မိတ္ထီလာခရိုင်၊
ဝမ်းတွင်းမြို့နယ် နေပူကုန်းကျေးရွာအုပ်စု၊ နေပူကုန်းစံပြကျေးရွာဦး လေးထပ် ဘုန်းတော်ကြီးကျောင်း ရှိ
ရှေးဟောင်း ကျောင်းကြီး၊ ရှေးဟောင်း စေတီများ၊ ဆွမ်းစားကျောင်းနှင့် ဓမ္မရိပ်သာကျောင်းများ
ပြုပြင်မွမ်းမံ တည်ဆောက် သွားရေး အတွက် အလှူငွေ ပေးအပ်ပွဲ အခမ်းအနားကို ဇန်န၀ါရီ ၁၉ နံနက်
၉ နာရီက အဆိုပါကျောင်းတွင် ကျင်းပပြုလုပ်ကြောင်း သိရသည်။
အခမ်းအနားတွင်
နေပြည်တော် ၊ ပျဉ်းမနားမြို့ ပေါင်းလောင်းရပ်ကွက်နေ အလှူရှင် ဦးဟံသာ၊ ဒေါ်မြင့်မြင့်ကြည်
(ယဉ်ကျေးမှု လက်ထောက် ညွှန်ကြားရေးမှူး-ငြိမ်း) ပစ်တိုင်းထောင် သစ်စက်မှ လှူဒါန်းသော
ကျပ် ၄၀၀ သိန်း ကို ကျောင်းအကျိုးတော်ဆောင် အဖွဲ့ဝင် တစ်ဦးမှ လက်ခံရယူသည်။ ၄င်းနောက်
နေပူကုန်း လေးထပ်ကျောင်းတိုက် ဦးစီးပဓာနနာယက
ဆရာတော်ဘဒ္ဒန္တသီလာစာရ အမှူးပြုသည့်သံဃာတော် ၉ ပါးတို့မှ ဓမ္မရိပ်သာကျောင်း ဆောက်လုပ် မည့်မြေနေရာ အား
မြေသန့်မင်္ဂလာကို ဆောင်ရွက်တော်မူကြောင်း သတင်းရရှိသည်။
No comments:
Post a Comment