နေပြည်တော်
စက်တင်ဘာ ၂
ပြည်ထောင်စုငြိမ်းချမ်းရေး
ညီလာခံ-(၂၁)ရာစုပင်လုံ တတိယနေ့ အစည်းအဝေး မွန်းလွဲပိုင်းအစီအစဉ်များကို ယနေ့မွန်းလွဲ
၁ နာရီတွင် နေပြည်တော်ရှိ မြန်မာအပြည် ပြည်ဆိုင်ရာ ကွန်ဗင်းရှင်းဗဟိုဌာန-၂
(MICC-2) ၌ ဆက်လက်ကျင်းပသည်။
တပ်မတော်မှဗိုလ်မှူးထိပ်တင်ချို က
IDP (ပြည်တွင်းနေရပ်စွန့်ခွာတိမ်းရှောင်သူ) များ ဆိုင်ရာ ချမှတ်သင့်သည့် မူဝါဒများမှာ အလှူရှင်များအနေဖြင့် လူသားချင်းစာနာ ထောက်ထားမှု
အကူအညီပေးရေးကို အကြောင်းပြ၍ ဘာသာရေး၊ လူမှုရေး၊ နိုင်ငံရေးစွက်ဖက်မှုမရှိစေရန်၊ မည်သူတစ်ဦးတစ်ယောက်မျှ
မကျန်ခဲ့စေရန်၊ ဘက်လိုက် မှု၊ ခွဲခြားမှုမရှိစေရန်၊ ပွင့်လင်းမြင်သာမှု၊ တာဝန်ယူမှု တာဝန်ခံမှုရှိရန်၊
IDPs အရေအတွက်များ တဖြည်းဖြည်း လျော့နည်းသွားစေရန်နှင့် အချိန်ကာလတစ်ခုတွင် လုံးဝပပျောက်သွားစေရန်၊
NGOs, INGOs အဖွဲ့အစည်း အားလုံး၏ အကူအညီ ထောက်ပံ့မှုများအား နိုင်ငံတော်အစိုးရ၏ ခွင့်ပြုချက်နှင့်သာ
ဆောင်ရွက်ရန်ဆိုသည့် အချက်များချမှတ်သင့်ကြောင်း။
ပြန်လည်ထူထောင်ရေး
လုပ်ငန်းများ ဆောင်ရွက်ပေးရာတွင် ကျန်းမာရေး စောင့်ရှောက်မှုလုပ်ငန်း၊ ပညာရေး မြှင့်တင်မှုလုပ်ငန်း၊
လူဝင်မှုကြီးကြပ်ရေးလုပ်ငန်းများ၊ အသက်မွေးဝမ်းကြောင်း လုပ်ငန်းများ ပြန်လည်ထူထောင်
ပေးခြင်းနှင့် အတတ် ပညာများ လေ့ကျင့်သင်ကြားပေးခြင်း၊ စစ်ပွဲနှင့် မြေမြှုပ်မိုင်းများကြောင့်
ထိခိုက် ဒဏ်ရာရ ကိုယ်လက်အင်္ဂါ စွန့်လွှတ်ရသူများ၊ ကူးစက်ရောဂါသည်နှင့် နာတာရှည် ရောဂါ
သည်များအား စောင့်ရှောက် ပေးခြင်း၊ လူကုန်ကူးမှုနှင့် မူးယစ်ဆေးဝါး တိုက်ဖျက်ရေး အဓမ္မလူသစ်စုဆောင်းမှု
မခံရစေရန် ကာကွယ်ပေးခြင်း၊ အခြေခံ အဆောက် အအုံများ တည်ဆောက်ပေးခြင်း၊ စိတ်ပိုင်းဆိုင်ရာ
မြှင့်တင်ပေးခြင်း၊ အချိန်ဇယား ရေးဆွဲသတ်မှတ်ခြင်းတို့ကို ဆောင်ရွက်သွားရမည် ဖြစ်ကြောင်း
ဆွေးနွေးသည်။
စိတ်ရင်းစေတနာအမှန်ကို ပြသ
ပါဝင်သင့်ပါဝင်ထိုက်သူများအစုအဖွဲ့မှ
ဦးကိုကိုလှိုင်က မိမိအနေဖြင့် ညီလာခံတွင် အဓိကအချက် ငါးချက်ကို
တင်ပြသွားမည်ဖြစ်ကြောင်း၊ ပထမအချက်အနေဖြင့် လက်နက်ကိုင်ပဋိပက္ခ အဆုံးသတ်ရေးပင်ဖြစ်ကြောင်း၊
ငြိမ်းချမ်းရေးကို အမှန်တကယ် လိုလားသည့် ညီနောင်တိုင်းရင်းသားအဖွဲ့အစည်းများ
အားလုံးကိုလည်း NCA ၏အရိပ် အာဝါသအောက်တွင် ပါဝင်၍ မိမိတို့၏ စိတ်ရင်းစေတနာအမှန်ကို
ပြသကြရန်မေတ္တာ ရပ်ခံတိုက်တွန်း လိုပါကြောင်း။
ဒုတိယ
အချက်တင်ပြလိုသည်မှာ ဖက်ဒရယ်ပြည်ထောင်စု တည်ဆောက်ရေး ဖြစ်ပါကြောင်း၊ ဖက်ဒရယ် ပြည်ထောင်စု
တည်ဆောက်ရေးဆိုသည့် အဓိကဦးတည် ချက်နှင့် ပတ်သက်၍ တစ်နိုင်ငံလုံးတွင် တူညီသည့် သဘောထားရှိကြမည်
ဟုယုံကြည်ပါ ကြောင်း၊ သို့သော်လည်း မည်သို့မည်ပုံတည်ဆောက်မည်ဆိုသည့် နည်းလမ်းအပေါ် လက်ရှိ
ပကတိအခြေအနေအပေါ်တွင် အခြေခံ၍ ရှိရင်းစွဲအင်စတီကျူးရှင်းများဖြစ်သည့် အခြေခံဥပဒေ၊ တည်ဆဲဥပဒေနှင့်
နည်းပညာဥပဒေများကို လိုအပ်သလိုအများ သဘောတူ ပြင်ဆင် ပြောင်းလဲခြင်း၊ လိုအပ်လျှင် ဖြည့်စွက်ခြင်း၊
ပယ်ဖျက်ခြင်း စသည့် နည်းလမ်းများဖြင့် စနစ်တကျ ဆောင်ရွက်သွားသင့်ပါကြောင်း။
တတိယတင်ပြလိုသည့်
အချက်မှာ သဘာဝသယံဇာတ အရင်းအမြစ်ခွဲဝေရေး ကိစ္စပင်ဖြစ်ကြောင်း၊ သဘာဝ သယံဇာတအရင်းအမြစ်
ခွဲဝေရေးကိစ္စတွင် ပင်ရင်းဒေသ တွင်လည်း အထိုက်အလျောက် ကျေနပ်မှုရရှိအောင် ပြည်ထောင်စုဗဟို
အစိုးရအတွက်လည်း ထိုက်သင့်သည့် ၀င်ငွေရရှိစေရန်၊ အရင်းအမြစ်ရှားပါးပြီး ၀င်ငွေနည်း
သည့် ဒေသ အတွက်လည်းလိုအပ်သလို ထောက်ကူပေးနိုင်ရန် မျှတသည့် ခွဲဝေမှုမျိုးကို မိမိနိုင်ငံ၏
နယ်မြေအခြေအနေ သဘာဝ အနေအထားတို့နှင့် လိုက်လျောညီထွေစွာ ရှာဖွေဖော် ထုတ် ကျင့်သုံးသင့်
ပါကြောင်း။
စတုတ္တတင်ပြလိုသည့်
အချက်အနေဖြင့် နိုင်ငံတော်ကာကွယ်ရေးနှင့်လုံခြုံရေး ကိစ္စပင်ဖြစ်ကြောင်း၊ အထူးသဖြင့်
နိုင်ငံတော်ကာကွယ်ရေးအတွက် တစ်ခုတည်းသော လက်နက်ကိုင်အဖွဲ့အစည်းကိုသာ ထားရှိရေးဖြစ်ကြောင်း၊
လက်ရှိအခြေခံ ဥပဒေတွင်လည်း နိုင်ငံတော်တွင် တပ်မတော်တစ်ရပ်တည်း ရှိရမည်ဟု ချမှတ်ထားပြီး
ဖြစ်ကြောင်း။
နောက်ဆုံး
တင်ပြလိုသည့်အချက်မှာ ငြိမ်းချမ်းရေးကို ဖြစ်နိုင်သမျှမြန်မြန်ဖော် ဆောင်နိုင်ရန် အရေးကြီး
ပါကြောင်း၊ ယနေ့ ကမ္ဘာ့အခြေအနေကို ကြည့်လိုက်ပါက အချင်းချင်းလူမျိုးရေး၊ ဘာသာရေး စသည့်
အစွဲအမျိုးမျိုးကြောင့် ပြိုကွဲခဲ့ကြပြီး လက်နက်ကိုင်ပဋိပက္ခများ ပြင်းထန်ခဲ့ကာ ဘေးပယောဂအမျိုးမျိုးက
စစ်ရေးပါဝင်စွက်ဖက်မှုကြောင့် နိုင်ငံတစ်ဝန်းလုံး ပြာပုံဖြစ်နေကြသည့် ပကတိအခြေအနေများကို
တွေ့မြင် ရမည်ဖြစ်ကြောင်း၊ မိမ်ိတို့နိုင်ငံတွင်လည်း ကြာလေလေ နစ်မွန်းလေလေဖြစ်ရမည့်
ကံကြမ္မာမျိုးများကို ရှောင်လွဲနိုင်ရေးအတွက် ငြိမ်းချမ်းရေးကိုမြန်နိုင်သမျှ အမြန်ဆုံး
ဝိုင်းဝန်းဖော်ဆောင်ကြရန် ကျွန်တော်တို့ အားလုံးတွင် တာဝန်ရှိကြောင်း ဆွေးနွေးသည်။
တိုင်းရင်းသားစစ်စစ်လူမျိုးဖြစ်
ဝအမျိုးသား စည်းလုံးညီညွှတ်ရေးပါတီမှ ဦးညီနပ်က
"၀"တိုင်းရင်းသားလူမျိုးစု သည် တိုင်းရင်းသားစစ်စစ် လူမျိုးဖြစ်သကဲ့သို့
သမိုင်း အစဉ်အလာရှိသော လူမျိုးစုဖြစ်ပြီး ပြည်ထောင်စုဝင်ပြည်နယ်ဖြစ်ရန် လိုအပ်သော အရည်အချင်း(၇)ချက်နှင့်လည်း
ပြည့်မီသည့်အတွက် လက်ရှိ "၀"ကိုယ်ပိုင်အုပ်ချုပ်ခွင့်ရ တိုင်း(၆)မြို့နယ်နှင့်
"၀"ဘုရင် ခေါင်းဆောင်များ ခေါင်းချခဲ့သည့် ကျိုင်းတုံနယ် မြေဒေသ(၁၀)မြို့နယ်ကို
ပြည်ထောင်စုဝင် "၀"ပြည်နယ်အဖြစ် ပြန်လည်အသိအမှတ် ပြုပေးနိုင်ပါရန်နှင့် ကျိုင်းတုံ
မြို့ပြနိုင်ငံ ရှေးဟောင်းပစ္စည်းများ ဆက်လက်မပျောက် မပျက်ဘဲ ထိန်းသိမ်းထား နိုင်ရန်နှင့်
နိုင်ငံတော်၏ အမွေအနှစ်အဖြစ် သတ်မှတ်ပေးပါရန် တောင်းဆိုအပ် ပါကြောင်း၊ ထိုကဲ့သို့ အသိအမှတ်ပြုခြင်းခံရပါက
နယ်စပ်ဒေသ တစ်လျှောက်လုံး လုံခြုံရေး ကာကွယ်ရေးတာဝန်ကို "၀" ပြည်နယ်ဖက်ဒရယ်
ပြည်ထောင်စုတပ်မှ ဗဟို အစိုးရ၏ ဦးဆောင်မှုအောက်တွင် ကျေပွန်စွာ တာဝန်ယူ ထမ်းရွက်သွားမည်ဖြစ်
ကြောင်း ဆွေးနွေးသည်။
လုပ်ပိုင်ခွင့် အာဏာတူညီသော လွှတ်တော် ၂ ရပ်
တိုင်းရင်းသား ကိုယ်စားလှယ်အစုအဖွဲ့မှ
နိုင်ဝင်းကြည်က ဖက်ဒရယ်ဒီမိုကရေစီ ပြည်ထောင်စုတွင် တိကျ
ခိုင်မာသော ဖွဲ့စည်းပုံအခြေခံဥပဒေ ရှိရမည်ဖြစ်ကြောင်း၊ အမျိုးသား တန်းတူရေးနှင့်ကိုယ်ပိုင်ပြဌာန်းခွင့်
အပြည့်အ၀ရှိသော ပြည်နယ်များကို အခြေခံ၍ ဖက်ဒရယ်ဒီမိုကရေစီပြည်ထောင်စုကို တည်ဆောက်ရမည်
ဖြစ်ကြောင်း၊ ဖက်ဒရယ် ဒီမိုကရေစီပြည်ထောင်စုတွင် လုပ်ပိုင်ခွင့်အာဏာတူညီသော လွှတ်တော်
၂ ရပ် ရှိရမည်ဖြစ်ကြောင်း၊ ပြည်နယ်များနှင့်ပြည်ထောင်စုကြားတွင် တိကျသော အာဏာ ခွဲဝေမှု
ရှိရမည်ဖြစ်ကြောင်း၊ ဖက်ဒရယ်ဒီမိုကရေစီ ပြည်ထောင်စုတွင် ပါတီစုံဒီမိုကရေစီ နိုင်ငံရေးစနစ်ကို
ကျင့်သုံးရမည်ဖြစ်ကြောင်း၊ ဖက်ဒရယ်ဒီမိုကရေစီ ပြည်ထောင်စုတွင် ဖွဲ့စည်းပုံ အခြေခံဥပဒေဆိုင်ရာ
ခုံရုံးရှိရမည်ဖြစ်ကြောင်း၊ ဖက်ဒရယ်ဒီမိုကရေစီ ပြည်ထောင်စုတပ်မတော် တစ်ရပ်တည်းသာရှိရမည်ဖြစ်ကြောင်း၊
ပြည်နယ်များတွင် ပြည်နယ်လုံခြုံရေးတပ်ကို ပြည်နယ်အစိုးရ၏ ကွပ်ကဲမှုအောက်တွင် ဖွဲ့စည်းထားရှိ
ရမည်ဖြစ်ကြောင်း ဆွေးနွေးသည်။
ပဋိပက္ခအလွန်တိုင်းပြည်
ပါဝင်သင့်ပါဝင်ထိုက်သူများအစုအဖွဲ့မှ
ဒေါ်ခင်မမမျိုးက ဖက်ဒရယ်ပြည်ထောင်စု လုံခြုံရေးရာ
ကိစ္စရပ်များအား လုံခြုံရေးတပ်ဖွဲ့များက အကောင်အထည်ဖော် ဆောင်ရွက်ရာတွင် အရပ်ဘက်ကွပ်ကဲမှုနှင့်
အရပ်ဘက် အုပ်ချုပ်မှုအောက်တွင်ရှိရေး၊ နိုင်ငံနှင့် နိုင်ငံသားများအပေါ် ဒီမိုကရေစီနည်းကျ
တာဝန်ခံမှုရှိရေးတို့ကိုလည်း အထူးအလေးပေး ဆောင်ရွက်ရမှာဖြစ်ကြောင်း၊ လုံခြုံရေးမူဝါဒများချမှတ်
ကျင့်သုံး ရာတွင် အဓိကရည်မှန်းချက် ဖြစ်သည့် လုံခြုံသည့် ပတ်ဝန်းကျင် ကောင်းဖန်တီးရေး
ဖြစ်သည့်အတွက် လုံခြုံရေးဆိုင်ရာ အဖွဲ့အစည်းများ၏ အခန်းကဏ္ဍများနှင့် တာဝန်များ၊ လုံခြုံရေးဆိုင်ရာဥပဒေများ၊
လုပ်ထုံးလုပ်နည်းများကို အခြေအနေ၊ အချိန် အခါနှင့် အညီ ပြုပြင်ပြောင်းလဲရေးများ လိုအပ်လာမည်ဖြစ်ကြောင်း။
လုံခြုံရေး
ကဏ္ဍပြုပြင်ပြောင်းလဲရေးသည် ပဋိပက္ခအလွန်တိုင်းပြည် တည်ဆောက်ရေးအတွက် အရေးကြီးသည့် အတွက်
ငြိမ်းချမ်းရေးလုပ်ငန်းစဉ်များတွင် လုံခြုံရေး ကဏ္ဍပြုပြင် ပြောင်းလဲရေးတို့ကို ဆွေးနွေးညှိနှိုင်းကြရမည်
ဖြစ်ကြောင်း၊ လုံခြုံရေးကဏ္ဍ ပြုပြင်ပြောင်းလဲရေးတွင် အမျိုးသားလုံခြုံရေးမူဝါဒနှင့်
မဟာဗျူဟာ ချမှတ် ဖော်ဆောင်ရေး၊ လုံခြုံရေးဆိုင်ရာ ဥပဒေဘောင်များ ပြုပြင်ပြောင်းလဲရေး၊
ဒီမိုကရေစီနည်းလမ်းကျ ကွပ်ကဲ အုပ်ချုပ်မှုနှင့် တာဝန်ခံမှုရှိရေး၊ ကာကွယ်ရေးကဏ္ဍ ပြုပြင်ပြောင်းလဲရေး၊
ထောက်လှမ်းရေးနှင့် လုံခြုံရေး ၀န်ဆောင်မှု ကဏ္ဍ ပြုပြင်ပြောင်းလဲ ရေး၊ နယ်စပ်ဒေသ စီမံခန့်ခွဲမှုကဏ္ဍ
ပြုပြင်ပြောင်းလဲရေး၊ ရဲတပ်ဖွဲ့ပြုပြင် ပြောင်းလဲရေး၊ တရားရေးကဏ္ဍ ပြုပြင်ပြောင်းလဲရေးနှင့်
အကျဉ်းထောင်စနစ် ပြုပြင်ပြောင်းလဲရေးများ ပါဝင် ပါကြောင်း ဆွေးနွေးသည်။
ယမ်းငွေ့ဝေဆဲငြိမ်းချမ်းရေး အနေအထား
မွန်ဒေသလုံးဆိုင်ရာ ဒီမိုကရေစီပါတီမှ
နိုင်ချမ်းတွဲ့ က နိုင်ငံလုံးဆိုင်ရာ အပစ်အခတ်ရပ်စဲရေးစာချုပ်
NCA ကို ရှေ့ဆက်တိုးအောင် မလုပ်နိုင်သေးခြင်းနှင့် ယမ်းငွေ့ဝေဆဲငြိမ်းချမ်းရေး အနေအထားကာလ၌
ဖက်ဒရယ် ပြည်ထောင်စုကို စံကိုက် မော်ဒယ်လ်ပုံစံ စဉ်းစားရန်မှာလက်တွေ့မကျဟု ထင်မြင်မိပါကြောင်း၊
ယခင်သမ္မတ ဦးသိန်းစိန် အစိုးရလက်ထက်တွင် ကျင်းပသည့် ငြိမ်းချမ်းရေးညီလာခံတွင် တိုင်းရင်း
သားများ၏ အမြင်ကို တင်ပြမှတ်တမ်းတင်ထားပြီးဖြစ်ရာ ၄င်းကိုလည်း ထည့်သွင်း စဉ်းစားသင့်ကြောင်း၊
နိုင်ငံရေးဆွေးနွေးမှုဆိုင်ရာ မူဘောင်ကိုလည်း ပြန်လည်သုံးသပ် ရမည်ဆိုပါက မွန်ဒေသလုံးဆိုင်ရာ
ဒီမိုကရေစီပါတီအနေဖြင့် ယခင်ထက် ပိုမို ကျယ်ကျယ်ပြန့်ပြန့် ဖြစ်စေချင်ကြောင်း၊ အမျိုးသားအဆင့်
ဆွေးနွေးပွဲများလည်း ရှိလာမည်ဖြစ်ရာ အသိပညာပေး ဆန္ဒခံယူမှု ယခုထက် ပိုမို အရှိန်မြှင်တင်သင့်ပါ
ကြောင်း၊ အချိန်ယူခြင်းကို အဓိပ္ပာယ် ဖွင့်ဆိုရမည်ဆိုပါက အနှစ်သာရမပါသော ပြုပြင် ပြောင်းလဲမှုများဖြင့်
အချိန်ယူမည် (သို့မဟုတ်) ဖက်ဒရယ် ပြည်ထောင်စု တည်ဆောက်ရေး လမ်းပြမြေပုံတစ်ခုအတွင်း
အဆင့်လိုက်သွား၍ အချိန်ယူမည်ဆို သည်ကို စဉ်းစားဆုံးဖြတ်ရန်လိုကြောင်း၊ စံကိုက်ဖက်ဒရယ်ကို
မိမိတို့ရရှိမည်မဟုတ်ဘဲ အများညီလက်တွေ့ကျသည့် ဖက်ဒရယ်စနစ်ကိုသာ ရရှိမည်ဖြစ်ရာ ၄င်းကို
ဖွဲ့စည်းပုံ အခြေခံ ဥပဒေသစ် တစ်ခုရေးဆွဲရန် အခြေခံပြီး စဉ်းစားမည် (သို့မဟုတ်) လက်ရှိ ၂၀၀၈ ဖွဲ့စည်းပုံကိုပင် ဖက်ဒရယ်အသွင်
ပြောင်းလဲမည် စသည်တို့ကို အခြေခံကျကျ ပြတ်သားထားရန် လိုအပ်ကြောင်း ဆွေးနွေးသည်။
အောင်မြင်မှုရလဒ်
တိုင်းရင်းသားကိုယ်စားလှယ်အစုအဖွဲ့မှ
ဦးလှသာထွန်းက
ယနေ့ကျင်းပသည့် ညီလာခံကြီးသည် နိုင်ငံတော်နှင့် ပြည်သူများအတွက် အလွန်အရေးကြီးပါကြောင်း
ညီလာခံကြီးမှ ရရှိလာမည့်အဖြေများသည် ပြည်သူများ၏ ပစ္စုပ္ပန်နှင့် အနာဂတ်အတွက် ကောင်းမွေများ
အကျိုးကျေးဇူးကောင်းများ ပေးလာနိုင်သည်ဖြစ်သည့်အတွက် ကောင်းသောအဖြေများ ရလဒ်ကောင်းများရရှိရန်
ကြိုးပမ်းပေးရန်လိုအပ်ကြောင်း၊ အဖြေကောင်းများ၊ ရလဒ် ကောင်းများ ရရှိရန်အတွက် နိုင်ငံတော်၏
State Power Holders ခေါင်းဆောင်များ၊ နယ်ပယ်အသီးသီး၊
အဖွဲ့ အစည်းအသီးသီးတို့မှ တာဝန်ရှိသူ ခေါင်းဆောင်များ၏ စိတ်ရှည်သည်းခံပြီး နားလည်ခွင့်လွှတ်တတ်မှု
စေတနာနှင့် ပူးပေါင်းဆောင်ရွက်မှသာ အောင်မြင်မှုရလဒ်ကောင်းများကို အလွယ်တကူ ရရှိလာနိုင်
မည်ဖြစ်ကြောင်း၊ အဘက်ဘက်တွင် တာဝန်ရှိနေကြသည့် ခေါင်းဆောင်ကြီးများ အားလုံးအနေဖြင့်
စိတ်ရှည် ဇွဲသန်ပြီး သည်းခံခွင့်လွတ်မှုများနှင့် တစ်စိတ်တစ်ဝမ်းတည်း ပူးပေါင်းလျှောက်လှမ်းကြရန်
မေတ္တာရပ်ခံ တင်ပြအပ်ပါကြောင်း ဆွေးနွေးသည်။
စီးပွားရေး လွတ်လပ်ခွင့်
ပါဝင်သင့်ပါဝင်ထိုက်သူများအစုအဖွဲ့မှ
လွေးအေးနန်းက မြန်မာနိုင်ငံတွင် နိုင်ငံသားတိုင်းအတွက် စီးပွားရေး
လွတ်လပ်ခွင့်များ ရရှိရန်လိုအပ်ပါကြောင်း၊ စီးပွားရေး လွတ်လပ်ခွင့်၏ အခြေခံအကျဆုံး
အချက်မှာ မြေယာပိုင်ဆိုင်ခွင့်နှင့် ပစ္စည်းဥစ္စာ ပိုင်ဆိုင်ခွင့်တို့ ဖြစ်ပါကြောင်း၊
ပြည်ထောင်စုမြန်မာနိုင်ငံ တစ်ဝန်းလုံးရှိ တောင်သူ လယ်သမားများ၏ လယ်ယာလုပ်ငန်းခွင် တည်ငြိမ်အေးချမ်းရေးနှင့်
လူမှုဘ၀တိုးတက် မြင့်မားရေးတို့ အတွက် လက်တွေ့ကျသည့် မြေယာမူဝါဒများချမှတ်ပြီး တိုင်းရင်းသား
ဒေသများ၏ ရိုးရာဓလေ့ထုံးတမ်းများနှင့် သဟဇာတလိုက်လျော ညီထွေမှုဖြစ်သည့် လယ်ယာမြေဥပဒေသစ်တစ်ရပ်
ပြင်ဆင်ပြဌာန်းပေးရန် လိုအပ်ပါကြောင်း ဆွေးနွေး သည်။
စားပွဲဝိုင်းနိုင်ငံရေးယဉ်ကျေးမှု
ရှမ်းတိုင်းရင်းသားများဒီမိုကရက်တစ်ပါတီမှ
စိုင်းဘိုးအောင်က NCA စာချုပ်တွင် ပါရှိသည့် အခြေခံမူများကို
လေးစားလိုက်နားပြီး ၄င်း၏ ဦးတည်ချက် ရည်ရွယ်ချက် များကို တပ်မတော်အပါအ၀င် လက်နက်ကိုင်
အဖွဲ့အစည်းများက ပူးပေါင်းအကောင် အထည်ဖော်ခြင်း၊ လိုအပ်ချက်များ ထပ်မံဖြည့်စွက်မွမ်းမံခြင်း၊
လိုက်နာကျင့်သုံးခြင်း အားဖြင့် ပစ်ခတ်တိုက်ခိုက်မှုများ ရပ်စဲအောင် ဆောင်ရွက်နိုင်လိမ့်မည်ဟု
ယုံကြည်ပါ ကြောင်း၊ NCA လက်မှတ်မထိုးဖြစ်သေးသော အဖွဲ့အစည်းများသည်လည်း တိုက်ပွဲ အစား
စားပွဲဝိုင်း နိုင်ငံရေးယဉ်ကျေးမှုကို ပိုမိုအလေးပေးခြင်းအားဖြင့် နိုင်ငံတော်၏ အနာဂတ်
ငြိမ်းချမ်းရေးကို ပူးပေါင်း တည်ဆောက်မှုများ ဖြစ်လာမည်ဟု ယုံကြည်ပါကြောင်း၊ မည်သည့်ပါတီ
အဖွဲ့အစည်းမဆို မိမိတို့၏ သဘောထား လိုလားချက်ဖြစ်သည့် ဖြစ်သင့်ဖြစ်ထိုက်သည့် တင်ပြချက်များသည်
ယနေ့လက်ခံ ကျင့်သုံးနေသည့် တည်ဆဲ ၂၀၀၈ခုနှစ် နိုင်ငံတော်ဖွဲ့စည်းပုံအခြေခံဥပဒေနှင့်
ကွဲလွဲနေသမျှ လက်တွေ့ အကောင်အထည် ဖော်ဆောင်ရွက်ရန် ဖြစ်နိုင်ခြေအလွန်နည်းပါးကြောင်းကို
လက်တွေ့ လက်ခံကြရမည် ဖြစ်ပါကြောင်း ဆွေးနွေးသည်။
ကိုယ်ပိုင်ပြဌာန်းခွင့်
တိုင်းရင်းသားကိုယ်စားလှယ်အစုအဖွဲ့မှ
လာလ်မှားငိုက်ဇွာလ်အီ က ကိုယ်ပိုင်ပြဌာန်းခွင့်သည် မိမိတို့နိုင်ငံကဲ့သို့
လူမျိုးပေါင်းစုံ ရောနှောနေထိုင်သည့် တိုင်းပြည်များအတွက် အလွန်အရေးကြီးပါကြောင်း၊
အတွင်းရေးဆိုင်ရာ ကိုယ်ပိုင် ပြဌာန်း ခွင့်ရရှိသည့်လူမျိုးများအဖြစ် သတ်မှတ်ရာတွင်
တူညီသော သမိုင်းအစဉ် အလာရှိခြင်း၊ လူမျိုးရေးနှင့် အမျိုးသားရေး လက္ခဏာရှိခြင်း၊ တူညီသော
ယဉ်ကျေးမှု အမွေအနှစ်ရှိခြင်း၊ အခြေခံအရင်း အမြစ်ခြင်း တူညီသော ဘာသာစကားရှိခြင်း၊ ဘာသာရေး
(သို့မဟုတ်) အယူဝါဒတစ်ခုခုပေါ်တွင် တူညီသော ခံယူချက်ရှိခြင်း၊ တစ်ဆက်တည်းရှိသော နယ်နိမိတ်ရှိခြင်း၊
တူညီသော စီးပွားရေးဘ၀ကို အတူတကွ ဖန်တီး ရယူနိုင်ခြင်း (သို့) စီးပွားရေးအရ မှီခိုအားထားလောက်သော
အခြေအနေရှိနေ ခြင်းတို့ပင် ဖြစ်ပါကြောင်း ဆွေးနွေးသည်။
ပါဝါခွဲဝေမှု
ပါဝင်သင့်ပါဝင်ထိုက်သူများအစုအဖွဲ့မှ
နိုင်စိုးအောင် က ဖက်ဒရယ်ပြည်ထောင်စု စနစ်တွင် ပါဝါခွဲဝေမှုသည်
အလွန်အရေးကြီးပါကြောင်း၊ ပါဝါခွဲဝေမှုများကို လက်တွေ့ ကျင့်သုံးရာတွင် အခြေအနေ၊ အချိန်အခါထည့်သွင်း
စဉ်းစားရမည် ဖြစ်သည့်အတွက် အသုံးပြုနိုင်မည့် တစ်ခုတည်းသော သဏ္ဍာန်ဆိုသည်မှာ မရှိနိုင်ကြောင်း၊
ပါဝါခွဲဝေသည့် နိုင်ငံရေးအစီအမံများကို အကောင်အထည်ဖော်ဆောင်ရွက်ရာတွင် အရင်းအမြစ်များကို
တန်းတူညီမျှ ခွဲဝေအသုံးပြုခြင်း၊ တစ်ဖက်နှင့်တစ်ဖက် အနိုင်ယူရန် ဆန္ဒမရှိဘဲ ငြိမ်းချမ်းစွာ
အတူယှဉ်တွဲ နေထိုင်လိုသည့် နိုင်ငံရေးယဉ်ကျေးမှု ထွန်းကားခြင်းစသည့် အခြေအနေများ ရှိနေမည်ဆိုပါက
အောင်မြင်မှုနှုန်း မြင့်မားနိုင်ကြောင်း။
ပါဝါခွဲဝေသည့်
အစီအမံများချမှတ်ရာတွင် သက်ဆိုင်ရာလူမျိုးအလိုက် မျိုးနွယ်စုများ၏ အကျိုးစီးပွားများကို
ကာကွယ်စောင့်ရှောက်နိုင်ရန်အတွက် အားလုံး ပါဝင်မှုကို အလေးထားရန်လိုအပ်ကြောင်း၊ အောင်မြင်သော
ဒီမိုကရေစီဖက်ဒရယ် ပြည်ထောင်စုကြီး ပေါ်ထွက်လာရေးအတွက် (Multi - ethnic context)သည်
အလွန် အရေးကြီးကြောင်း၊ သို့ပါ၍ တိုင်းရင်းသားလူမျိုးပေါင်းစုံပါဝင်မှု အပေါ်တွင် အခြေခံ
သည့် ဒီမိုကရေစီ အသွင်ကူးပြောင်းရေးတစ်ရပ် အောင်မြင်စွာဖြစ်ပေါ်လာနိုင်ရေး အတွက် လိုအပ်သည့်
အခြေအနေများ ဖန်တီးခြင်း၊ ပဋိပက္ခဖြေရှင်းနိုင်သည့် နိုင်ငံရေး အစီအမံများ အကောင်အထည်ဖော်ခြင်းများ
လုပ်ဆောင်ရန် လိုအပ်ပါကြောင်း ဆွေးနွေးသည်။
ငြိမ်းချမ်းရေးဖော်ဆောင်နေသည့်ကာလ
စည်းလုံးညီညွှတ်ရေးနှင့် ဒီမိုကရေစီပါတီကချင်မှ
ဒေါက်တာကေရွယ်ဂျားက အနာဂါတ်တွင် ဆက်လက် ကျင်းပမည့် ငြိမ်းချမ်းရေး
ဖြစ်စဉ်များတွင် ဗဟိုမှအောက်ခြေ အထိ ဆုံးဖြတ်ချက်ချနိုင်သည့် နေရာများတွင် အမျိုးသမီးများပါဝင်နိုင်ရေးကို
အထူးအလေးထားဆောင်ရွက် ပေးနိုင်ပါရန်လည်း မိမိတို့အနေဖြင့် တိုက်တွန်း အပ်ပါကြောင်း၊
နောင်ကျင်းပမည့် ညီလာခံများတွင် NCA လက်မှတ်ထိုးထားသော အဖွဲ့များနှင့် မထိုးထားသော
အဖွဲ့များ၊ အနိုင်ရရှိထားသော နိုင်ငံရေးပါတီများ၊ အနိုင်မရရှိသော နိုင်ငံရေးပါတီများအားလုံး
ပါဝင်နိုင်ရေးနှင့် သဘောထားဆန္ဒများ ပါဝင်ဆွေးနွေး တင်ပြနိုင်ရန်လည်း ဖိတ်ခေါ်ပေးပါရန်
တိုက်တွန်း အပ်ပါကြောင်း၊ နိုင်ငံတော်မှ ငြိမ်းချမ်းရေး ဖော်ဆောင်နေသည့် ကာလတွင် အပစ်အခတ်ရပ်စဲထားပြီး
ဆွေးနွေးနိုင်လျှင် ယုံကြည်စိတ်ချမှု ပိုမိုရရှိနိုင်မည်ဖြစ်ပါကြောင်း ဆွေးနွေးသည်။
ပြည်ထောင်စုစနစ်
တိုင်းရင်းသားကိုယ်စားလှယ်အစုအဖွဲ့မှ
ဦးသန်းဇော်ဦး ဖက်ဒရယ်တည်ဆောက်
ရာတွင် တိုင်းရင်းသားများ၏ အခွင့်အရေးကို တိကျစွာပါဝင်နိုင်စေခြင်း၊
ထိုသို့ပါဝင်နိုင် စေရန် ယခုကတည်းက နိုင်ငံရေး ဆွေးနွေးပွဲများတွင် ပါဝင်နိုင်ရန် နေရာအတည်တကျ
မူဘောင်သတ်မှတ် ပေးရန်လိုအပ်ကြောင်း၊ နီးစပ်ရာ ဆွဲခေါ်ပြီး ဆွေးနွေးပွဲများ တက်ရောက်စေခြင်းထက်
တိုင်းရင်းသားများ၏ တကယ့်ကိုယ်စားပြုသည့် ခေါင်းဆောင်များကို ဖိတ်ခေါ်ရန် အမျိုးသားရင်ကြားစေ့ရေးနှင့်
ငြိမ်းချမ်းရေးကော်မတီ သို့ တင်ပြလိုပါကြောင်း၊ အမျိုးသားနယ်မြေများကို နိုင်ငံရေး
ခေါင်းဆောင်များ၏ သဘောထားတစ်ခုတည်းဖြင့် မဆုံးဖြတ်ဘဲ တိုင်းရင်းသား အများစု၏ သဘောဆန္ဒဖြင့်
ဆောင်ရွက်ရန်လိုအပ်ပြီး ပြည်ထောင်စုစနစ်ကို မှန်ကန်စွာ အကောင်အထည်ဖော် ဆောင်ရွက်ရန်
လိုအပ်ကြောင်း ဆွေးနွေးသည်။
အာခါလူမျိုးသည် ဌာနေတိုင်းရင်းသားများဖြစ်
အာခါအမျိုးသားဖွံ့ဖြိုးတိုးတက်ရေးပါတီမှ
ဦးမားကိုစ့် က
မိမိတို့ အာခါလူမျိုးသည် ဌာနေတိုင်းရင်းသားများ ဖြစ်သည့်အလျှောက် မိမိတို့၏ အမျိုးသားလက္ခဏာကို
ထိန်းသိမ်းလိုကြောင်း၊ ဖက်ဒရယ်ဒီမိုကရေစီစနစ် ဖော်ဆောင်ရာတွင် မိမိတို့ အာခါ လူမျိုးများသည့်
ကိုယ်ပိုင်အုပ်ချုပ်ခွင့်ရဒေသနှင့် ပြန့်ကျဲနေထိုင်လျက်ရှိသည့် အာခါ လူမျိုးများ၏ အခွင့်အရေးများ
ကာကွယ်နိုင်ရန် ပြည်ထောင်စုအဆင့်၊ ပြည်နယ်အဆင့် များတွင် ဥပဒေပြုရေးနှင့် အုပ်ချုပ်ရေးများတွင်
ပါဝင်နိုင်ရေးသည် အာခါလူမျိုးများ၏ ဆန္ဒဖြစ်ကြောင်း ဆွေးနွေးသည်။
ပြောင်းလဲကျင့်သုံး
ကချင်အမျိုးသားကွန်ကရက်ပါတီမှ ဦးစီစီနော်ဂျာ
က ထိုးစစ်ဆင်မှုများအားလုံး ကို စွန့်လွှတ်ပြီး တိုင်းရင်းသား
ညီအစ်ကိုအချင်းချင်း Dialogue Culture ဟု ခေါ်သည့် စားပွဲဝိုင်းဆွေးနွေးပွဲ ဒီမိုကရေစီ
ကျင့်စဉ်ကို ပြောင်းလဲကျင့်သုံးရန် လိုအပ်ပါကြောင်း၊ နောင်လာမည့် နိုင်ငံရေး ဆွေးနွေးပွဲများတွင်လည်း
အားလုံးစုံစုံညီညီ ပါဝင်ခွင့်ရအောင် စစ်မီးအကြွင်းအကျန်များကို ချန်မထားရန် မေတ္တာရပ်ခံပါကြောင်း၊
နိုင်ငံရေးနှင့်လုံခြုံရေး အတွက် ပြည်ထောင်စုအခွင့်အရေး၊ တိုင်းရင်းသားအခွင့်အရေး၊
ပြည်နယ်အခွင့်အရေး များပါဝင် လာအောင် ဖွဲ့စည်းပုံတွင် ပြင်ဆင်ရေးဆွဲသင့်ပါကြောင်း၊
တပ်မတော်ထဲတွင် တိုင်းရင်းသားများ ခန့်အပ်ပေးနိုင်ရန်နှင့် ကာကွယ်ရေးဦးစီးချုပ်ကိုလည်း
တိုင်းရင်းသား များ အလှည့်ကျ ခန့်အပ်ပေးနိုင်ရန်တောင်းဆိုပါကြောင်း၊ ထိုမှသာ တိုင်းရင်းသား
အားလုံးက လေးစားသည့် တပ်မတော်ဖြစ်လာမည်ဖြစ်ကြောင်း ပြည်ထောင်စုငြိမ်းချမ်း ရေး ညီလာခံ(၂၁)ရာစု
ပင်လုံသည် တိုင်းရင်းသားများအတွက် နိုင်ငံရေးလမ်းပြ မြေပုံဖြစ်ပါ ကြောင်း ဆွေးနွေးသည်။
ထို့နောက်
သဘာပတိ ဦးသုဝေက နိဂုံးချုပ်အမှားစကားပြောကြားပြီး ပြည်ထောင်စု ငြိမ်းချမ်းရေးညီလာခံ(၂၁)
ရာစု ပင်လုံ တတိယနေ့ မွန်းလွဲပိုင်း အစီအစဉ် များအား ရပ်နားသည်။
No comments:
Post a Comment