နေပြည်တော်-သြဂုတ် ၈
ပလက်ဝမြို့ပေါ်ရှိ ရေဘေးသင့်ပြည်သူများအတွက်
ထောက်ပံ့ပစ္စည်းများ လှူဒါန်းပွဲကို ယနေ့နံနက် (၁၀)နာရီတွင် ပလက်ဝမြို့နယ် အထွေထွေအုပ်ချုပ်ရေး
ဦးစီးဌာနခန်းမ၌ကျင်းပရာ ကာကွယ်ရေး ဦးစီးချုပ်ရုံး (ကြည်း)မှ ဒုတိယဗိုလ်ချုပ်ကြီး
လှမင်း၊ ရခိုင်ပြည်နယ် ၀န်ကြီးချုပ် ဦးမောင်မောင်အုန်းနှင့် တာဝန်ရှိသူများ တက်ရောက်၍
ထောက်ပံ့ပစ္စည်းများ ပေးအပ်သည်။
ယနေ့ထောက်ပံ့ပေးပို့သော ပစ္စည်းများမှာ ဆန်
(၄၅)အိတ်၊ ကုလားပဲ ပိသာ (၉၉၀)၊ ဆီပိသာ(၁၆၀)ဖြစ်ပြီး တန်ဖိုးငွေစုစုပေါင်းမှာ (၇၁)သိန်းကျော်
ဖြစ်သည်။
ထို့အပြင် ချင်းပြည်နယ်အစိုးရအဖွဲ့မှ ကျပ်သိန်း(၁၀၀)တန်ဖိုးရှိ
ဆန်အိတ် (၄၀၀)ကိုလည်းကောင်း၊ ၀န်ကြီးချုပ်၏ သီးခြားလှူဒါန်းမှုအဖြစ် (၇၅)သိန်းတန်ဖိုးရှိ
ဆန်အိတ်(၃၀၀)တို့ကိုလည်းကောင်း တစ်ပါတည်း ပုိ့ဆောင် လှူဒါန်းခဲ့ကြောင်း သိရှိရသည်။
(သတင်းစဉ်)
No comments:
Post a Comment