ခြေထောက် အနံ့ဆိုး ထွက်တာက အမျိုးသားတွေမှာ
အဖြစ်များတဲ့ ပြဿနာပါ။ ဖြစ်တဲ့အမျိုးသားနဲ့ သူ့ပတ်ဝန်းကျင်က လူတွေအတွက် စိတ်အနှောင့်
အယှက် ဖြစ်စရာ ခံစားချက်လည်း ဖြစ်ပါတယ်။ အမျိုးသား တွေမှာ အဖြစ်များရတဲ့ အဓိက အကြောင်းရင်းက
ရှူးဖိနပ်တစ်ရံတည်းကို နေ့တိုင်းစီးတာကြောင့် ဖြစ်ပါတယ်။
ဘာကြောင့်ခြေထောက် ချွေးထွက်ရသလဲ ဆိုတော့
ခန္ဓာကိုယ်ရဲ့ တခြားနေရာတွေထက် ခြေထောက်မှာ ချွေးဂလင်း ပိုရှိပါတယ်။ ပုံမှန်အပူချိန်မှာတောင်
ခြေထောက်က ချွေးထွက် တတ်ပါတယ်။ ဆယ်ကျော်သက် အရွယ်တွေမှာ ဟော်မုန်း အပြောင်း အလဲကြောင့်
ခြေထောက် ချွေးထွက်နိုင်ခြေ ပိုများပါတယ်။ စိတ်ဖိစီးမှု များတဲ့အခါနဲ့ ချွေးထွက်များတဲ့
ကျန်းမာရေးပြဿနာ ရှိတဲ့အခါ ခြေထောက်က ချွေးထွက်နိုင်ခြေပိုများပါတယ်။
ရှူးဖိနပ်စီးပြီး ချွေးထွက် နေတဲ့အခါ
ခြေထောက်အနံ့ဆိုး ထွက်တတ်သလို စိုနေတဲ့ ဖိနပ်ကိုမခြောက်သေးခင် စီးမိတဲ့အခါမှာလည်း ခြေထောက်
အနံ့ဆိုးထွက်တတ်ပါတယ်။ ခြေထောက်တွေကတစ်နေ့လုံး ရှူးဖိနပ်ထဲမှာ ချွေးထွက်ပြီး စိုစွတ်ရာက
ဘက်တီးရီးယားတွေ ပွားများ လာပါတယ်။ အဲဒီအချိန်မှာဖိနပ်ချွတ် လိုက်ရင်တောင် ဘက်တီးရီးယားတွေ
ဆက်ပွား နေတတ်ပါတယ်။ နောက်တစ်နေ့မှာ အဲဒီဖိနပ် ပြန်စီးလိုက်ရင် ခြေထောက် အနံ့ဆိုး ဆက်လက်
ထွက်ရှိ နေမှာပဲ ဖြစ်ပါတယ်။
ခြေထောက်အနံ့ဆိုး မထွက်အောင် တစ်ကိုယ်ရေသန့်ရှင်းရေး
ကောင်းအောင် ဂရုစိုက်ရပါမယ်။ ပြီးရင် ရှူးဖိနပ်ကိုပုံမှန် လဲစီးပေးရပါမယ်။ ရှူးဖိနပ်တစ်ရန်တည်းကို
နှစ်ရက်ဆက်တိုက် မစီးသင့်ပါဘူး။ တစ်နေ့ စီးပြီးရင် နောက်တစ်နေ့လောက် ခြောက်သွေ့အောင်
ထားသင့်ပါတယ်။ ခြေထောက်ကို နေ့တိုင်း ဆေးကြောပြီး ခြောက်သွေ့အောင် ထားရပါမယ်။ ခြေအိတ်ကို
တစ်နေ့အနည်းဆုံး တစ်ကြိမ် အသစ် လဲပေးရပါမယ်။ ခြေထောက်ကို ချွေးနံ့ပျောက်ဆေးဖျန်းပေးရပါမယ်။
သားရေဖိနပ်၊ ကင်းဗတ်ရှူး စတာတွေက လေ၀င်လေ ထွက်ကောင်းလို့ စီးပေးသင့်ပါတယ်။
ခြေထောက်အနံ့ဆိုး ထွက်တာကင်းစင်သွားစေဖို့
ခြေထောက်တွေကို ဘက်တီးရီးယား ပိုးသတ်ဆပ်ပြာနဲ့ ဆေးကြောပေးသင့်ပါတယ်။ နှစ်မိနစ်လောက်
အဲဒီဆပ်ပြာနဲ့ တိုက်ပြီးဆေးပေးပါ။ တစ်နေ့နှစ်ကြိမ်လောက် လုပ်ပေးရင် တစ်ပတ်အတွင်းအနံ့ဆိုး
ထွက်တာ သက်သာသွား ပါလိမ့်မယ်။ ခြေထောက်ကို ဆားရည်ထဲစိမ်ကာ ကြေးချွတ်ဆေးကြော ပေးရင်လည်း
အနံ့ဆိုး ကင်းစင်စေနိုင်ပါတယ်လို့ ၂၅-၂-၂၀၁၅ရက်နေ့ထုတ် Good Healthဂျာနယ် အမှတ်(၅၂၈)မှ
ကေအမ်ရေးသားသော ဆောင်းပါးအား ကောက်နှုတ်တင်ဆက် ပေးလိုက် ပါတယ်။
No comments:
Post a Comment