ပြည်သူ့စာကြည့်တိုက်များ

မြတ်စန်းငြိမ်း

ပြည်သူ့စာကြည့်တိုက်များဟာ ပြည်သူတွေရဲ့ ပညာရေးနဲ့ အသိပညာ တိုးတက်ဖွံ့ဖြိုးစေတဲ့နေရာ၊ အစိုးရရဲ့လုပ်ဆောင် ချက်၊ စီမံကိန်းတွေကို ပြည်သူလူထုသိအောင် ပြန်ကြား ဖြန့်ဖြူးတဲ့နေရာ၊ သတင်းအချက်အလက်များ လက်လှမ်းမီ၊ အချိန်နဲ့တစ်ပြေးညီရရှိနိုင်တဲ့နေရာ (Access to Know- ledge and Information)တစ်ခုဖြစ်ပါတယ်။

ယခုအခါမှာ ပြည်သူ့စာကြည့်တိုက်တွေကို စာဖတ်သူ တိုင်းအတွက် တန်ဖိုးရှိတဲ့နေရာဖြစ်အောင် အားလုံးကဖန်တီး နေကြတယ်၊ ကြိုးစားနေကြတယ်၊ အဆင့်မြှင့်တင်နေကြပါ တယ်။

ပြည်သူ့စာကြည့်တိုက်တွေဟာ အစိုးရရဲ့ ရရှိလာခဲ့သော အခွန်ငွေများမှ ရန်ပုံငွေ၊ ဘဏ္ဍာငွေလုံလောက်စွာရရှိခြင်း၊ စာကြည့်တိုက်ကြီးကြပ်ကွပ်ကဲရေးအဖွဲ့က စီမံကွပ်ကဲပြီး စာဖတ်သူပြည်သူတွေကို ဝန်ဆောင်မှုပေးခြင်း၊ ပြည်သူတွေ အတွက် အမြဲတမ်းတံခါးဖွင့်၊ နွေးထွေးစွာ ကြိုဆိုခြင်း၊ ပြည်သူ အားလုံးကလည်း နည်းပညာ၊ သတင်းအချက်အလက်တွေကို ရရှိ အသုံးပြုနိုင်ခြင်း၊ အခကြေးငွေမလိုဘဲ ဝန်ဆောင်မှု အားလုံးကို ရယူနိုင်ခြင်းတို့ဟာ အခြေခံအချက်များဖြစ်ပါ တယ်။

မြန်မာနိုင်ငံရဲ့ ပြည်သူ့စာကြည့်တိုက်တွေဟာ တကယ့် ဘဝနဲ့နီးစပ်တဲ့နေရာတွေမှာ ရှိနေကြပါတယ်။ စံပြစာကြည့် တိုက်တွေဖြစ်အောင်လည်း ကြိုးစားနေကြပါတယ်။ ပြန်ကြား ရေးနှင့် ပြည်သူ့ဆက်ဆံရေးဦးစီးဌာနရဲ့ စာကြည့်တိုက်တွေဟာ ၂ဝ၁၁ ခုနှစ်မှာ ပြည်သူ့စာကြည့်တိုက်အမည်နဲ့ ခရိုင်၊ မြို့နယ်များမှာ စာကြည့်တိုက်လုပ်ငန်းတွေ၊ စာကြည့်တိုက် လှုပ်ရှားမှုတွေကို (Service for everyone) လူတိုင်း လူတိုင်းအတွက် ဝန်ဆောင်မှုအသစ်တွေပေးနေကြတာ ‘ဒီနေ့ဒီအချိန်ထိပါပဲ၊ ဆက်လက် တိုးတက်အောင်လည်း ဆောင်ရွက်နေကြပါတယ်။

နိုင်ငံတကာမှာ ပြည်သူ့စာကြည့်တိုက်တွေကတစ်ဆင့် ဆေးရုံ၊ ထောင်၊ မီးပြတိုက်တွေကို စာအုပ်စာတမ်းရောက်ရှိ အောင် ပေးပို့လှူဒါန်းနေကြပါတယ်။ (၂၁) ရာစု ပြည်သူ့ စာကြည့်တိုက်တွေဟာ အိပ်ရာကမထနိုင်တဲ့ သက်ကြီးရွယ် အိုတွေအတွက် စာအုပ်တွေ၊ မျက်မမြင်အတွက် အသံထွက် စာအုပ်တွေ၊Braille ဟုခေါ်တဲ့ လက်နဲ့ စမ်းဖတ်ရတဲ့ လက်ဖတ်စာတွေ၊ မျက်စိအမြင် အားနည်းသူတွေအတွက် စာလုံးကြီးကြီးနဲ့ စာအုပ်တွေကို ပြည်သူ့စာကြည့်တိုက်တွေမှာ စီစဉ်ထားရှိပေးနေကြပါပြီ။

MBAPF (Myanmar Book Aid and Preservation Foundation) အဖွဲ့နဲ့ နိုင်ငံတကာ အဖွဲ့အစည်းတစ်ခုဖြစ်တဲ့ IREX (International Research and Exchanges)အဖွဲ့တို့ အောင်မြင်စွာ ပူးပေါင်းဆောင်ရွက်နေတဲ့ Beyond Access Myanmar Project က မြန်မာနိုင်ငံရှိ စာကြည့်တိုက်ပေါင်း ၉ဝ ကျော်နဲ့ လက်တွဲပြီး စာကြည့်တိုက်များ ဖွံ့ဖြိုးတိုးတက်စေရေး၊ Tablet များပံ့ပိုးကာ နည်းပညာအခြေခံပြီး စာကြည့်တိုက်များ နိုင်ငံတကာနှင့်ရင်ပေါင်တန်းနိုင်ရေး၊ ဝန်ဆောင်မှုအသစ် တွေ တိုးချဲ့လုပ်ဆောင်နိုင်ခြင်းတို့အတွက် စာကြည့်တိုက် သင်တန်းတွေဖွင့်လှစ်ပြီး စဉ်ဆက်မပြတ် ပူးပေါင်းဆောင်ရွက် လျက်ရှိပါတယ်။ ဆက်လက်ပြီးလည်း ပြည်သူ့စာကြည့်တိုက်နဲ့ ရပ်ရွာအခြေပြုစာကြည့်တိုက်ပေါင်း ၁၅ဝအထိ တိုးချဲ့ပူးပေါင်း ဆောင်ရွက်ဖို့ ရည်မှန်းထားပါတယ်။ အခုလက်ရှိ ပူးပေါင်း ဆောင်ရွက်နေတဲ့ စာကြည့်တိုက်အမျိုးအစားတွေကတော့ ပြန်/ဆက်ပြည်သူ့စာကြည့်တိုက်တွေ၊ လူမှုအခြေပြု/ ရပ်ရွာ အခြေပြုစာကြည့်တိုက်များ၊ ကျေးရွာစာကြည့်တိုက် ဘုန်းတော် ကြီးသင်ပညာရေးကျောင်းစာကြည့်တိုက်၊ အသင်းအဖွဲ့ စာကြည့် တိုက်တို့ဖြစ်ပါတယ်။

စာကြည့်တိုက်တွေဟာ အရင်ကထက်ပိုလို့အလုပ်များ လာကြတာဟာ နိုင်ငံအတွက်ကောင်းသော လက္ခဏာတစ်ရပ် ဖြစ်ပါတယ်။

ပြည်သူ့စာကြည့်တိုက်များကို မည်သူပိုင်သလဲ
စာကြည့်တိုက်တွေကို စာကြည့်တိုက်မှူးတွေ မပိုင်ပါဘူး၊ စာကြည့်တိုက်မှူးတွေက စာကြည့်တိုက်ကို ထိန်းသိမ်းစောင့် ရှောက်ပြီး စာကြည့်တိုက်လုပ်ငန်းဖွံ့ဖြိုးတိုးတက်အောင် ဆောင် ရွက်နေသူတွေဖြစ်ပါတယ်။ စာကြည့်တိုက်ကို စာဖတ် သူ ကလေးလူငယ်လူကြီးအားလုံးက ပိုင်ပါတယ်။ အထူးသဖြင့် ပြည်သူ့စာကြည့်တိုက်ကို ပြည်သူသာပိုင်ပြီး စာကြည့်တိုက်ဖွံ့ဖြိုး တိုးတက်ဖို့ ပြည်သူတွေ ပါဝင်ကူညီဖို့လိုတယ်ဆိုတာ သိအောင် လုပ်ဖို့လည်း စာကြည့်တိုက်မှူးမှာ တာဝန်ရှိလာပြန်ပါတယ်။ ဒီနေရာမှာ စာကြည့်တိုက်ရဲ့ တည်နေရာ၊ ဝန်ဆောင်မှု၊ ရရှိနိုင်တဲ့ စာအုပ်၊ စာနယ်ဇင်းတွေကို လူသိ အောင်လုပ်ရမယ့် Library Marketing ညာရပ်ကို စာကြည့်တိုက်မှူးတွေ စတင်လေ့လာ နေကြရပြီဖြစ်ပါတယ်။

ပြည်သူ့စာကြည့်တိုက်တစ်ခုမှာ တိတ်ဆိတ်စွာ စာဖတ်နိုင် တဲ့ စာဖတ်ခန်းရှိဖို့လိုသလို အခုခေတ်မှာ ဆွေးနွေးနိုင်တဲ့ ဘက်စုံသုံး လို့ရတဲ့ စာဖတ်ခန်း၊ စာသင်ခန်း၊ အစည်းအဝေးခန်း၊ အခမ်းအနားများအတွက် လုံလောက်တဲ့ အကျယ်အဝန်းရှိတဲ့ အခန်း စသဖြင့် တစ်နေ့တည်းမှာ ရည်ရွယ်ချက် အမျိုးမျိုးနဲ့သုံးလို့ ရတဲ့ စာကြည့်တိုက်အခန်းတစ်ခုလည်း လိုအပ်လာပါပြီ။ စာဖတ်သူတို့ အကျိုးရှိစေမယ့် ဆန်းသစ်တီထွင်ထားသော အစီအစဉ်တွေ၊ စာကြည့်တိုက်အသုံးပြုပုံပြုနည်း၊ စာအုပ်ပြပွဲ၊ ကလေးများအတွက် ပုံပြောအစီအစဉ်၊ စာအုပ်ခေါက်နည်း၊ ဆေးရောင်ခြယ် နည်း၊ ကဗျာရွတ်ဆိုခြင်း၊ ကဗျာရေးစပ်ခြင်း စတဲ့အစီအစဉ်တွေ လုပ်နိုင်သလို၊ လူကြီးလူငယ်များအတွက် Book Club စာဖတ်အသင်း၊ Youth Forum၊ စာအုပ် လှူဒါန်းပွဲ၊ ကျပန်းစကားပြောပြိုင်ပွဲ၊ စာစီစာကုံးပြိုင်ပွဲ၊ ကဗျာ ပြိုင်ပွဲ၊ အကောင်းဆုံးစာကြည့်တိုက်”ဓာတ်ပုံနေ့၊ လျှပ်တစ်ပြက် နေ့ (Snapshot Day: A day in the library) စသဖြင့် လစဉ် အပတ်စဉ်လုပ်နိုင်တဲ့ အစီအစဉ်တွေကို ပုံမှန်လုပ်နိုင်တဲ့ နေရာတစ်ခု ဖန်တီး ပေးဖို့လိုပါတယ်။

ပြည်သူ့စာကြည့်တိုက်တစ်ခုရဲ့ အဓိကလက္ခဏာဖြစ်တဲ့ (Welcoming Environment) နွေးထွေးပျူငှာသော ပတ်ဝန်းကျင်ဖြစ်စေရမယ်ဆိုတဲ့ အချက်နဲ့အညီ စာကြည့်တိုက်ကို လာချင်စိတ်ရှိအောင် ဖန်တီးထားမယ်၊ လာပြီးရင်လည်း သက်သောင့်သက်သာနဲ့ စာဖတ်သူတွေ စိတ်အေးချမ်းသာစွာ ဖတ်ရှုနိုင်ဖို့ ခေတ်မီ စာအုပ်စာတမ်းတွေ၊ ပရိဘောဂအသစ်တွေနဲ့ ဆွဲဆောင်မှုရှိတဲ့ အခင်းအကျင်းကို ဖန်တီးထားဖို့ လိုအပ်ပါ တယ်။

ပြန်ကြားရေးနှင့် ပြည်သူ့ဆက်ဆံရေးဦးစီးဌာန ပြည်သူ့ စာကြည့်တိုက်တွေရဲ့ အားသာချက်က ၎င်းတို့ရဲ့ တည်နေရာဟာ လူထုကြားထဲမှာ ရှိနေပါတယ်။ မြို့နယ်၊ ခရိုင်တွေရဲ့ စာကြည့်တိုက် အဆောက်အုံအချို့ဟာ ဆင်တူဖြစ်ပြီး အခြေခံအဆောက်အအုံ ခိုင်မာပြီးသားဖြစ်လို့ ပြန်လည်မွမ်းမံပြီး ခေတ်မီတဲ့ ပြည်သူ့ စာကြည့်တိုက်များအသွင်သို့ ပြောင်းလဲဖို့လိုအပ်ပါတယ်။

ခေတ်နဲ့အညီလှပတဲ့ ပြည်သူ့စာကြည့်တိုက်တွေဖြစ်ရင် နိုင်ငံသားတိုင်းအတွက် ပညာဗဟုသုတတွေ ဖြန့်ဖြူးနိုင်တဲ့နေရာ၊ ဘဝတစ်သက်တာလေ့လာသင်ကြားနိုင်တဲ့နေရာ၊ စာဖတ်သူတွေ လိုအပ်တဲ့ပညာအရင်းအမြစ်တွေ၊ သတင်းအချက်အလက်တွေ အချိန်နဲ့တစ်ပြေးညီ ဖြန့်ဖြူးနိုင်တဲ့နေရာ၊ အလုပ်အကိုင်အခွင့် အလမ်းရှာဖွေနိုင်တဲ့နေရာတစ်ခုဖြစ်တယ်ဆိုတာ လူသိအောင် လုပ်ဖို့ ( Library Marketing )ဟာ အရေးကြီးလာပါတယ်။

ဒါ့အပြင် ပြည်သူ့စာကြည့်တိုက်တွေဟာ မိတ်ဖက်အဖွဲ့အစည်း များနှင့် တက်ကြွစွာပူးပေါင်းဆောင်ရွက်ဖို့လည်း အလွန်အရေး ကြီးပါတယ်။ စာကြည့်တိုက်မှူးဝန်ထမ်းတွေဟာ မိမိတို့စာကြည့် တိုက်အတွင်း ဝန်ဆောင်မှု၊ လှုပ်ရှားမှုများ ဆောင်ရွက်သလို စာကြည့်တိုက်ပြင်ပမှာလည်း ကျေးရွာ၊ ရပ်ရွာ၊ မြို့နယ်၊ ခရိုင် များရှိ အဖွဲ့အစည်းတွေနဲ့ ပူးပေါင်းပြီး ရပ်ရွာအခြေပြု အစီအစဉ်၊ လှုပ်ရှားမှုတွေမှာ စိတ်ပါဝင်စားစွာ လက်တွဲဆောင်ရွက်ခြင်းဖြင့် စာကြည့်တိုက်များအတွက်၊ စာဖတ်သူများအတွက် အခွင့် အလမ်းကောင်းတွေ ပိုမိုဖန်တီးနိုင်မှာ ဖြစ်ပါတယ်။

ဥပမာအားဖြင့် အင်းစိန်မြို့နယ် ပြန်/ဆက်စာကြည့်တိုက် ဟာ Beyond Access Myanmar Project အထောက် အပံ့နဲ့ စာကြည့်တိုက်လုပ်ငန်းတွေ၊ အစီအစဉ်တွေ၊ လှုပ်ရှား မှုတွေကို Tablet တွေ၊ လှူဒါန်းရရှိတဲ့ စာအုပ်တွေနဲ့ အင်းစိန် မြို့နယ်သူ မြို့နယ်သားများအတွက် တက်ကြွစွာဆောင်ရွက်လျက် ရှိပါတယ်။ တစ်ချိန်တည်းမှာ အင်းစိန်မြို့နယ်အတွင်းရှိ ရပ်ရွာ အခြေပြု စာကြည့်တိုက်များ (Community Libraries)၊ ကျောင်းစာကြည့်တိုက်တွေနဲ့လည်း ချစ်ကြည်ရင်းနှီးစွာ ပူးပေါင်း ဆောင်ရွက်လျက်ရှိနေခြင်းဟာ အလွန်ထိရောက် အကျိုးရှိ သော စာကြည့်တိုက်အချင်းချင်း ပူးပေါင်းဆောင်ရွက်ခြင်း (effectively collaborating with partners and other Libraries) ဖြစ်ပါတယ်။ ဒီနေရာမှာ(Finding Partnership) မိတ်ဖက်အဖွဲ့အစည်းများရှာဖွေပြီး စာကြည့် တိုက်တိုးတက် အောင် ဆောင်ရွက်ခြင်းဆိုတဲ့ကဏ္ဍကိုလည်း လေ့လာအသုံးချဖို့ လိုအပ်လာပါတယ်။ အဲဒီလိုစာကြည့်တိုက် အချင်းချင်းပူးပေါင်းလုပ်ဆောင်ခြင်း၊ မိတ်ဖက် အဖွဲ့အစည်း များနဲ့ ပူးပေါင်းဆောင်ရွက်ခြင်းတို့ဖြင့် အကျိုးကျေးဇူးများစွာ ရရှိလာမှာ ဖြစ်ပါတယ်။

၁။ မိမိတို့စာကြည့်တိုက်ရဲ့ အရင်းအမြစ်များနှင့် အားသာ ချက်များကို မျှဝေခြင်း၊

၂။ အရည်အသွေး ပြည့်မီသော ဝန်ဆောင်မှုများပေး နိုင်ခြင်း၊

၃။ စာကြည့်တိုက်များအတွက် ရန်ပုံငွေနှင့် ရန်ပုံငွေရနိုင် သော အခွင့်အလမ်းကောင်းများ ဖန်တီးနိုင်ခြင်း၊

၎။ စာကြည့်တိုက်ပြင်ပလှုပ်ရှားမှုများ၊ စာကြည့်တိုက်နှင့် ဆက်စပ်လုပ်ငန်းများ၊ အစီအစဉ်အသစ်များဖြင့် စာဖတ်သူ အသစ်များကို ဆွဲဆောင်ခြင်း၊ စာဖတ်သူ ပိုမိုများပြားလာခြင်း၊

၅။ ပြည်သူများ၏ လိုအပ်ချက်များကို ပိုမိုသိရှိလာပြီး စာကြည့်တိုက်တွင် ဖြည့်ဆည်းပေးထားနိုင်ခြင်း၊

၆။ မိမိတို့၏ စာကြည့်တိုက်ကို ပြည်သူများ ပိုမိုသိရှိ လာခြင်း၊

၇။ ပြည်သူ့စာကြည့်တိုက်များနှင့် ကျောင်းစာကြည့် တိုက်များ ပူးပေါင်းဆောင်ရွက်ခြင်းဖြင့် ကျောင်းစာကြည့် တိုက်ဖွံ့ဖြိုးတိုးတက်ရေး၊ ကျောင်းစာကြည့်တိုက်များ ပြန်လည်ရှင်သန်ရေးတို့တွင် များစွာအထောက်အကူပြုစေမှာ ဖြစ်ပါတယ်။ ကျောင်းသား ကျောင်းသူ ၊ ဆရာ ဆရာမများက လည်း စာကြည့်တိုက်လုပ်ငန်းကို ပိုမိုနားလည်လာစေပြီး ကျောင်းစာကြည့်တိုက်ဟာ အဓိကအရေးကြီးတဲ့ အခန်း ကဏ္ဍမှာရှိကြောင်းသိရှိစေရန် တွန်းအားလည်းဖြစ်ပါတယ်။

၈။ စာပေဒါန၊ ပညာဒါနပြုချင်သူများထံသို့ စာကြည့် တိုက်ရဲ့လိုအပ်ချက် စာရင်းများအား ဖြန့်ဝေပေးထားခြင်းဖြင့် တစ်ဖက်တစ်လမ်းမှ စာအုပ်စာတမ်းများ စုဆောင်းရရှိနိုင်ခြင်း။
ဖွံ့ဖြိုးပြီးနှင့် ဖွံ့ဖြိုးဆဲနိုင်ငံတိုင်းမှာ ပြည်သူ့စာကြည့်တိုက် ဥပဒေပြဋ္ဌာန်းကာ ယင်းဥပဒေအရ ဒေသ္တရအဖွဲ့များက အခွန်ကောက်ပြီး စာကြည့်တိုက်များ အထူးတိုးတက်ဖွံ့ဖြိုး စေရန်၊ နိုင်ငံတကာနှင့် ရင်ပေါင်တန်းနိုင်စေရန်၊ အသိဉာဏ် အဆင့်အတန်းမြင့်မားစေရန်အတွက် ရန်ပုံငွေများတိုးမြှင့် ဆောင်ရွက်လျက်ရှိကြပါတယ်။

မြန်မာနိုင်ငံမှာလည်း ပြည်သူ့စာကြည့်တိုက်ဥပဒေ ပြဋ္ဌာန်းခြင်းဖြင့် ပြည်သူ့ စာကြည့်တိုက် ကွန်ရက်ကို ဖွဲ့စည်း တည်ထောင်နိုင်ဖို့ အထောက်အကူဖြစ်စေခြင်း၊ ခိုင်မာသော အုပ်ချုပ်မှုစနစ်ချမှတ်နိုင်ခြင်း၊ ပြည်သူ့စာကြည့်တိုက်များ အတွက် လုံလောက်တဲ့ဘဏ္ဍာငွေ အထောက်အပံ့ စဉ်ဆက် မပြတ်ရရှိနိုင်ခြင်း၊ စာကြည့်တိုက်အချင်းချင်းပူးပေါင်းကာ စာအုပ်၊ အင်တာနက်နှင့် နည်းပညာဆက်စပ်ပစ္စည်းများ စုဆောင်းဝယ်ယူခြင်း၊ စုပေါင်းစာစုစာရင်းနှင့် အခြား ဝန်ဆောင်မှု ဖြည့်ဆည်းပေးခြင်း စသည်ဖြင့် ခေတ်မီပြည်သူ့ စာကြည့်တိုက်တစ်ခုရဲ့ လက္ခဏာသွင်ပြင်တွေကို အကောင် အထည်ဖော်နိုင်မှာဖြစ်ပါတယ်။ ထို့အပြင် စာကြည့်တိုက် ဆိုင်ရာ ဝန်ဆောင်မှုအသစ်တွေ၊ နည်းပညာအသစ်တွေကို စာဖတ်သူများအား မိတ်ဆက်အသုံးပြုစေခြင်း၊ စာကြည့် တိုက်ကို စာဖတ်သူတွေအတွက် ဖွင့်ချိန်တိုးမြှင့်ပေးခြင်းနဲ့ ပြည်တွင်းပြည်ပ NGO အဖွဲ့တွေနဲ့ ပူးပေါင်းဆောင်ရွက် ခြင်းတို့ဖြင့် စာကြည့်တိုက်များတိုးတက်ကာ ရေရှည်တည်တံ့ ခိုင်မြဲစေမှာ ဖြစ်ပါတယ်။

အဆင့်မြင့်စာကြည့်တိုက်ဝန်ဆောင်မှုတွေကို အရည် အချင်းပြည့် စာကြည့်တိုက်မှူးတွေက အခမဲ့ဝန်ဆောင်မှု ပေးခြင်း၊ ပြည်သူ့စာကြည့်တိုက် အက်ဥပဒေများချမှတ်ကာ စာကြည့်တိုက်ဖွဲ့စည်းပုံနှင့် ဝန်ဆောင်မှုများကို တိုင်းဒေသကြီး၊ ပြည်နယ်၊ ခရိုင်အလိုက် ရေးဆွဲချမှတ်နိုင်ခြင်း၊ ပြည်သူ့စာကြည့် တိုက်တစ်ခုရဲ့ ခေတ်မီတဲ့ စီမံချက်ရေးဆွဲခြင်းဖြင့် ပြည်သူ့ စာကြည့်တိုက်မှူးတွေနဲ့အတူ ပြည်သူ့ကိုယ်စားလှယ်တွေ ပူးပေါင်းပါဝင်ဆောင်ရွက်နိုင်မယ့် အခွင့်အလမ်းတွေရရှိလာမှာ ဖြစ်ပါတယ်။

ပြည်သူ့စာကြည့်တိုက်တွေဟာ လူကြီးလူငယ်တိုင်း လွတ်လပ်စွာ တွေးခေါ်ဖန်တီးတီထွင်နိုင်တဲ့နေရာ၊ လွတ်လပ် စွာ ဆွေးနွေးပြောဆိုနိုင်တဲ့နေရာ၊ ဘဝတစ်သက်တာအတွက် လေ့လာသင်ယူနိုင်တဲ့နေရာ၊ တစ်ယောက်နဲ့ တစ်ယောက်၊ တစ်ဖွဲ့နှင့်တစ်ဖွဲ့ ချိတ်ဆက်နိုင်တဲ့နေရာ ဖြစ်တယ်ဆိုတာကို စာကြည့်တိုက်မှူး၊ စာဖတ်သူတိုင်း၊ စာကြည့်တိုက် မိတ်ဆွေ တိုင်း သိရှိနားလည်ပြီး အစိုးရရဲ့ ဘဏ္ဍာငွေ အလုံအလောက်ဖြင့် ဝိုင်းဝန်းကြိုးစားဖန်တီးမယ်ဆိုရင် ခေတ်မီသော၊ တိုးတက် သော၊ လှုပ်ရှားနေသော ပြည်သူ့စာကြည့်တိုက်များအဖြစ် မကြာခင်တွေ့မြင်လာရတော့မယ်လို့ ယုံကြည်ပါကြောင်း တင်ပြလိုက်ရပါတယ်။ ။