နေပြည်တော် အောက်တိုဘာ ၁၈
စတုတ္ထအကြိမ်မြောက်
မြန်မာ-ထိုင်း-အင်ဒိုနီးရှား-ကမ္ဘောဒီးယား (၄) နိုင်ငံ ငါးဖမ်းလုပ်ငန်းများနှင့် အခြားလုပ်ငန်းများတွင်
လုပ်အားခေါင်းပုံဖြတ်ခြင်းဆိုင်ရာ လူကုန်ကူးမှုကိစ္စရပ်များအပေါ် လူသားချင်းစာနာမှုအနေဖြင့်
တရားဥပဒေအရ ပူးပေါင်း ဆောင်ရွက်ခြင်း အစည်းအဝေးကို နေပြည်တော်ရှိ Park Royal ဟိုတယ်၌
ယနေ့နံနက်ပိုင်းတွင် စတင်ကျင်းပရာ မြန်မာနိုင်ငံရဲတပ်ဖွဲ့ ရဲချုပ် ရဲချုပ်ဇော်ဝင်းနှင့်
သြစတေးလျ နိုင်ငံသံအမတ်ကြီး H.E Nicholas Coppel တို့က အဖွင့်အမှာစကား ပြောကြားကြသည်။
မြန်မာနိုင်ငံ ရဲတပ်ဖွဲ့
ရဲချုပ် ရဲချုပ်ဇော်ဝင်းက ယခု လေးနိုင်ငံအစည်းအဝေးကို လူကုန်ကူးခံရသူများအား ဥပဒေကြောင်း
အရ အကူအညီပေးနိုင်ရန်၊ နိုင်ငံအချင်းချင်း ပိုမိုနီးကပ်စွာ ပူးပေါင်းဆောင်ရွက်နိုင်ပြီး
လူကုန်ကူးမှုများဖော်ထုတ်ရန် သတင်းအချက်အလက်များ မျှဝေနိုင်ခြင်း၊ လူကုန်ကူးမှုများအပေါ်
စုံစမ်းစစ်ဆေးမှုများ လွယ်ကူချောမွေ့စေရန်နှင့် အလေ့ အကျင့်ကောင်းများ မျှဝေနိုင်ရန်အတွက်
အကျိုးကျေးဇူး များဖြစ်ပေါ်လာစေရန် ရည်ရွယ်ကျင်းပခြင်းဖြစ်ကြောင်း၊ သြစတြေးလျ-အာရှ လူကုန်ကူးမှုတိုက်ဖျက်ရေး
အဖွဲ့ AAPTIP (Australia-Asia Program to Combat Trafficking in Persons) နှင့်အဖွဲ့အစည်းများမှ
တရားဥပဒေဘောင်အတွင်း ဆောင်ရွက်ရေး(Law Enforcement) အဖွဲ့များအတွက် နည်းပညာထောက်ပံ့
ပေးခြင်း၊ စံလုပ်ငန်းစဉ်များ ပြဋ္ဌာန်းပေးခြင်း၊ Guide line များရေးဆွဲပြဋ္ဌာန်းပေးမှုကြောင့်
လူကုန်ကူးမှု စုံစမ်းစစ်ဆေးမှုများတွင် တရားစွဲတင်ခြင်းနှင့် လူကုန်ကူးသူများအား ထိရောက်သော
ပြစ်ဒဏ်ပေးနိုင်ရေးတို့အတွက် ရင်းနှီးပွင့်လင်းစွာ ဆွေးနွေးအဖြေရှာကြ ရန်တိုက်တွန်းပါကြောင်းနှင့်
နောက်ပိုင်းတွင်လည်း ပိုမိုကောင်းမွန်သည့် ညှိနှိုင်း ဆောင်ရွက်မှုများ ဆက်လက် ပြုလုပ်သွားရန်
မျှော်လင့်ပါကြောင်း ပြောကြားသည်။
ထို့ပြင် အစိုးရ တိုးတက်ပြောင်းလဲမှုတွင်
ကမ္ဘာလုံးဆိုင်ရာ အလားအလာများနှင့် စိန်ခေါ်မှုများစွာရှိပြီး ယင်းတို့အနက် ပြောင်းရွှေ့သွားလာမှု၊
ရာသီဥတုပြောင်းလဲမှု၊ နျူကလီးယားထိန်းချုပ်မှုနှင့် အကြမ်းဖက်မှုများသည် အကြီးမားဆုံး
စိန်ခေါ်မှုများဖြစ်ကြောင်း၊ အစုလိုက်အပြုံလိုက်ရွှေ့ပြောင်းသွားလာမှုများ၏ အရင်းခံမှာ
ငြိမ်းချမ်းရေးနှင့် ဖွံ့ဖြိုးတိုးတက်မှု မရှိခြင်းကြောင့်ဖြစ်သည်ကို တွေ့မြင်ရကြောင်း၊
၂၀၁၅ ခုနှစ်တွင် ကမ္ဘာ့ကုလသမဂ္ဂ၏ထုတ်ပြန်ချက်အရ ရွှေ့ပြောင်းသွား လာသူ ၆၅ ဒသမ၃ သန်းအထိ
စံချိန်တင်ခဲ့ကြောင်း၊ ထိုသို့ ရွှေ့ပြောင်းသွားလာသူများအပေါ် အဓမ္မလုပ်အားခေါင်းပုံ ဖြတ်ခိုင်းစေခြင်း၊
လုပ်အားခခေါင်းပုံဖြတ်ရယူခြင်းများ ကြုံတွေ့လေ့ရှိကြောင်း၊
ရေလုပ်သားများ၏ အခွင့်အရေးကာကွယ်စောင့်ရှောက်မှုများကို
အထောက်အကူပြုစေရန် ခေါင်းပုံဖြတ်သည့်ကုမ္ပဏီများ၊ အဖွဲ့အစည်းများနှင့် လုပ်ငန်းရှင်များကို
စုံစမ်းဖော်ထုတ်စေခြင်း၊ အသိပညာပေးခြင်း၊ လူသားအချင်းချင်း ရိုင်းပင်း ကူညီသော လူ့အသိုင်းအ၀ိုင်းတစ်ရပ်ကို
ဖော်ဆောင်ခြင်းဖြင့် ဒေသတွင်း တစ်သားတည်း၊ တစ်စိတ်တည်းဖြစ်ပေါ်လာ စေကြောင်းနှင့် လေးနိုင်ငံအတွင်း
လူကုန်ကူးမှုများ လျော့နည်းကျဆင်းရေးအား ပိုမိုအကောင်အထည်ဖော် ဆောင်ရွက် သွားနိုင်မည်ဟု
ယုံကြည်ပါကြောင်း ရဲချုပ်ဇော်ဝင်းက ပြောကြားသည်။
သြစတေးလျသံအမတ်ကြီးက
AAPTIP အနေဖြင့် ရဲလုပ်ငန်းနှင့် တရားစွဲဆိုရေး လုပ်ငန်းများတွင် အခြားအဖွဲ့အစည်း များနှင့်
ပူးပေါင်းဆောင်ရွက်လျက်ရှိပြီး၊ အဓိကအားဖြင့် နိုင်ငံဖြတ်ကျော် စုံစမ်းစစ်ဆေးမှုများ
တိုးတက်လာစေရန်၊ ရဲလုပ်ငန်း စွမ်းရည်မြှင့်တင်ရေး၊ လူကုန်ကူးခံရသူ ထောင်ပေါင်းများစွာကို
နေရပ်ပြန်ပို့ရေး၊ လူပြန်လည်ဝင်ဆံ့ပေါင်းဆည်း ရေးကို သြစတေးလျ အစိုးရက ကူညီနိုင်ခဲ့ပြီး၊
လူကုန်ကူးမှု ကျူးလွန်သူများကိုလည်း တရားစွဲဆိုခြင်းဖြင့် လူကုန်ကူးမှုများ ကို တားဆီးနိုင်မည်ဖြစ်ကြောင်းနှင့်
ယခုလို နိုင်ငံပေါင်းစုံ အစည်းအဝေးများကို ဦးဆောင်ကျင်းပခဲ့ပြီး နိုင်ငံဖြတ်ကျော်
ပူးပေါင်း ဆောင်ရွက်ခြင်းသည် အရေးကြီးကြောင်း
ပြောကြားသည်။
ထိုင်းနိုင်ငံရဲမှူးကြီး
Khemmarin Hassiri က ရေလုပ်သားများ ကာကွယ်ပေး နိုင်ရေးကို နှစ်နိုင်ငံ ရဲတပ်ဖွဲ့၊ တပ်မတော်၊
လူမှုဝန်ထမ်းအဖွဲ့များပါဝင်သည့် လူကုန်ကူးမှုတိုက်ဖျက်ရေးဗဟိုအဖွဲ့က ပူးပေါင်း၍ဆောင်ရွက်
လျက်ရှိကြောင်း၊ မြန်မာ-ထိုင်း နှစ်နိုင်ငံအကြား Hot Line နံပါတ်ထားရှိပြီး စမတ်ဖုန်းများအသုံးပြု၍
လူကုန်ကူးမှုဆိုင်ရာ သတင်းအချက်အလက် များမျှဝေနိုင်ရေးကို မကြာမီဆောင်ရွက် သွားမည်ဖြစ်ကြောင်း
ပြောကြားသည်။
ဒုတိယရဲမှူးကြီး သက်နောင်က
လေးနိုင်ငံဆွေးနွေးပွဲပြီးပါက ရေလုပ်သားများ အခွင့်အရေး ပိုမိုအကာအကွယ် ပေးနိုင်ရန်
ထိုင်း-မြန်မာ၊ မြန်မာ-အင်ဒိုနီးရှားစသည်ဖြင့် နှစ်နိုင်ငံချင်းအလိုက် နားလည်မှုစာချွန်လွှာများ
ပိုမိုပြည့်စုံကောင်းစေရေး ဆွေးနွေးသွားရန်ရှိကြောင်း၊ ရွှေ့ပြောင်းလုပ်သားများအနေဖြင့်
ကျွမ်းကျင်မှုမရှိဘဲ ပင်လယ်ပြင် ငါးဖမ်းလုပ်ငန်းများ လုပ်ကိုင်ရန်အတွက် သွေးဆောင်ဖြားယောင်းမှုများကို
သတိပြုရန်နှင့် တရားဝင် လုပ်ကိုင်ပါက အထောက်အထား ခိုင်ခိုင် လုံလုံဖြင့်သာ လုပ်ကိုင်ကြရန်
တိုက်တွန်းမှာကြားသည်။
ပင်လယ်ပြင်ငါးဖမ်းလုပ်သားအများဆုံးမှာ
မြန်မာနိုင်ငံမှဖြစ်ပြီး၊ ငါးဖမ်းသင်္ဘော လုပ်ကိုင်သူအများဆုံးမှာ ထိုင်းနိုင်ငံမှဖြစ်
သည်။ ယင်းတို့မှာ အင်ဒိုနီးရှားပင်လယ်ရေပိုင် နက်တွင် အများဆုံးသွားရောက်ငါးဖမ်းလေ့ရှိကြောင်း
သိရသည်။ အဆိုပါ ၄ နိုင်ငံ ဆွေးနွေးပွဲကို အောက်တိုဘာ ၁၉ ရက်အထိ ကျင်းပမည်ဖြစ်ကြောင်း
သိရသည်။
No comments:
Post a Comment