မြန်မာနိုင်ငံသည် အာဆီယံပါလီမန်များညီလာခံ၏ အထွေထွေလှုပ်ရှားဆောင် ရွက်မှုများတွင် တက်ကြွစွာပါဝင် အာဆီယံ အဖွဲ့ဝင်နိုင်ငံများအကြား ဖွံ့ ဖြိုးတိုးတက်မှုကွာဟချက်များ ပပျောက်စေရေး အပါအဝင် စိန်ခေါ်မှုများ နှင့် ရင်ဆိုင်ရလျက်ရှိ

နေပြည်တော် စက်တင်ဘာ ၂၉

နိုင်ငံတော်သမ္မတ ဦးထင်ကျော်က (၃၇)ကြိမ်မြောက် အာဆီယံပါလီမန်များ အထွေထွေညီလာခံသို့ သဝဏ်လွှာ ပေးပို့ခဲ့သည် အဆိုပါသဝဏ်လွှာ အပြည့်အစုံမှာ အောက်ပါအတိုင်းဖြစ်ပါသည် -

လေးစားအပ်ပါသော အာဆီယံပါလီမန်များညီလာခံ ဥက္ကဋ္ဌနှင့် ကိုယ်စားလှယ်တော်ကြီး များနှင့် ဧည့်သည် တော်များ ခင်ဗျား ယခုကဲ့သို့ မင်္ဂလာအပေါင်းနှင့် ပြည့်စုံသည့် (၃၇)ကြိမ်မြောက် အာဆီယံ ပါလီမန်များ အထွေထွေ ညီလာခံ ကျင်းပသည့် အခါသမယတွင် အာဆီယံပါလီမန်များ ညီလာခံဥက္ကဋ္ဌနှင့် ကိုယ်စားလှယ် တော်ကြီးများအား ကျွန်ုပ်အနေဖြင့် နွေးထွေးစွာ နှုတ်ခွန်းဆက်သအပ်ပါသည်။ (၃၇)ကြိမ်မြောက် အာဆီယံ ပါလီမန်များ အထွေထေ ညီလာခံကို ပြည်ထောင်စုသမ္မတမြန်မာနိုင်ငံ နေပြည်တော်၌ လက်ခံကျင်းပခွင့် ရရှိသည့်အတွက် ဂုဏ်ယူဝမ်းမြောက်ကြောင်း ပြောကြားလိုပါသည်။ (၃၇)ကြိမ်မြောက် အာဆီယံပါလီမန်များ အထွေထွေညီလာခံ ဆောင်ပုဒ်အဖြစ် “အာဆီယံအသိုက်အဝန်း တိုးတက်ထွန်းကားရေး အာဆီယံပါလီမန်များ ညီလာခံက တက်ကြွလှုပ်ရှားပေး” ကို ရွေးချယ်ခဲ့ခြင်းကိုလည်း ကျွန်ုပ်တို့ ဝမ်းမြောက်စွာ မှတ်သား ရပါသည်။

ယခုအချိန်အခါတွင် နိုင်ငံရေးအရ စည်းလုံးမှုရှိပြီး စီးပွားရေးအရ ပေါင်းစည်း၍ လူမှုရေးအရ တာဝန်ယူမှုရှိသည့် အာဆီယံဒေသအဖြစ်သို့ အကောင် အထည်ဖော်သည့် ကျွန်ုပ်တို့၏ ကြိုးပမ်းအားထုတ်မှုများကို အရှိန်အဟုန်မြှင့်တင် ခြင်းဖြင့် အသိုက်အဝန်း တည်ဆောက်မှုတွင် တိုးတက်မှုကောင်းများကို ရရှိလျက် ရှိပါသည်။

အဆွေတော်တို့ သိရှိပြီးဖြစ်ကြသည့်အတိုင်း ၂၀၁၅ ခုနှစ် ဒီဇင်ဘာလ ၃၁ ရက်နေ့တွင် အာဆီယံ အသိုက်အဝန်းကို တည်ထောင်ခဲ့ခြင်းနှင့်အတူ အာဆီယံအဖွဲ့ ကြီးသည် သမိုင်းမျက်နှာစာသစ်တစ်ရပ်ကို ဖွင့်လှစ်နိုင်ခဲ့ပြီး “အာဆီယံ ၂၀၂၅- ရှေ့သို့တူညီ ကြိုးပမ်းမည်” ခေါင်းစဉ်ဖြင့် အာဆီယံမျှော်မှန်း ချက်အသစ်ကိုလည်း အာဆီယံ အသိုက်အဝန်း၏ လမ်းပြမြေပုံအဖြစ် စတင်ဆောင်ရွက်လျက်ရှိပါသည်။ ယခုကဲ့သို့ အာဆီယံအသိုက်အဝန်း တည်ဆောက်ခြင်းသည် ကျွန်ုပ်တို့၏ ရည်မှန်းချက်ဖြစ်သော အာဆီယံအသိုက်အဝန်း တည်ဆောက်မှုလုပ်ငန်းစဉ်၏ ကနဦးဆောင်ရွက်မှုဖြစ်ပြီး စည်းလုံးညီညွတ်မှုရှိ၍ ပေါင်းစည်းမှုရှိသော ဒေသဆိုင်ရာ အဖွဲ့ အစည်းတစ်ခုအဖြစ် ကမ္ဘာ့အသိုက်အဝန်းအလယ်တွင် ပေါ်ထွန်းလာ နိုင်ရန်အတွက် ကျွန်ုပ်တို့အားလုံး သည် ပိုမိုကျစ်လျစ်ခိုင်မာစွာဖြင့် ကြိုးပမ်းအားထုတ်သင့်ပါသည်။ ကျွန်ုပ် အနေဖြင့် အာဆီယံအစိုးရများနှင့် ပါလီမန်များအား အာဆီယံအသိုက်အဝန်း မျှော်မှန်းချက် ၂၀၂၅ အကောင်အထည်ဖော်မှုတွင် အတူတကွ လက်တွဲဆောင်ရွက်ကြရန် တိုက်တွန်းပြောကြားလိုပါသည်။

လေးစားအပ်ပါသော အာဆီယံပါလီမန် ကိုယ်စားလှယ်တော်ကြီးများနှင့် ဧည့်သည်တော်များ ခင်ဗျား

အာဆီယံအသိုက်အဝန်း၏ တိုးတက်မှုသည် အာဆီယံမဏ္ဍိုင်(၃)ရပ်၏ အောင်မြင်မှုအပေါ်တွင်သာမက အာဆီယံပါလီမန်များအပါအဝင် အာဆီယံအဖွဲ့တွင် အဓိကပါဝင်ကြသူများအားလုံးနှင့် အလွှာအသီးသီးမှ လူထုတစ်ရပ်လုံး၏ ကျယ်ပြန့် သော အားပေးထောက်ခံမှုများအပေါ်တွင်လည်း မူတည်သည်။ သို့ဖြစ်ပါ၍ အာဆီယံ အသိုက်အဝန်းတည်ထောင်ရေး ကြိုးပမ်းရာတွင် အာဆီယံပါလီမန်များ ညီလာခံ၏ အရေးပါသော အခန်း ကဏ္ဍနှင့် ပူးပေါင်းပါဝင်ဆောင်ရွက်မှုကိုလည်း အသိအမှတ် ပြုပါသည်။ အောင်မြင်မှုရှိသော အာဆီယံ ပေါင်းစည်းမှုအတွက် အာဆီယံအဖွဲ့ဝင် နိုင်ငံများသည် အကောင်းဆုံးသော အလေ့အထနှင့် ဦးဆောင်ဦး ရွက်ပြုမှုများကို မျှဝေလျက် အပြည့်အဝ ပါဝင်ဆောင်ရွက်ကြရန် လိုအပ်ပါသည်။

၂၀၁၁ ခုနှစ်တွင် အာဆီယံပါလီမန်များ ညီလာခံသို့ အဖွဲ့ဝင်အဖြစ် ဝင်ရောက် ပြီးနောက် မြန်မာနိုင်ငံသည် အာဆီယံပါလီမန်များညီလာခံ၏ အထွေထွေ လှုပ်ရှား ဆောင်ရွက်မှုများတွင် တက်ကြွစွာပါဝင်လှုပ်ရှား ဆောင်ရွက် လျက်ရှိပါသည်။ မြန်မာ နိုင်ငံအနေဖြင့် ပါလီမန်အချင်းချင်း ပူးပေါင်းဆောင်ရွက် မှုများကို ဒေသတွင်း၌ သာမက နိုင်ငံတကာအဆင့်၌လည်း ပါဝင်ခဲ့ရာ နိုင်ငံတကာ ပါလီမန်များအဖွဲ့၊ ဗြိတိန်ပါလီမန် နှင့် ဩစတြေးလျပါလီမန် စသည်တို့နှင့်လည်း လက်တွဲဆောင်ရွက်ခဲ့ပါသည်။ မြန်မာ နိုင်ငံသည် နှစ်စဉ်ကျင်းပသော အာဆီယံပါလီမန်အထွေထွေညီလာခံများ၊ အာဆီယံ ပါလီမန်များညီလာခံ၏ နှစ်လယ်အစည်းအဝေးများ၊ နှီးနှောဖလှယ်ပွဲများနှင့် အလုပ်ရုံ ဆွေးနွေးပွဲများသို့လည်း ပါဝင်တက်ရောက်လျက်ရှိပါသည်။

လေးစားအပ်ပါသော အာဆီယံပါလီမန် ကိုယ်စားလှယ်တော်ကြီးများနှင့် ဧည့်သည်တော်များ ခင်ဗျား

မြန်မာနိုင်ငံသည် အာဆီယံအသိုက်အဝန်းတည်ဆောက်ရာတွင် အထူးသဖြင့် အာဆီယံ၏ စာချုပ်စာ တမ်းများနှင့် သဘောတူညီချက်များကို အပြည့်အဝ အကောင် အထည်ဖော်ရန် သက်ဆိုင်ရာ ပြည်တွင်းဥပဒေ များပြဋ္ဌာန်းမှုတွင် အာဆီယံပါလီမန် များ၏ အရေးပါသော အခန်းကဏ္ဍကို အသိအမှတ်ပြုပါသည်။ အာဆီယံ၏ စာချုပ်စာတမ်းများ၊ သဘောတူညီချက်များနှင့်အညီ ပြည်တွင်းဥပဒေများကို လိုက်လျောညီထွေရှိစေခြင်းဖြင့် အာဆီယံအသိုက်အဝန်း တည်ဆောက်မှုတွင် အာဆီယံပါလီမန်များညီလာခံနှင့် အာဆီယံအဖွဲ့တို့အကြား ခိုင်မာသော ပူးပေါင်း ဆောင်ရွက်မှုမှာ အရေးပါကြောင်း ပြောကြားလိုပါသည်။

ယနေ့အချိန်အခါတွင် ကျွန်ုပ်တို့ဒေသတွင်း၌ သမားရိုးကျမဟုတ်သော လုံခြုံရေး ဆိုင်ရာကိစ္စရပ်များနှင့် အချို့သော အာဆီယံအဖွဲ့ဝင်နိုင်ငံများအကြား ဖွံ့ ဖြိုး တိုးတက်မှုကွာဟချက်များ ပပျောက်စေရေး အပါအဝင် စိန်ခေါ်မှု အမြောက်အမြား နှင့် ရင်ဆိုင်ရလျက်ရှိပါသည်။ အဆိုပါ စိန်ခေါ်မှုများကို ရင်ဆိုင်ဖြေရှင်းရာတွင် အစိုးရ အဖွဲ့များနှင့် ပါလီမန်များအကြား ပူးပေါင်းဆောင်ရွက်မှုကို လွယ်ကူချောမွေ့စေရန် ဆောင်ရွက်ပေးခြင်းဖြင့် အာဆီယံပါလီမန်များ ညီလာခံသည် အဓိကကျသော အခန်းကဏ္ဍမှ ပါဝင်လျက်ရှိပါသည်။

အာဆီယံပါလီမန်များညီလာခံအနေဖြင့် ဒေသတွင်း စဉ်ဆက်မပြတ် ဖွံ့ ဖြိုး တိုးတက်မှုနှင့် စီးပွားရေး တိုးတက်မှုတို့အတွက် အခြေခံလိုအပ်ချက် များဖြစ်ကြသော ဆင်းရဲနွမ်းပါးမှု လျှော့ချရေးနှင့် ဖွံ့ ဖြိုးမှုကွာဟချက် ကျဉ်းမြောင်းစေရေးတို့ကို အထူးအလေးပေးဆောင် ရွက်လျက်ရှိခြင်းအတွက် ကျွန်ုပ်တို့အနေဖြင့် ကျေနပ်အားရ မိပါသည်။ အာဆီယံ၏ ၂၀၂၅ မျှော်မှန်းချက်ကို အကောင်အထည်ဖော်ရန် ကျွန်ုပ်တို့၏ စုပေါင်းကြိုးပမ်းအားထုတ်မှုသည် ကုလသမဂ္ဂအဖွဲ့ ကြီး၏ ၂၀၃၀ စဉ်ဆက် မပြတ် ဖွံ့ ဖြိုးတိုးတက်ရေးရည် မှန်းချက်ပန်းတိုင်ဆိုင်ရာ အစီအစဉ်နှင့်လည်း လိုက်လျောညီထွေရှိသင့်ပါသည်။

အာဆီယံအဖွဲ့ဝင်နိုင်ငံများသည် ချစ်ကြည်ရင်းနှီးမှု၊ ပူးပေါင်းဆောင်ရွက်မှု၊ ငြိမ်းချမ်းရေးနှင့် လုံခြုံရေး၊ ကြီးပွားတိုးတက်မှုတို့ဖြင့် စည်းနှောင်ထားသော အာဆီယံ အသိုက်အဝန်းတစ်ရပ် ပေါ်ထွန်းလာရန် ပြုစုပျိုးထောင်လျက်ရှိရာ အာဆီယံ အသိုက်အဝန်းတည်ထောင်မှုကို ပိုမိုကျစ်လျစ်ခိုင်မာစေရေးနှင့် အာဆီယံ အဖွဲ့ ကြီး ၏ အနာဂတ်ကိုပုံဖော်မည့် ကြိုးပမ်းမှုများတွင် အာဆီယံပါလီမန်များ ညီလာခံ၏ စဉ်ဆက်မပြတ် ပါဝင်ပံ့ပိုးမှုကိုလည်း ကျွန်ုပ်တို့အနေဖြင့် များစွာအားရဖြစ်မိပါသည်။ အာဆီယံအဖွဲ့ ကြီး၏ လွန်ခဲ့သော (၄၉)နှစ်အတွင်း ရရှိခဲ့ပြီးသော ထင်သာ မြင်သာရှိသည့် အောင်မြင်မှုများသည် အာဆီယံအ သိုက် အဝန်းတည်ဆောက်ရေး လုပ်ငန်းစဉ်ကို ရှေ့သို့ ဆက်လက်လှမ်းချီစေရန် အထောက်အကူပြုစေမည်ဟု ကျွန်ုပ်တို့အနေဖြင့် အခိုင်အမာ ယုံကြည်မိပါသည်။

(၃၇)ကြိမ်မြောက် အာဆီယံပါလီမန်များညီလာခံတွင် အာဆီယံပြည်သူများ၏ မျှော်မှန်းချက် ဖြည့်ဆည်း ပေးရေးကို ဦးတည်သော အနှစ်သာရပြည့်ဝသည့် ဆွေးနွေး မှုများနှင့် အောင်မြင်သော ရလဒ်များ ပေါ်ထွက်လာရေးတို့အတွက် ကျွန်ုပ်အနေဖြင့် ဆုမွန်ကောင်းများ ပို့သအပ်ပါသည်။