နေပြည်တော် စက်တင်ဘာ ၈
ပြည်သူ့လွှတ်တော် ပညာရေးမြှင့်တင်မှုကော်မတီဥက္ကဋ္ဌ
ဒေါက်တာတင်အောင်သည် ဂျပန်နိုင်ငံအခြေစိုက် အာရှဒေသ ပတ်ဝန်းကျင် ကောင်းမွန်ရေးနည်းပညာ
ပြန့်ပွားမှုအဖွဲ့မှ အမှုဆောင်ဒါရိုက်တာ Akio Kawakami နှင့်အဖွဲ့အားယနေ့ မွန်းလွဲ ၂
နာရီတွင် နေပြည်တော်ရှိလွှတ်တော် အဆောက်အအုံရေးရာဆောင် အဆောင်အမှတ် (I-13) အစည်းအဝေး
ခန်းမ၌ တွေ့ဆုံသည်။
တွေ့ဆုံစဉ် မြန်မာနိုင်ငံလူ့စွမ်းအား
အရင်းအမြစ်ပျိုးထောင်ရေးနှင့် နည်းပညာရှင်များ ပိုမိုမွေးထုတ်ပေးနိုင်မည့် အောင်ဆန်း
ကျောင်းစီမံကိန်းသည် အဓိကအရေးကြီးသော ကိစ္စဖြစ်သည့်အတွက် ODA လျှောက်ထားခြင်းနှင့် ပတ်သက်ပြီး
မြန်မာ အစိုးရအနေဖြင့် ပထမဦးစားပေးစီမံကိန်း တစ်ခုအဖြစ် ထားရှိပေးစေလိုသည့် ကိစ္စရပ်များနှင့်စပ်လျဉ်းပြီး
ရင်းနှီးပွင့်လင်းစွာ ဆွေးနွေးခဲ့ကြသည်။
အဆိုပါတွေ့ဆုံပွဲသို့
အတွင်းရေးမှူး ဦးခမ်ခန့်ထန်နှင့်အတူ ကော်မတီအဖွဲ့ဝင်များ တက်ရောက်ခဲ့ကြသည်။
No comments:
Post a Comment