နိုင်ငံရေးသမားနှင့်မီဒီယာ

မင်းဗထူး

လွန်ခဲ့သော ဆယ်စုနှစ် ကာလ အတွင်းက ဖြစ်ပါသည်။ ကျွန်တော်၏ လုပ်ဆောင် ချက်တစ်ရပ် အပေါ် အဝေဖန် ခံနေရစဉ် အစည်း အဝေးတစ်ခု မစတင်မီ အချိန်ပိုင်း ကလေး၌ နောင်တော်ကြီး တစ်ဦးက ကျွန်တော့်ကို စေတနာဖြင့် အလွတ် သဘော အကြံတစ်ခု ပေးခဲ့ပါတယ်။ ''မင်းက ဒီနေရာမှာ ရန်ဖြစ်လိုက် ရမှာကွ” ၊ ကျွန်တော် ချက်ချင်း မေးခွန်း ထုတ်လိုက် မိပါတယ်။ “ကျွန်တော် ငယ်ငယ် ကတည်းက တစ်ခါမျှ ရန်မဖြစ် ခဲ့ဖူးဘူး၊ အခု အသက် ၆၀ ကျော်မှ ဘယ်လိုလုပ် ရန်ဖြစ်ရမှာလဲ” နိုင်ငံ့ဝန်ထမ်း တစ်ဦးအဖြစ် ကိုယ့်ကိုယ်ကိုယ် ခံယူထားစဉ် ကာလက ကိုယ့်အယူအဆ မှန်တယ်၊ သူ့အယူ အဆ မှားတယ်လို့ ပြောရမှာ ကျွန်တော် အလွန် ဝန်လေး ပါတယ်။ ဘာကြောင့်လဲ ဆိုတော့ ကျွန်တော်တို့ လုပ်နေသော အလုပ်၊ ရေးနေ သောစာ၊ ပြောနေသော စကား အများစု တို့သည် မဖောက် မပြန် အမြဲ မှန်ကန် နေသော သဘော တရား၊ ပရမတ္ထ တရားများ မဟုတ် ကြသောကြောင့် ဖြစ်ပါသည်။

သို့ရာတွင် ၂ဝ၁ဝ ရွေးကောက်ပွဲမှ စတင်၍ ကျွန်တော်သည် ပါတီစုံ ခေတ်ကို မျှော်မှန်းလျက် ကိုယ့်ကိုယ်ကိုယ် နိုင်ငံရေးသမား တစ်ယောက်ရဲ့ စိတ်အနေ အထား ရရှိအောင် ကြိုးစား ပြုပြင် ခဲ့ပါတယ်။ နိုင်ငံရေး သမား တစ်ယောက် ဖြစ်လာလျှင် နိုင်ငံရေး ရည်မှန်းချက် ရှိရမယ်၊ ဒီရည်မှန်း ချက်ဟာ မဲဆန္ဒရှင် များရဲ့ လိုလားချက်နဲ့ ကိုက်ညီမှ မဲရနိုင်လိမ့် မယ်လို့ ရိုးရှင်းစွာ စဉ်းစား ခဲ့ပြီး ကျွန်တော် အရွေး ခံမည့် မြို့နယ် အတွင်းမှာ ကျွန်တော်၏ နိုင်ငံရေး ရည်မှန်းချက်ကို ထုတ်ပြန် ကြေညာ ခဲ့ပါတယ်။ “ပြည်သူလူထု ပထမ” ဟု ကြွေးကြော်လျက် အိမ်တိုင် ရာရောက် မဲဆွယ် စည်းရုံးမှု များကို တစ်လမ်းဝင် တစ်လမ်းထွက် လုပ်ခဲ့ပါတယ်။ မရေရာ မသေချာမှုများ ရှိနေလင့်ကစား ကိုယ့်ကိုယ်ကိုယ် ယုံကြည်မှု ကတော့ အပြည့်အဝ ရရှိခဲ့ပါတယ်။ မဲပေးရမည့်ရက် နီးကပ် လာချိန်တွင် အခြား ကိုယ်စား လှယ်လောင်း တစ်ဦးက သတင်းဌာန ကြီးတစ်ခုကို ပြောကြားချက် များဟာ သတင်း အမှား တစ်ခုနဲ့ ကျွန်တော့်ကို ပုဂ္ဂိုလ်ရေး တိုက်ခိုက် သလို ဖြစ်သွား ခဲ့ပါတယ်။ ကျွန်တော်လည်း စဉ်းစားချိန်က သိပ်မရ၊ ရွေးကောက်ပွဲ ရက်က ကပ်နေပြီ၊ မဲဆန္ဒရှင် များဘက် က ဘယ်လောက် ခံနိုင်ရည် ရှိမလဲ၊ ကျွန်တော့် အပေါ် ယုံကြည်မှု ဘယ်လောက် ဆုံးရှုံးသွား မလဲဟူ၍ သောက များခဲ့ရပါ တယ်။ ဒါ့ကြောင့် အဖြစ်မှန်ကို ကျွန်တော့်ရဲ့ ကိုယ်ပိုင် ဘလောဂ်တွင် ဖွင့်ချခဲ့မိပါတယ်။ စာဖြင့် ရန်ဖြစ် သည့်ပုံစံ ဖြစ်သွားခဲ့ သော ကျွန်တော်၏ တုံ့ပြန်မှုသည် မဲပေးသည့်နေ့ မရောက်မီ တစ်ရက် အလိုတွင်မှ သတင်းဌာန တချို့နှင့် ပြည်တွင်း ဂျာနယ် တစ်ခု တွင်သာ ဖော်ပြခဲ့တာ တွေ့ရ ပါတယ်။ ဒီလို လုပ်ဆောင်ခြင်း ဖြင့် ကျွန်တော့်ရဲ့ ထောက်ခံမဲ မည်မျှကို ဆယ်တင် နိုင်ခဲ့သည်မှာ မသေချာ သော်လည်း မဲဆန္ဒ ရှင်များရဲ့ ရင်ထဲက မရှင်း မလင်း ဖြစ်စေသည့် ကိစ္စကိုမူ အထိုက် အလျောက် ပြေပျောက် သွားစေ လိမ့်မယ် လို့တော့ ယုံကြည် ပါတယ်။

နိုင်ငံ့ ဝန်ထမ်း စိတ်အနေ အထား ထားရှိခဲ့စဉ်က “ကိုယ်ကောင်းလျှင် ကိုယ်ခေါင်း ဘယ်မရွေ့” ဆိုသည့် ခံယူချက်၊ ကိုယ်တစ်ဦးတည်း အတွက် ခံနိုင်ရည် စိတ်ထား ရှိနိုင် သော်လည်း နိုင်ငံရေး သမား တစ်ယောက်ရဲ့ စိတ်အနေ အထားဖြင့် စဉ်းစား ရာတွင်မူ ကိုယ်ပိုင် ခံစားချက်ထက် လူထု ဆက်သွယ်ရေး အကျိုး သက်ရောက်မှုကို ဦးစား ပေးခဲ့ရပြီး လူထု အမြင် ပုံလွှာမှာ လွဲမှားမှု မရှိစေရေး အတွက် အလေး ထားပြီး တုံ့ပြန် ခဲ့ရခြင်း သာဖြစ် ပါတယ်။ စိတ်ပညာရှင် ဘရန်ဒမ်၏ မိမိကိုယ်မိမိ တန်ဖိုး ထားခြင်းနှင့် ဆိုင်သော စာအုပ် များကို နှစ်ခြိုက်စွာ ဖတ်ရှု ခဲ့သူတစ်ဦး အနေဖြင့် အခြား လူများ အပေါ် လေးစားမှု၊ ကြင်နာမှုနှင့် ရက်ရောမှု များသည် မိမိကိုယ်မိမိ တန်ဖိုး ထားခြင်းနှင့် ဆက်စပ် နေသည့် အကြောင်း အရာကို ကောင်းစွာ နားလည် ထားပါတယ်။ ဒါကြောင့်လည်း တစ်ဖက်သား မထိခိုက်ရေး အတွက်တော့ ဂရုစိုက် ရေးသားခဲ့ ပါတယ်။

ရွေးကောက်ပွဲတွင် ကျွန်တော်က လွတ်လွတ် လပ်လပ် အနိုင်ရ ခဲ့ပါတယ်။ ဒါပေမယ့် ရွေးကောက်ပွဲရက် နီးကပ်ချိန် ကျွန်တော့်ရဲ့ မီဒီယာ အသုံးပြု တုံ့ပြန်မှုသည် တရား မျှတမှု ရှိရဲ့လား၊ အခြား ရွေးချယ် စရာ နည်းလမ်း အမှန် တကယ် မရှိတော့ ဘူးလား၊ သံဝရ တရား ကျိုးပေါက် ခဲ့တာလား၊ အဖန်ဖန် အထပ်ထပ် စဉ်းစား ရင်းဖြင့် စာနယ်ဇင်း သမားများရဲ့ ကျင့်ဝတ်များကို စတင် လေ့လာ မိလျက်သား ဖြစ်ခဲ့ ရပါတယ်။ ကမ္ဘာ အရပ် ရပ်တွင် စာနယ်ဇင်းသမား ထောင်ပေါင်း များစွာ တို့သည် မိမိတို့ရဲ့ ဆန္ဒအရ ဂုဏ်သိက္ခာ ကြီးမား သော အပြည်ပြည် ဆိုင်ရာ စာနယ်ဇင်း အတတ် ပညာရှင် အသင်းကြီး (အက်စ်ပီဂျေ) ရဲ့ ကျင့်ဝတ် များကို စံပြု အပ်သော လမ်းညွှန် ချက်များ အဖြစ် ကျယ်ပြန့်စွာ ကျင့်သုံးလျက် ရှိနေကြတာ တွေ့ရပါတယ်။ ဒီအသင်း ကြီးက ကြေညာ ထားသော ကျင့်ဝတ် များတွင် ပင်မ အချက်ကြီး (၄)ချက်သာရှိပြီး အချက်ငယ် (၃၇)ချက် ပါဝင် ပါတယ်။ “အမှန် တရား ရှာဖွေ တင်ပြပါ” ဟူသော အချက် ကြီး၏ အောက်၌ “မှားယွင်း သည့် စွပ်စွဲချက် များအား တုံ့ပြန် နိုင်မည့် အခွင့် အရေး ပေးရမည်'' ဟူသော ဖော်ပြချက် အရ ကျွန်တော်ရဲ့ ပြီးခဲ့သော အပြု အမူသည် ကျွန်တော့် အတွက် ရရှိသော အခွင့် အရေး တစ်ရပ် သာဖြစ်ကြောင်း သိရှိ ခဲ့ရ ပါတယ်။ အလျဉ်း သင့်၍ ကျန်အချက်ကြီး သုံးချက် ကိုလည်း စာဖတ် သူများ အတွက် စကား လက်ဆောင် ပေးလိုပါတယ်။ ဒီအချက် များကတော့ “အခြား လူများကို ထိခိုက် နစ်နာမှု အနည်းဆုံး ဖြစ်ပါစေ”၊ “အခြား အကျိုး စီးပွား အတွက် မဟုတ်သော အများပြည်သူ သိရှိခွင့် အတွက် လွတ်လပ်စွာ ပြုမူ ဆောင်ရွက်ပါ” ၊ “တာဝန်ယူမှု ရှိပါစေ” ဟူ၍ ဖြစ်ပါတယ်။ အပြည်ပြည် ဆိုင်ရာ မီဒီယာ ကျင့်ဝတ်သည် ဘယ်လောက်များ တရားမျှတ သိက္ခာရှိ လိုက်ပါ သလဲ၊ ကျန်အချက် ငယ်များကို ကြုံကြိုက်သည့် အခါတွင် ဖော်ပြပေး သွားပါမယ်။

ကျွန်တော်သည် ဒီမိုကရေစီ ပြုပြင် ပြောင်းလဲရေး ကာလတွင် နေရာဌာန အမျိုးမျိုး၌ ပြောင်းလဲ ထမ်းဆောင်ခဲ့ ရသော်လည်း နိုင်ငံတော် အစိုးရရဲ့ မူဝါဒက ပြည်သူ ဗဟိုပြုသော မူဝါဒ ဖြစ်သည့် အတွက် ကျွန်တော်ရဲ့ မူလ နိုင်ငံရေး ရည်မှန်း ချက်ကို ပိုမို ခိုင်မာ စေခဲ့ ပါတယ်။ အများ ပြည်သူ အကျိုး စီးပွား အတွက် ကိုယ်လုပ် နိုင်သော အတိုင်း အတာ အတွင်း ဘယ်လို တာဝန် မျိုးမဆို စွန့်လွှတ်၍ လုပ်ဆောင် တော့မည်ဟု ဆုံးဖြတ်ခဲ့ပြီး ပြီးခဲ့ သည့်နှစ်က စတင်၍ မီဒီယာ ဖွံ့ဖြိုး တိုးတက်ရေး နည်းလမ်း အသွယ်သွယ်ကို  ရှုထောင့် အဖုံဖုံမှ ချဉ်းကပ် ၍ ဆက်လက် လေ့လာ သင်ယူ နေခဲ့ ပါတယ်။ မီဒီယာ လုပ်ငန်းများ သင်ယူ နေဆဲ မှာပင် ကျွန်တော့်ကို မထိ ခလုတ် ထိခလုတ် ပုံစံ မျိုးဖြင့် စတင် တိုက်ခိုက် မှုများ ခံလာ ရ၍ မကြာ ခဏလည်း တုံ့ပြန် ဖြေရှင်း နေခဲ့ ရပါတယ်။

ဒီနေရာတွင် ကျွန်တော် နားလည်သော နိုင်ငံရေး သမားနဲ့ မီဒီယာ ဆက်ဆံရေး အကြောင်း ဥပစာရ တစ်ခုကို အနည်းငယ် ရှင်းလင်း တင်ပြ လိုပါတယ်။ နိုင်ငံရေး သမားသည် သင်္ဘောသားနဲ့ တူသည်၊ မီဒီယာသည် ပင်လယ်နှင့် တူသည်၊ သင်္ဘောသားသည် မည်သည့် အခါမျှ ပင်လယ်ကို မကောင်း မပြောအပ်ပါ။ အဘယ်ကြောင့် ဆိုသော် ပင်လယ်သည် သူ့သဘာဝ အတိုင်း တည်ရှိ နေသောကြောင့် ဖြစ်သည်။ ရာသီ ဥတု ဖောက်ပြန် လာ၍ မုန်တိုင်း ထန်ရခြင်း အတွက် ပင်လယ် ပြင်၌ တာဝန် မရှိပါ။ အလားတူ နိုင်ငံရေး သမား ကလည်း မီဒီယာကို ဘယ်တော့မျှ မကောင်း မပြောရ ပါဘူး။ သို့ရာတွင် သင်္ဘောသားသည် ပင်လယ်ကို မကြောက်ရ သလို နိုင်ငံရေး သမားကလည်း မီဒီယာကို မကြောက်သင့်ပါ။ နိုင်ငံရေး သမား၏ နိုင်ငံရေး ရည်မှန်း ချက်က သင်္ဘောနှင့် တူသည်။ ဘယ်လောက် လှိုင်းလေ ထန်ထန်၊ ကျောက်ဆောင် ကျောက်သားတွေ ပေါများသည့် ပင်လယ် ဖြစ်ပါစေ သင်္ဘောသားသည် သင်္ဘောကို လိုရာ ဆိပ်ကမ်းသို့ ရောက်အောင် ကျွမ်းကျင်စွာ ခုတ်မောင်း သွားနိုင်ဖို့ လိုသလို နိုင်ငံရေး သမားသည် အများ ပြည်သူ အကျိုး စီးပွား အတွက် နိုင်ငံရေး ရည်မှန်းချက် တစ်ခုကို ဘယ်လောက် အခက်အခဲရှိရှိ အောင်မြင်အောင် အကောင် အထည် ဖော်နိုင်စွမ်း ရှိရပါမယ်။ “ကြမ်းတမ်းသော ပင်လယ်ပြင် ကသာ ကျွမ်းကျင်သော သင်္ဘောသား ကောင်းများကို မွေးထုတ် ပေးနိုင်တယ်”လို့ ဆိုစကား ရှိပါတယ်။ ပင်လယ် ပြင်ကို ကြောက်ပြီး သင်္ဘော မတက်ရဲလျှင် သင်္ဘော သားကောင်း မဖြစ်နိုင်ပါ။ ပုဂ္ဂိုလ် အချို့က မီဒီယာ ရှေ့မှောက်တွင် မိမိ၏ နိုင်ငံရေး ရည်မှန်း ချက်ကို ရဲရဲရင့်ရင့် ချပြရမည့် အစား “ထမင်း ရည်ပူလာ၊ လျှာလွှဲ” အမှန် တရားနှင့် ကင်းလွတ်၍ အလိုက်သင့် ဟန်ဆောင် ပြောကြားချက် များသည် နိုင်ငံရေး သမားကောင်း၏ အပြုအမူ မဟုတ်ပါ။ နိုင်ငံရေး သမားသည် လူထု ခေါင်းဆောင် တစ်ယောက်လည်း ဖြစ်ပါတယ်။ ခေါင်းဆောင် တစ်ယောက်မှာ ခိုင်မာသော ရပ်တည်ချက် မရှိလျှင် သူ့ကို မည်သူက လာအားကိုးနိုင်ပါ့မလဲ။

ကျွန်တော်သည် ၁၉၉၈ ခုနှစ်က “ခေါင်းဆောင်များ အတွက် စစ်ဆေးရန် အချက်များ” ဟူသော အမည်ဖြင့် စာအုပ် တစ်အုပ်ကို ရေးသား ထုတ်ဝေ ခဲ့ဖူးပါတယ်။ ထိုစာအုပ်တွင် မီဒီယာနှင့် ဆက်ဆံခြင်း ဟူသော ခေါင်းစဉ် အောက်၌ “ကျွန်ုပ်တို့၏ ဟန်ဆောင်မှု၊ အပြောတခြား အလုပ် တခြား ဖြစ်မှု၊ စိတ်မပါဘဲ အလိုက်သင့် ပြောဆိုမှုနှင့် မုသာဝါဒ ကျင့်သုံးမှု တို့သည် ကျွန်ုပ်တို့၏ ပုံရိပ်ကို အကျည်းတန် စေပါလိမ့်မည်။ အတွင်း ခံစားမှု အစစ် အမှန်နှင့် ပြင်ပ ဆက်သွယ်မှု ပုံစံ တစ်ထပ်တည်း မတူခြင်းသည် လိမ်လည် လှည့်ဖြားခြင်း အပျော့စား တစ်မျိုး ဖြစ်သော သူတော်ယောင် ဆောင်မှုပင် ဖြစ်ပါသည်။ ဤအချက်သည် လူအများနှင့် ဆက်ဆံရာ၌ အမြဲ အရှုံးနှင့် ရင်ဆိုင် နေရမည့် အပြု အမူလည်း ဖြစ်၏” ဟု ရေးသား ဖော်ပြခဲ့ ဖူးပါတယ်။

ယခုအခါ ကျွန်တော်တို့ ဖြတ်သန်း နေသော ပင်လယ် ပြင်သည် ခက်ခဲ ကြမ်းတမ်း ပါတယ်။ ပင်လယ်ပြင်ကို ထွက်မလာခင် ကတည်းက ဒီလို အခြေ အနေ မျိုးကို မျှော်လင့် ထားပြီး ဖြစ်၍ မထူးဆန်းပါ။ စွန့်လွှတ် စွန့်စားသော စိတ်မရှိလျှင်၊ နဂိုကတည်းက နိုင်ငံရေး ရည်မှန်းချက် မရှိလျှင် ပင်လယ်ကို ထွက်လာ လိမ့်မည် မဟုတ်ပါ။ အများပြည်သူ အကျိုးစီးပွား အတွက် နိုင်ငံရေး ရည်မှန်းချက်ကို ခိုင်ခိုင် မာမာ ချမှတ် ထားခဲ့သည့် အတွက်သာ ကျွန်တော်တို့သည် ပင်လယ်ပြင်ကို ဖြတ်သန်း နေရခြင်း ဖြစ်ပါတယ်။ ဤသို့ ဆိုလျှင် အများ ပြည်သူ အကျိုးစီးပွား ဆိုသည်မှာ အဘယ်နည်း။ ။

(ဆက်လက်ဖော်ပြပါမည်)