ဒုတိယအကြိမ်ပြည်သူ့လွှတ်တော် ဒုတိယပုံမှန်အစည်းအဝေး (၄၅)ရက်မြောက်နေ့ကျင်းပ

နေပြည်တော် အောက်တိုဘာ ၅

ဒုတိယအကြိမ်ပြည်သူ့လွှတ်တော် ဒုတိယပုံမှန်အစည်းအဝေး(၄၅)ရက်မြောက် နေ့ကို ယနေ့နံနက် (၁၀)နာရီတွင် ပြည်သူ့လွှတ်တော်အစည်းအဝေးခန်းမ၌ ကျင်းပရာ မေးခွန်း(၈)ခု မေးမြန်းဖြေကြားခြင်း၊ ဥပဒေကြမ်းတစ်ခုတင်သွင်းခြင်းနှင့် အစီရင်ခံစာ ဖတ်ကြားရှင်းလင်းခြင်းတို့ဆောင်ရွက်ကြသည်။

တွံတေးမဲဆန္ဒနယ်မှ ဦးမြင့်လွင်၏ မြန်မာ့ရုပ်ရှင်လုပ်ငန်း ပြည်တွင်း၌ ဦးမော့လာရုံသာမက ပြည်ပဈေးကွက်သို့ပါ ထိုးဖောက် ၀င်ရောက်နိုင်ရေး အတွက် နိုင်ငံ တော်အစိုးရက မြန်မာ့ရုပ်ရှင်လောကသားများအား ထိထိရောက်ရောက်ကူညီပံ့ပိုးပေး ရန် အစီအစဉ်ရှိ/မရှိ မေးခွန်းနှင့်စပ်လျဉ်း၍ ပြန်ကြားရေးဝန်ကြီးဌာန ပြည်ထောင်စု ၀န်ကြီးဒေါက်တာဖေမြင့် က မြန်မာ့ရုပ်ရှင် လုပ်ငန်းပြည်တွင်း၌ ဦးမော့လာရုံမျှမက ပြည်ပဈေးကွက်သို့ ထိုးဖောက်ဝင်ရောက်နိုင်ရေးသည် ကြီးမားသည့်မျှော်မှန်းချက် တစ်ရပ်ဖြစ်ပါကြောင်း၊ အဆိုပါမျှော်မှန်းချက် ဖြစ်မြောက်အောင်မြင်ရေးအတွက် ကဏ္ဍ အသီးသီးမှ ရုပ်ရှင်အနုပညာရှင်များ၊ ရုပ်ရှင်လုပ်ငန်းလုပ်ကိုင်သူများနှင့် ပြန်ကြားရေး ၀န်ကြီးဌာနအပါအ၀င် အစိုးရဌာနများပါ ညီညွတ်မျှတစွာ ပူးပေါင်းပါဝင် လုပ်ဆောင်ကြ ရန်လိုအပ်ကြောင်း၊ ရုပ်ရှင်လောကဖွံ့ဖြိုးတိုးတက်ရေးအတွက် မဖြစ်မနေရှိရန်လိုအပ် သည့် တည်ဆဲရုပ်ရှင် ဥပဒေနှင့် ရုပ်မြင်သံကြားနှင့်ဗီဒီယိုဥပဒေများသည် ယခု အခြေ အနေနှင့် လိုက်လျောညီထွေမှုမရှိတော့ သည့်အတွက် ရုပ်ရှင်ဥပဒေအသစ် ပြဋ္ဌာန်းနိုင် ရန် နိုင်ငံတကာဥပဒေများကိုလေ့လာပြီး ၂၀၁၂ ခုနှစ် မှစ၍ မြန်မာ့ရုပ်ရှင်မူကြမ်း ကို ပြန်ကြားရေးဝန်ကြီးဌာနမှ ရေးဆွဲခဲ့ပါကြောင်း၊ အဆိုပါဥပဒေကို မြန်မာနိုင်ငံရုပ်ရှင် အစည်းအရုံးက ပြန်လည်စိစစ်သုံး သပ်လျှက် ရှိပါကြောင်း၊ ရုပ်ရှင်လုပ်ငန်း ဦးမော့ရေး အတွက် ရုပ်ရှင်ရုံများတည်ရှိရေးသည် အရေးကြီးသည့်ကဏ္ဍတစ် ခုဖြစ်ပါကြောင်း။

မြန်မာ့ရုပ်ရှင်ပြည်ပဈေးကွက်သို့ ထိုးဖောက်နိုင်ရေးအတွက် နိုင်ငံတကာ ရင်းနှီးမြှုပ်နှံမှုရရှိစေရန် စည်းမျဉ်းစည်းကမ်းနှင့် မူဝါဒများကို သက်ဆိုင်ရာဌာနများနှင့် ပေါင်းစပ်ညှိနှိုင်းပေးသွားမည်ဖြစ်ကြောင်း၊ နိုင်ငံတကာရုပ်ရှင်ပွဲတော်များ ကျင်း ပခြင်း၊ နိုင်ငံတကာနှင့် ရုပ်ရှင်ပူးပေါင်းထုတ်လုပ်နိုင်ရေး လိုအပ်သည့်ပေါင်းစပ်ညှိနှိုင်းမှုများကို ဆောင်ရွက်ပေး သွားမည်ဖြစ်ကြောင်း၊ ရုပ်ရှင်ဥပဒေတစ်ခု ပေါ်ထွန်းရေးသည် မဖြစ်မနေ လိုအပ်ပါကြောင်း၊ ရုပ်ရှင်ထုတ်လုပ်သူ အနုပညာဖန်တီးသူ ဒါရိုက်တာများအပါအ၀င် ရုပ်ရှင်လောကသားများနှင့် မြန်မာ့ရုပ်ရှင်ကိုချစ်မြတ်နိုးကြသည့် ပရိသတ်များကပါ ရုပ်ရှင်လောကဖွံ့ဖြိုးတိုးတက်ရေးအတွက် စည်းလုံးညီညွတ်စွာ ပူးပေါင်းဆောင်ရွက် သွားရန်လိုအပ်မည်ဖြစ်ကြောင်း၊ ရုပ်ရှင်လောကဖွံ့ဖြိုးတိုးတက်ရေးအတွက် ဥပဒေရေး ဆွဲရေးအပါအ၀င် လိုအပ်သည့်အကူအညီများနှင့် ပတ်သက်၍ မြန်မာနိုင်ငံရုပ်ရှင်အစည်း အရုံး၊ သက်ဆိုင်ရာပြည်တွင်း ပြည်ပအဖွဲ့အစည်းများ၊ ဆက်စပ်ဝန်ကြီးဌာနများနှင့် ပူးပေါင်း၍ အရှိန်အဟုန်မြှင့်ဆောင်ရွက် သွားမည် ဖြစ်ကြောင်း ဖြေကြားသည်။

မောက်မယ်မဲဆန္ဒနယ်မှ ဦးစိုင်းငေါင်းဆိုင်ဟိန်း၏ ဟိုနမ့်ကျေးရွာအုပ်စုနှင့် ပန်းတန်ကျေးရွာအုပ်စိုသို့ ရာသီမရွေး ဆက်သွယ်သွားလာနိုင်မည့် (အောင်သုခ-ပုန်းအောင်-ထီပျဉ်)လမ်းပိုင်းအား ကျောက်ချောလမ်းပိုင်းအဖြစ် အဆင့်မြှင့်တင် ဆောင်ရွက်ပေးရန်အစီအစဉ် ရှိ/မရှိ မေးခွန်း၊ ကျွန်းစုမဲဆန္ဒနယ်မှ ဒေါ်တင်တင်ရီ၏ ကမ်းရိုးတန်းဒေသကြီးများတွင် ၀ါးလတ်၊၀ါးတန်းနှင့် ငါးဖမ်းရေယာဉ်များကို ခေတ်မီသံခွံ ကိုယ်ထည်ဖြင့် ပြည်တွင်း၌ စတင်တည်ဆောက်ခွင့်ပြုနိုင်ခြင်း ရှိ/မရှိ မေးခွန်း၊ ထီးချိုင့် မဲဆန္ဒနယ်မှ ဦးမောင်မောင်၏ ထီးချိုင့်မြို့နယ်နှင့် ကောလင်းမြို့နယ်ဆက်သွယ် ထားသော (ထီးချိုင့်-မရသိမ်-တောမ-မော်ကွန်းတိုင်-ကျောက်တန်း)လမ်းပိုင်းပေါ်ရှိ ပျက်စီးနေသော တံတားဟောင်း(၄)စင်းအား ကွန်ကရစ် တံတားအဖြစ် ဆောက်လုပ် ပေးရန်နှင့် မိုင်တိုင်(၀/၀ မှ ၁/၂)အကြား မြို့တွင်းလမ်းအား ကွန်ကရစ်လမ်းအဖြစ် ခင်းပေးရန်အစီအစဉ် ရှိ/မရှိ မေးခွန်းတို့နှင့်စပ်လျဉ်း၍ စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီးဌာန ဒုတိယ၀န်ကြီး ဒေါက်တာထွန်းဝင်းက မောက်မယ်မြို့နယ်တွင် ကျေးလက်ဒေသဖွံ့ဖြိုးတိုးတက်ရေး ဦးစီးဌာန၏ ၂၀၁၆-၂၀၁၇ ဘဏ္ဍာရေးနှစ် ခွင့်ပြုရန်ပုံငွေဖြင့် ကျောက်ချောခမ်း ၂မိုင် ၂ဖာလုံနှင့် ကွန်ကရစ်တံတား(၂)စင်း လျာထားဆောင်ရွက်ရာတွင် လျာထားလမ်း(၂)လမ်းအနက်မှ ဈေးကုန်း-ပြင်သာယာ-ထီတခေါ့ ကျောက်ချောလမ်း (၁)မိုင်(၂)ဖာလုံမှာ အောင်သုခ-ပုန်းအောင်း-ထီပျဉ် ကျေးရွာချင်းဆက်လမ်း အရှည်(၁၀)မိုင် (၃)ဖာလုံအပိုင်းတွင် ပါဝင်ပါကြောင်း၊ အောင်သုခ-ပုန်းအောင်း-ထီပျဉ်လမ်း၏ ကျန်ရှိသည့် (၉)မိုင် (၁)ဖာလုံအပိုင်းသည် ကျေးလက်ဒေသဖွံ့ဖြိုးတိုးတက်ရေးဦးစီးဌာန၏ ၂၀၁၆-၂၀၁၇ ဘဏ္ဍာနှစ်တွင် ပါဝင်ခဲ့ ခြင်းမရှိ၍ လက်တလောဆောင်ရွက်ပေးနိုင်ခြင်းမရှိပါကြောင်းနှင့် နှစ်အလိုက် ဦးစားပေး လအတိုင်း လျာထားတင်ပြပေးသွားမည်ဖြစ်ကြောင်း ဖြေကြားသည်။

ဆက်လက်၍ ဒုတိယ၀န်ကြီးက နိုင်ငံတကာအဆင့်မီ သံခွံကိုယ်ထည်ငါးဖမ်း ရေယာဉ်များအဖြစ် အစားထိုး တည်ဆောက်လိုပါက မြန်မာနိုင်ငံ ပင်လယ်ငါးဖမ်း လုပ်ငန်းရှင်များအသင်းနှင့် တိုင်းဒေသကြီးနှင့်ပြည်နယ် ငါးလုပ်ငန်းအဖွဲ့ချုပ်တို့၏ ထောက်ခံချက်များဖြင့် ခွင့်ပြုပေး ခဲ့ပါကြောင်း၊ ပင်လယ်သယံဇာတထိန်းသိမ်းရေးတွင် စဉ်ဆက်မပြတ်ထုတ်ယူသုံးစွဲ နိုင်ရေးအတွက် နှစ်စဉ်မျိုးပြုန်းတီးမှုမရှိဘဲ အများဆုံး ဖမ်းဆီးနိုင်သည့် ပမာဏထက် မကျော်လွန်စေရေးကို မူဝါဒအနေဖြင့် အလေးထား ထိန်းသိမ်းကြပ်မတ်လျှက်ရှိရာ စုစုပေါင်းဖမ်းဆီးထုတ်လုပ်ခွင့်ပြုနိုင်မှု ပမာဏမှာ များစွာ လျော့နည်းကျဆင်းသွားသဖြင့် လက်ရှိခွင့်ပြုထားသည့် ငါးဖမ်းရေယာဉ်စီးရေထက် မကျော်လွန်စေရေးအတွက် ခေတ်မီသံခွံငါးဖမ်းရေယာဉ်အသစ် တည်ဆောက်ခွင့် များကိုလောလောဆယ် ခွင့်ပြုပေးနိုင်ခြင်း မရှိသေးပါကြောင်း၊ ခေတ်မီသံခွံကိုယ်ထည် ငါးဖမ်း၊ငါးသယ်ရေယာဉ်များအဖြစ် အစားထိုးတည်ဆောက်လိုပါက စည်းကမ်း သတ်မှတ်ချက်များနှင့်အညီ ခွင့်ပြုဆောင်ရွက်ပေး သွားနိုင်ပါကြောင်း ဖြေကြားသည်။

ထို့နောက် ထီးချုင့်-မရသိမ်-တောမ-မော်ကွန်းတိုင်-ကျောက်တန်း လမ်းမ ကြီးသည် ဆောက်လုပ်ရေးဝန်ကြီးဌာနပိုင် တိုင်းဒေသကြီးအစိုးရမှ စီမံခန့်ခွဲသော လမ်း အဖြစ် သွတ်သွင်းဆောင်ရွက်လျက်ရှိသဖြင့်လည်းကောင်း၊ ၂၀၁၆-၂၀၁၇ ခုနှစ် ဘဏ္ဍာ ရေးနှစ်တွင် ပါဝင်ခြင်းမရှိသဖြင်လည်းကောင်း၊ လတ်တလောဆောင်ရွက်မှု ပေးနိုင်ခြင်း မရှိပါကြောင်းနှင့် နှစ်အလိုက်ပြည်နယ်နှင့် တိုင်းဒေသကြီးများ၏ ဦးစားပေးလျာထား တင်ပြမှုအပေါ်မူတည်၍ တင်ပြပေးသွားမည်ဖြစ်ကြောင်း ဖြေကြားသည်။

ယင်းနောက် ပြည်သူ့လွှတ်တော် တရားစီရင်ရေးနှင့် ဥပဒေရေးရာကော်မတီ ဥက္ကဋ္ဌက ဥပဒေဆိုင်ရာ အထောက်အကူပေးရေး ဥပဒေကို ပြင်ဆင် သည့် ဥပဒေကြမ်းကို လွှတ်တော်က လက်ခံဆွေးနွေးပေးနိုင်ရန် တင်သွင်းသည်။

ထို့နောက် ဥပဒေကြမ်းကော်မတီဝင် ဦးပါထန်း က အဆိုပါ ဥပဒေကြမ်းနှင့် စပ်လျဉ်း၍ ပြည်သူ့လွှတ်တော် ဥပဒေကြမ်းကော်မတီ၏ လေ့လာတွေ့ရှိချက်အစီရင် ခံစာကို ဖတ်ကြားတင်ပြသည်။

ယင်းနောက် ပြည်သူ့လွှတ်တော်ဥက္ကဋ္ဌ က တရားစီရင်ရေးနှင့် ဥပဒေ ရေးရာကော်မတီမှ တင်သွင်းသည့် ဥပဒေကြမ်းနှင့်စပ်လျဉ်း၍ ပြင်ဆင်လိုသည့် အပိုဒ်၊ အပိုဒ်ခွဲနှင့်အကြောင်းအရာများကို တိကျစွာဖော်ပြ၍ အမည်စာရင်းတင်သွင်းနိုင် ကြောင်း ကြေညာသည်။