နေပြည်တော်၊
စက်တင်ဘာ ၅
ပြည်ထောင်စု သမ္မတ မြန်မာနိုင်ငံတော်၊
ဒုတိယ သမ္မတ ဦးမြင့်ဆွေသည် မြန်မာ နိုင်ငံဆိုင်ရာ တရုတ်ပြည်သူ့ သမ္မတ နိုင်ငံ သံအမတ်ကြီး
မစ္စတာဟုန်လျန် နှင့်အဖွဲ့အား ယနေ့ မွန်းလွဲ ၂ နာရီတွင် နိုင်ငံတော် သမ္မတ အိမ်တော် သံတမန်ဆောင်ဧည့်ခန်းမ၌
လက်ခံတွေ့ဆုံသည်။
ထိုသို့တွေ့ဆုံစဉ် နှစ်နိုင်ငံချစ်ကြည်ရေး၊ ဖွံ့ဖြိုးရေးနှင့် စီးပွားရေးပူးပေါင်း
ဆောင်ရွက်ရေး၊ နန်နင်းမြို့တွင် ကျင်းပမည့် (၁၃)ကြိမ်မြောက် တရုတ်-အာဆီယံပြပွဲသို့
တက်ရောက်နိုင်ရေးတို့နှင့် စပ်လျဉ်း၍ ဆွေးနွေးကြ သည်။
တွေ့ဆုံပွဲသို့ နိုင်ငံတော်အတိုင်ပင်ခံရုံးဝန်ကြီးဌာန
ဒုတိယ၀န်ကြီး ဦးခင်မောင် တင်၊ စီမံကိန်းနှင့်ဘဏ္ဍာရေး ၀န်ကြီးဌာန ဒုတိယ၀န်ကြီး ဦးမောင်မောင်ဝင်းနှင့်
တာဝန်ရှိ သူများ တက်ရောက်ခဲ့ကြသည်။
No comments:
Post a Comment