ကျော်ခြင်း ပြိုင်ပွဲများကို
တိုင်းဒေသကြီး အားကစားကွင်းအတွင်းရှိ မိုးလုံ လေလုံ အားကစားရုံကြီးတွင် လည်းကောင်း၊
ဘောလုံးနှင့် မီတာ (၁ဝဝ)၊ (၂ဝဝ)၊ (၄ဝဝ) အပြေးပြိုင်ပွဲများကို တိုင်းဒေသကြီး အားကစားကွင်းအတွင်း
ကျင်းပသွားမည် ဖြစ်ကြောင်း သိရသည်။
မင်းဝေ(မုံရွာ)
No comments:
Post a Comment