အမျိုးသားစာပေဆုချီးမြှင့်ရာတွင် ထည့်သွင်းစဉ်းစားနိုင်ရေးအတွက် စာအုပ်များပေးပို့ကြရန် စာရေးသူများ၊ စာပေထုတ်ဝေဖြန့်ချိသူများနှင့် စာဖတ်ပရိသတ်များသို့ မေတ္တာရပ်ခံနှိုးဆော်

ရန်ကုန် ဖေဖော်ဝါရီ ၁

 နိုင်ငံတော်အစိုးရသည် မြန်မာစာပေဖွံ့ဖြိုးတိုးတက်ရေးကို ရှေးရှု၍ စာပေပညာရှင်၊ အသိပညာရှင်၊ အတတ်ပညာရှင်များ ပါဝင်သော အမျိုးသားစာပေဆုစိစစ်ရွေးချယ်ရေးကော်မတီဖွဲ့စည်းကာ ပြက္ခဒိန်နှစ် တစ်နှစ်အတွင်း ထုတ်ဝေသော စာအုပ်များကို ဘာသာရပ် ၁၆ မျိုးခွဲခြား၍ အမျိုးသားစာပေ ဆုများ နှစ်စဉ်ချီးမြှင့်ပေးလျက်ရှိသည်။

အမျိုးသားစာပေဆုသည် နိုင်ငံတော်အဆင့် စာပေဆုဖြစ်၍ အမျိုးသားစာပေဆု စိစစ်ရွေးချယ်ရာတွင် လွတ်လပ်ပြီး မျှတမှုရှိစေရန် အမျိုးသားစာပေဆု စိစစ်ရွေးချယ်ရေးကော်မတီတွင် ပြန်ကြားရေးဝန်ကြီးဌာနမှ ဝန်ထမ်းများ မပါဝင်စေဘဲ စာပေပညာရှင်၊ အသိပညာရှင်၊ အတတ်ပညာရှင်များဖြင့်သာ ဖွဲ့စည်းထားသည်။ ရွေးချယ်ရာတွင်လည်း ဆုရသင့်၊ ရထိုက်သည့် စာအုပ်များရရှိစေရန် ပဏာမအဆင့်၊ ဆန်ခါတင်အဆင့်၊ အတည်ပြုအဆင့်ဟူ၍ အဆင့် သုံးဆင့်ပိုင်းခြား စိစစ်ရွေးချယ်လျက်ရှိသည်။

ယခုအခါထုတ်ပြန်ပြီးဖြစ်သည့် ပုံနှိပ်ခြင်းနှင့်ထုတ်ဝေခြင်းလုပ်ငန်း ဥပဒေအရ မူပိုင်ခွင့်မှတ်ပုံတင်ဌာနခွဲသို့ အဖိုးအခလွတ်ပေးပို့ရမည့် စာအုပ်စာရင်းများတွင် အမျိုးသားစာပေဆုစိစစ်ရွေးချယ်ရေးကော်မတီအတွက် မပါရှိတော့ပါ။ သို့ပါ၍ ၂ဝ၁၅ ခုနှစ်အတွင်း မိမိတို့ရေးသားခဲ့သော ပထမအကြိမ်ထုတ် စာအုပ်များမှ လေးအုပ်စီကို စာပေဆုများ အုပ်ချုပ်ထောက်ပံ့မှုကော်မတီသို့ ပေးပို့နိုင်ရေး ၁၉-၇-၂ဝ၁၅ ရက်နှင့် ၁၆-၁၁-၂ဝ၁၅ ရက်တို့တွင် နှိုးဆော်ခဲ့ပြီး ဖြစ်ပါသည်။

၂ဝ၁၅ ခုနှစ် ဇန်နဝါရီ ၁ ရက်မှ ၂ဝ၁၆ ခုနှစ် ဇန်နဝါရီ ၂၇ ရက်ထိ စာအုပ်စုစုပေါင်း ၃၁၅ အုပ်လက်ခံရရှိပြီးဖြစ်သည်။ ဘာသာရပ်အလိုက်ခွဲခြားလျှင် ဝတ္ထုရှည် ၁၉ အုပ်၊ ဝတ္ထုတိုပေါင်းချုပ် ၃၄ အုပ်၊ ကဗျာပေါင်းချုပ် ၁၅ အုပ်၊ စာပဒေသာ ၅၈ အုပ်၊ မြန်မာ့ယဉ်ကျေးမှုနှင့် အနုပညာဆိုင်ရာ ခြောက်အုပ်၊ ကလေးစာပေ ၁၁ အုပ်၊ လူငယ်စာပေ ခုနစ်အုပ်၊ ဘာသာပြန်(သုတ၊ရသ) ၃၉ အုပ်၊ သုတပဒေသာ(ဝိဇ္ဇာ)အုပ် ၇ဝ ၊ သုတပဒေသာ(သိပ္ပံ၊ အသုံးချသိပ္ပံ) ၂၇ အုပ်၊ ပြဇာတ်စာပေ တစ်အုပ်၊ နိုင်ငံရေးစာပေ အုပ် ၂ဝ၊ အင်္ဂလိပ်ဘာသာ(သုတ၊ ရသ) ကိုးအုပ်တို့ဖြစ်သည်။

၂ဝ၁၅ ခုနှစ်အတွင်း မိမိတို့ရေးသားခဲ့သော ပထမအကြိမ်ထုတ် စာအုပ်များမှ လေးအုပ်စီကိုစာပေဆုများ အုပ်ချုပ်ထောက်ပံ့မှုကော်မတီသုိ့ ပေးပို့နိုင်ရေး တတိယအကြိမ်ထပ်မံနှိုးဆော်အပ်ပါသည်။

စာအုပ်ရရှိရေး အစီအမံ ပိုမိုပြည့်စုံစေရန်နှင့် စာရေးဆရာများ အခွင့်အရေး ဆုံးရှုံးမှု မရှိစေရန် စာပေထုတ်ဝေဖြန့်ချိသူများနှင့် စာဖတ်ပရိသတ် တစ်ဦးချင်းတို့က အမျိုးသားစာပေဆုတွင် ထည့်သွင်းစဉ်းစားသင့်သည့် စာအုပ်များကိုဖြစ်စေ၊ စာအုပ်စာရင်းကိုဖြစ်စေ၊ အကြံပြုချက်များကိုဖြစ်စေ ပေးပို့လိုပါက ပေးပို့နိုင်ပါရန် ဖိတ်ခေါ်အပ်ပါသည်။

အမျိုးသားစာပေဆုအတွက် ထည့်သွင်းစဉ်းစားသင့်ကြောင့် အကြံပြုလိုသည့် အဖွဲ့အစည်း သို့မဟုတ် ပုဂ္ဂိုလ်သည် စာအုပ်အမည်၊ ရေးသားသူ၊ ထုတ်ဝေသည့်စာအုပ်တိုက်၊ ထုတ်ဝေသည့်ခုနှစ်တို့ကို ဖော်ပြ၍ စာပေဆုများ အုပ်ချုပ်ထောက်ပံ့မှုကော်မတီ စာပေဗိမာန်အမှတ် ၅၂၉-၅၃၁၊ ကုန်သည်လမ်း ရန်ကုန်မြို့ ဖုန်း ဝ၁-၃၇၆၅၆၉၊ ဝ၁-၃၇၄၅၃၂ နှင့် ဝ၁-၃၈၁၄၄၉ တို့သို့ ပေးပို့နိုင်သည်။ စာတိုက်မှ ပေးပို့လိုသူများအနေဖြင့် မှတ်ပုံတင်ပြုလုပ်၍ ပေးပို့နိုင်သည်။

စာပေဆုများ အုပ်ချုပ်ထောက်ပံ့မှုကော်မတီသည် လက်ခံရရှိသော စာအုပ်များကို စာအုပ်အမျိုးအစားအလိုက် စာရင်းသွင်းခြင်း၊ လက်ခံရရှိကြောင်းကို သက်ဆိုင်ရာ စာရေးဆရာသို့ အကြောင်းကြားစာပေးပို့ခြင်း၊ ပုံနှိပ်ရေးနှင့် ထုတ်ဝေရေးဦးစီးဌာန website ဖြစ်သော www.moi.gov.mm/ppd တွင် ပေးပို့လာသော စာအုပ်များစာရင်းကို အချိန်နှင့်တစ်ပြေးညီ လွှင့်တင်ခြင်း၊ ပြက္ခဒိန် နှစ်တစ်နှစ်အတွက် ထုတ်ဝေသည့် စာအုပ်များကို ယင်းနှစ်၏ နောက်တစ်နှစ်ဖြစ်သော ဖေဖော်ဝါရီလကုန်အထိ လက်ခံသွားခြင်းတို့ကို စနစ်တကျ ဆောင်ရွက်လျက်ရှိပါသည်။

၂ဝ၁၅ ခုနှစ် ဇန်နဝါရီ ၁ ရက်မှ ဒီဇင်ဘာ ၃၁ ရက်အထိ ကာလအတွင်း ပထမအကြိမ် ထုတ်ဝေခဲ့သော စာအုပ်များထဲမှ ၂ဝ၁၅ ခုနှစ်အတွက် အမျိုးသား စာပေဆုများကို စိစစ်ရွေးချယ်သွားမည်ဖြစ်ရာ စာအုပ်များကို ၂ဝ၁၆ ခုနှစ် ဖေဖော်ဝါရီ ၂၈ ရက်အထိ နောက်ဆုံးထား လက်ခံသွားမည်ဖြစ်ကြောင်း သိရသည်။

(သတင်းစဉ်)