သထုံ အောက်တိုဘာ
၃၀
မွန်ပြည်နယ်၊
သထုံမြို့နယ်၊ ဒုံဝန်းကျေးရွာအုပ်စု၊ ဒုံဝန်းကျေးရွာနှင့် ကမာစိုင်ကျေးရွာအကြား ရထားလမ်းကူးပေါ်တွင်
အောက်တိုဘာ ၃၀ရက်၊ မွန်းလွဲ ၁နာရီ ၃၀ မိနစ် အချိန်ခန့်က ရန်ကုန်ဘက်မှ မော်လမြိုင်ဘက်သို့ မောင်းနှင်လာသော အမှတ်(၈၉) အဆန် လူစီးရထားသည် ဒုံဝန်းကျေးရွာမှ သဲတင်ဆောင်မောင်းနှင်လာသော မော်တော်ယာဉ်တစ်စီးမှ
ရထားလမ်းအားဖြတ်ကူးစဉ် တိုက်မိ ခဲ့ကြောင်း သိရသည်၊၊
ဖြစ်စဉ်မှာ
ရန်ကုန်မှ မော်လမြိုင်သို့ မောင်းနှင်လာသော စက်ခေါင်းအမှတ် (DF-1336) အမှတ်(၈၉) အဆန်
လူစီးရထားသည် မိုင်တိုင်အမှတ်(၁၂၁/၁)နှင့် (၁၂၁/၂)ကြား အရောက်တွင် ယာဉ်မောင်း ကိုကျော်ဇင်ဝင်း
(၂၃)နှစ်၊ ပိန္နဲတောကျေးရွာအောက်ပိုင်း နေသူ မောင်းနှင်လာသည့် ဒုံဝန်းကျေးရွာမှ သဲများတင်ဆောင်လာသော
ယာဉ်အမှတ် 4G/4140 Mazada အမျိုးအစား အဝါရောင် ၆ ဘီးယာဉ်မှ ရထားလမ်းကို ဖြတ်ကျော်စဉ်
ရထား၏ညာဘက်ခြမ်း စက်ခေါင်းနှင့် မော်တော်ယာဉ်ရှေ့ပိုင်းတို့ တိုက်မိခဲ့ကြောင်း သိရသည်။
အဆိုပါ
ရထားနှင့်မော်တော်ယာဉ် တိုက်မှုကြောင့် မော်တော်ယာဉ်မှာ ရထားလမ်းအနောက်ဘက်သို့ ထိုးကျသွားခဲ့ပြီး လူထိခိုက် ဒဏ်ရာရမှု မရှိကြောင်းနှင့် ရထားစီးခရီးသည်များ ဘေးအန္တရာယ်
ဖြစ်ပွားနိုင်သည့်အတွက် ယာဉ်ကို မဆင်မခြင် မောင်းနှင်သူ ကိုကျော်ဇင်ဝင်းအား သိမ်ဆိပ်နယ်မြေရဲစခန်းမှ စစ်ဆေးအရေးယူ ဆောင်ရွက်လျက်ရှိကြောင်း သိရှိရသည်။
မြို့နယ်
(ပြန်/ဆက်)
No comments:
Post a Comment