တစ်နိုင်ငံလုံးပစ်ခက်တိုက်မှု ရပ်စဲရေးဆိုင်ရာ (NCA) စာချုပ် လက်မှတ်ရေးထိုးထား ခြင်းမပြုရသေးသည့် တိုင်းရင်းသား လက်နက်ကိုင်အဖွဲ့အစည်းများနှင့် နိုင်ငံတော် ၏ အတိုင်ပင်ခံ ပုဂ္ဂိုလ်တို့တွေ့ဆုံမည်

ရန်ကုန် ဇူလိုင် ၁

ကချင်ပြည်နယ် မိုင်ဂျာယန်တွင်ပြုလုပ်မည့် တိုင်းရင်းသားလက်နက်ကိုင် အဖွဲ့အစည်းများအားလုံး ပါဝင်သည့် ညီလာခံမတိုင်မီ တစ်နိုင်ငံလုံး ပစ်ခတ်တိုက်မှု ရပ်စဲရေးဆိုင်ရာ (NCA)စာချုပ် လက်မှတ်ရေးထိုး ထားခြင်း မရှိသေးသည့် တိုင်းရင်းသား လက်နက်ကိုင်အဖွဲ့အစည်းများနှင့် နိုင်ငံတော်၏အတိုင်ပင်ခံပုဂ္ဂိုလ်တို့ တွေ့ဆုံ

သွားမည် ဖြစ်ကြောင်း ပြည်ထောင်စုငြိမ်းချမ်းရေးညီလာခံ (၂၁)ရာစုပင်လုံ အကြိုပြင်ဆင်ရေးကော်မတီ နှင့် UNFC က ဖွဲ့စည်းထားသည့် နိုင်ငံရေးဆိုင်ရာညှိနှိုင်းဆွေးနွေးရေး ကိုယ်စားလှယ်အဖွဲ့ (Delegation for Political Negotiation – DPN) တို့တွေ့ဆုံသည့် အစည်းအဝေးမှ သိရသည်။

ပြည်ထောင်စုငြိမ်းချမ်းရေးညီလာခံ (၂၁)ရာစုပင်လုံ အကြိုပြင်ဆင်ရေးကော်မတီနှင့် UNFC က ဖွဲ့စည်းထားသည့် နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့ (Delegation for Political Negotiation – DPN) တို့သည့် ပြည်ထောင်စုငြိမ်းချမ်းရေးညီလာခံ-(၂၁)ရာစုပင်လုံတွင် (NCA)လက်မှတ်ထိုး မထားသည့် တိုင်းရင်းသားလက်နက်ကိုင်အဖွဲ့များ ပါဝင်လာနိုင်ရေးအတွက် ယနေ့နံနက် ၁၀ နာရီက ရန်ကုန်မြို့ ရွှေလီလမ်းရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) ရန်ကုန်ရုံးခွဲ တွင်တွေ့ဆုံဆွေးနွေးကြသည်။

ဆွေးနွေးပွဲမစတင်မီ ပြည်ထောင်စုငြိမ်းချမ်းရေးညီလာခံ (၂၁)ရာစုပင်လုံ အကြိုပြင်ဆင်ရေးကော်မတီ ဥက္ကဋ္ဌ ဒေါက်တာတင်မျိုးဝင်းနှင့် နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့(DPN) အဖွဲ့ ခေါင်းဆောင် ခူးဦးရယ်တို့ အဖွင့်အမှာစကားပြောကြားသည်။

ဒေါက်​တာတင်​မျိုးဝင်းက ​ရှေ့ဆက်​လုပ်​​ဆောင်​သွားမည့်​ ငြိမ်းချမ်း​ရေးဖြစ်​စဉ်​သည်​ တိုင်းပြည်​နှင့် လူမျိုးအတွက်​ များစွာအကျိုးရှိမည့်​အလုပ်​တစ်​ခုဖြစ်​​ကြောင်း ငြိမ်းချမ်း​ရေးဖြစ်​စဉ်​သည်​ တစ်​ဦးတစ်​​ယောက်​တည်းကိစ္စမဟုတ်​ဘဲ အများနှင့်​သက်​ဆိုင်​​သော ဘုံရည်​မှန်းချက်​တစ်​ခုဖြစ်​​ကြောင်း၊ မိမိတို့​​ကော်​မတီအနေဖြင့်​ တိုင်းရင်းသား​ခေါင်း​ဆောင်​များနှင့်​ ​တွေ့ဆုံမှုအ​ပေါ်  နိုင်​ငံ​တော်​၏အတိုင်​ပင်​ခံပုဂ္ဂိုလ်​ ​ဒေါ်အောင်ဆန်းစုကြည်​က အဖွဲ့လိုက်​ ​ခေါင်း​ဆောင်​တစ်​ဦးတစ်​​ယောက်​ချင်းစီ​အလိုက်​ စိတ်​၀င်​တစား​မေးမြန်း​ကြောင်း၊ ငြိမ်းချမ်း​ရေးရရှိပြီး ဖယ်​ဒရယ်​ပြည်​​ထောင်​စုကြီးတစ်​ရပ်​​ပေါ်လာရေးအတွက်​ တိုင်းရင်းသား​များနှင့် အစိုးရအကြား လိုလားချက်​၊ လိုအပ်​ချက်​နှင့်​ အခြားကိစ္စရပ်​များအား  အစိုးရအနေဖြင့်​ ရယူဖို့ထက်​ ​ပေးဆပ်မှုများဖြင့်​ ညှိနှိုင်း​သွားမည်​ဖြစ်ပြီး ယ​နေ့​တွေ့ဆုံ​ဆွေး​နွေးမှုများသည် ငြိမ်းချမ်း​ရေးဖြစ်​စဉ်​အတွက်​ အ​ရေးပါ​ကြောင်း၊ ယခုကဲ့သို့ ညီရင်းအကိုပမာ  ​တွေ့ဆုံဆွေး​နွေးမှုများ​မှ ပြဿနာကိုအ​ကောင်းဆုံးအ​ဖြေရှာလျှင်​ ငြိမ်းချမ်း​ရေးသည်​မ​ဝေး​တော့​ပါကြောင်း​ ပြောကြားသည်​။

ခူးဦးရယ်က မိမိတို့အဖွဲ့အ​နေဖြင့် ငြိမ်းချမ်း​​ရေးညီလာခံနှင့်​ပတ်​သက်​​သည့် အ​ကြောင်းအရာများနှင့် သိလိုသည်​များကို စာဖြင့်​တင်​သွင်း​မေးမြန်းမှုအ​ပေါ် ပြန်လည်​ရှင်းလင်း​ဆွေး​နွေး​ပေး​စေလို​ကြောင်း၊ မိမိ​တို့ တိုင်းရင်းသားအဖွဲ့များအ​နေဖြင့်​ ငြိမ်းချမ်း​ရေးရရှိရေးနှင့်​ ဖယ်​ဒရယ်​ပြည်​​ထောငိစု တည်​​ဆောက်​​ရေးသည်​ အဓိကအ​ခြေခံအချက်ဖြစ်​​ကြောင်း၊ တိုင်းပြည်​ကိုအတူတကွပိုင်​ဆိုင်ခဲ့ကြ​ပြီး အတူတကွတည်​​ဆောက်​ခဲ့ကြ​ကြောင်း၊ တိုင်းပြည်​ငြိမ်းချမ်း​ရေးရရှိရေး တပ်​မ​တော်​နှင့်​ ပူး​ပေါင်းပါဝင်​တည်​​ဆောက်​သွားရန် မိမိတို့နားလည် ထားကြောင်း၊ NCA လက်​မှတ်​မထိုးရ​သေး​သည့် တိုင်းရင်းသားလက်​နက်​ကိုင်​အဖွဲ့များ အနေဖြင့်​ ယခုသွား​နေ​သော ငြိမ်းချမ်း​ရေးဖြစ်​စဉ်​ကို လက်​ခံထားသည့်​အတွက်​ အနာဂတ်​ကာလတွင်​ ငြိမ်းချမ်း​ရေးရရှိရန်နှင့် ဖယ်ဒရယ်​ပြည်​ထောင်စုကြီးတစ်​ရပ်​ ​ပေါ်​ပေါက်​လာ​စေရေး တစ်​ဖက်​နှင့်​တစ်​ဖက်​ ​စေတနာထားကာ ညီရင်းအကိုပမာ ​ဆွေး​နွေးညှိနှိုင်းသွားမည်​ဖြစ်​​ကြောင်း ပြောကြားသည်။

ဆွေးနွေးပွဲအပြီးတွင် နိုင်ငံတော်အစိုးရ၏ ပြည်ထောင်စုငြိမ်းချမ်းရေးညီလာခံ-(၂၁) ရာစုပင်လုံ အကြို ပြင်ဆင်ရေးကော်မတီအတွင်းရေးမှူး ဦးလှမောင်ရွှေနှင့် နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ အဖွဲ့ (DPN) အဖွဲ့ခေါင်းဆောင် ခူးဦးရယ်တို့က ပြည်တွင်းနှင့်ပြည်ပအခြေစိုက် သတင်း မီဒီယာများ၏ မေးမြန်း ချက်များကို ဖြေကြားခဲ့သည်။

ဦးလှမောင်ရွှေက " UNFC ဥက္ကဌနဲ့တွေ့ဆုံဖို့ ဒေါ်အောင်ဆန်းစုကြည်ကလည်း ကြိုဆိုတယ်။ ရက် ကတော့ နှစ်ဘက်ခေါင်းဆောင်တွေ အဆင်ပြေမယ့်ရက်ကို ညှိနှိုင်းဖို့ပဲလိုပါတယ်။ အကြမ်းဖျင်းအားဖြင့်တော့ လလယ် ပိုင်းမှာတွေ့ဖို့မူအားဖြင့်တော့ သဘောတူပါတယ်။ နှစ်ဘက်ခေါင်းဆောင်တွေ တွေ့မယ်ဆိုတာကို နှစ်ဘက် လုံးက သဘောတူပါတယ်။ ရန်ကုန်မှာတွေ့ဖို့လည်း နှစ်ဘက်ခေါင်းဆောင်တွေက မူအားဖြင့်သဘော တူပါတယ်”ဟု ပြောသည်။

တိုင်းရင်းသားလက်နက်ကိုင် အဖွဲ့အစည်းများအနေဖြင့် ပြည်ထောင်စုငြိမ်းချမ်းရေးညီလာခံ ၂၁ ရာစု ပင်လုံမစတင်မီ ကချင်ပြည်နယ် မိုင်ဂျာယန်တွင် တိုင်းရင်းသားညီလာခံတစ်ခုပြုလုပ်လိုပြီး အစိုးရအနေဖြင့် တရားဝင်ညွှန်ကြားချက် ထုတ်ပေးရန် ပြည်ထောင်စုငြိမ်းချမ်းရေးညီလာခံ-(၂၁) ရာစုပင်လုံ အကြိုပြင်ဆင်ရေး ကော်မတီအနေဖြင့် သဘောတူညီခဲ့ကြောင်း အဆိုပါအစည်းအဝေးမှ သိရသည်။

ခူဦးရယ်က "ကျနော်တို့ မကြာခင်တုန်းက ထိုင်းနိုင်ငံ၊ ချင်းမိုင်မြို့မှာ ဒေါက်တာတင်မျိုးဝင်း ခေါင်းဆောင်တဲ့ ကိုယ်စားလှယ်အဖွဲ့ လာရောက်တုန်းက ကျနော်တို့ UNFC က ခေါင်းဆောင်တွေရဲ့ မေတ္တာရပ် ခံချက်အရ နိုင်ငံတော်၏အတိုင်ပင်ခံပုဂ္ဂိုလ်နဲ့ ကျနော်တို့ဘက်ကခေါင်းဆောင်တွေ တွေ့ဆုံနိုင်မယ့် ကိစ္စရပ်တွေ လည်း ပါဝင်ပါတယ်။ ဒါကြောင့် ဒီခရီးစဉ်မှာလည်းဘဲ ကျနော်တို့ဘက်ကခေါင်းဆောင်တွေ နိုင်ငံတော်၏ အတိုင်ပင်ခံပုဂ္ဂိုလ်နဲ့ ရန်ကုန်မှာ တွေ့ဆုံဆွေးနွေးနိုင်ဘို့အတွက်လည်း လာရောက် ညှိနှိုင်းတဲ့ အထဲမှာ ကိစ္စရပ်တစ်ခုအနေနဲ့ပါပါတယ်။ နောက်ကျွန်တော်တို့ တိုင်းရင်းသားလက်နက်ကိုင်အဖွဲ့အစည်းတွေအနေနဲ့ ၂၁ ရာစု ပင်လုံညီလာခံ ကျင်းပမယ့်ဆိုရင် ကျွန်တော်တို့ဘက်က ဘယ်လို ပူပေါင်းပါဝင်နိုင်မလဲဆိုတဲ့ အခြေခံ ကိစ္စရပ်တွေကို ကျွန်တော်တို့ဘက်က တိတိကျကျ ပြင်ဆင်နိုင်ဖို့အတွက် တိုင်းရင်းသားညီလာခံလုပ်ဖို့ကိစ္စကို အကြမ်းဖျင်းစဉ်စားကြတာဖြစ်ပါတယ်။  ဒီညီလာခံကျင်းပ နိုင်ဖို့အတွက်လည်း အစိုးရကိုမေတ္တာရပ်ခံပြီး တရားဝင်ခွင်ပြုချက်ရယူမှာ ဖြစ်ပါတယ်"  ဟုပြောသည်။

ယနေ့ဆွေးနွေးသည့် ဆွေးမှုများနှင့်ပတ်သက် ပြည်ထောင်စုငြိမ်းချမ်းရေးညီလာခံ (၂၁)ရာစုပင်လုံ အကြိုပြင်ဆင်ရေးကော်မတီအဖွဲ့ဝင် ဒေါ်ဒွဲဘူက" အားလုံးပါဝင်ရေးမူကို တိုင်းရင်းသားတွေဘက်က တိတိ ကျကျ ပြန်ရှင်းပေးစေချင်တယ်။ နိုင်ငံရေးဆွေးနွေးမှုဆိုင်ရာ မူဘောင်တွေကို သူတို့က ၂၁ ရာစု ပင်လုံညီလာခံမတိုင်ခင် ပြန်လည်သုံးသပ်ချင်တယ်။ ဒါမှ ၂၁ ရာစု ပင်လုံမှာ အားလုံးပါဝင်ပြီး အတူတူ ဆွေးနွေးနိုင်ဖို့၊ တရားဝင်ဖြစ်နိုင်ဖို့ကိုမေးမြန်းတယ်။ နောက်  ၂၁ ရာစုပင်လုံဆိုတဲ့ သဘောသဘာဝနဲ့ ရည်ရွယ်ချက်ကို သူတို့သိချင်တယ်။ သူတို့ခွင့်တောင်းတာက ၂၁ ရာစုပင်လုံ ညီလာခံမလုပ်ခင် မိုင်ဂျာယန်မှာ တိုင်းရင်းသားလက်နက်ကိုင်အဖွဲ့တွေအားလုံးပါဝင်တွေ့ဆုံပြီး တိုင်းရင်းသား ညီလာခံလုပ်မယ်။ မတွေ့ခင် တိုင်ရင်းသားခေါင်းဆောင်တွေက နိုင်ငံတော်အတိုင်ပင်ခံပုဂ္ဂိုလ်နဲ့ တွေ့ဖို့ရက်ညှိတယ်။ လက်မှတ်ထိုးတဲ့သူနဲ့ မထိုးတဲ့သူ တွေတွေ့ဆုံရေး အဆင်မပြေစရာမရှိဘူး" ဟုဖြေကြားသည်။

ယနေ့ ပြုလုပ်သည့်ဆွေးနွေးပွဲသို့ ပြည်ထောင်စုငြိမ်းချမ်းရေးညီလာခံ (၂၁)ရာစုပင်လုံ အကြိုပြင်ဆင် ရေးကော်မတီမှ ဒေါက်တာတင်မျိုးဝင်း၊ ဦးသိန်းဇော်၊ ဒုတိယဗိုလ်ချုပ်ကြီးခင်ဇော်ဦး(ငြိမ်း)၊ ဦးနိုင်ငံလင်း၊ ဦးခက်ထိန်နန်၊ ဒေါ်ဒွဲဘူ၊ ဦးမိုးဇော်ဦး၊ ဦးလှမောင်ရွှေ၊ ဦးကျော်လင်းဦးတို့တက်ရောက်ပြီး UNFC က ဖွဲ့စည်းထားသည့် နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့ (Delegation for Political Negotiation–DPN)မှ ခူးဦးရယ်၊ ဦးစိုင်းထူး (SSPP)၊ ဒေါက်တာနိုင်ရွှေသိန်း(NMSP)၊ ဦးဆော်လမွန် (LDU)၊ ဦးမင်းထွန်း(ANC)၊ တာ့ညီလူ ( WNO )၊ နိုင်ဗညားမွန်နှင့် ဦးဆန်အောင်တို့ တက်ရောက်ဆွေးနွေးသည်။

သတင်းရဲခေါင်ညွန့်၊ ဓါတ်ပုံ ဖိုးထောင်