ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ ဦးတင်အေး The Richardson Center နှင့် American Council of Young Political Leaders အဖွဲ့မှ ပညာရှင်များအား လက်ခံတွေ့ဆုံ

နေပြည်တော်  ဇန်နဝါရီ ၁၉ ရက်

ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ ဦးတင်အေးသည် The Richardson Center နှင့် American Council of Young Political Leaders အဖွဲ့မှ ပညာရှင်များအား ယနေ့မွန်းလွဲ ၂ နာရီတွင် နေပြည်တော်ရှိ ပြည်ထောင်စု ရွေးကောက်ပွဲ ကော်မရှင်ရုံး ဧည့်ခန်းမဆောင်၌ လက်ခံ တွေ့ဆုံသည်။

ထိုသို့တွေ့ဆုံရာတွင်  The Richardson Center နှင့် American Council of Young Political Leaders အဖွဲ့မှ ရွေးကောက်ပွဲနှင့် ပတ်သက်၍ မဲစာရင်းပြုစုခြင်း၊ Voter Education ဆောင်ရွက်မှု၊ CSO များအနေဖြင့် ပါဝင် ဆောင်ရွက်နိုင်မည့် ကဏ္ဍများအား မေးမြန်းရာ ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌက မဲစာရင်းပြုစုခြင်း ဆိုင်ရာ လုပ်ငန်းများ ဆောင်ရွက်နေမှု၊ ၂၀၁၅ ရွေးကောက်ပွဲအတွက် ဆောင်ရွက်လျက် ရှိသည့် လုပ်ငန်းစဉ်များ၊ CSO များအနေဖြင့် ရွေးကောက်ပွဲ လုပ်ငန်းစဉ်များတွင် ပူးပေါင်း ဆောင်ရွက်ခြင်းဖြင့် လည်းကောင်း၊ Observer အနေဖြင့် လည်းကောင်း၊ ဆောင်ရွက်နိုင်သည့် အခြေအနေများနှင့် ပူးပေါင်း ဆောင်ရွက်မည့် CSO များအနေဖြင့် ပါတီနိုင်ငံရေး ကင်းရှင်းရန် လိုအပ်မှုတို့ကို ရှင်းလင်း ပြောကြားခဲ့သည်။

ယင်းသို့ တွေ့ဆုံရာတွင် ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌနှင့်အတူ ကော်မရှင် အဖွဲ့ဝင်များ ဖြစ်ကြသော ဦးမြင့်နိုင်၊ ဦးအောင်မြင့်၊ ဒေါက်တာ ဒေါ်မြင့်ကြည်၊ ဦးဝင်းကြည်၊ ဦးညွန့်တင်၊ ဦးဝင်းကို၊ အတွင်းရေးမှူး ဦးတင်ထွန်းနှင့် ကော်မရှင်ရုံးမှ တာဝန်ရှိသူများ တက်ရောက်ခဲ့ကြောင်း သတင်း ရရှိသည်။