နေပြည်တော် စက်တင်ဘာ ၉
ပြန်ကြားရေးဝန်ကြီးဌာန မီဒီယာဖွံ့ဖြိုးတိုးတက်ရေးဦးစီးဌာနနှင့် အိန္ဒိယနိုင်ငံ Indian Technical and Economic Cooperation (ITEC) တို့ပူးပေါင်းဖွင့်လှစ်သည့် News and News Article Writing သင်တန်းမှ အုပ်ချုပ်သူ ဆရာ ဆရာမများနှင့် သင်တန်းသား သင်တန်း သူ ၃၀ တို့သည် ယမန်နေ့နံနက်ပိုင်းက နေပြည်တော်-တပ်ကုန်းရှိ မြန်မာ့အသံနှင့်ရုပ်မြင်သံကြားတွင် လေ့လာကြသည်။
ဦးစွာ မြန်မာ့အသံနှင့်ရုပ်မြင်သံကြားပင်မအဆောက်အအုံ Auditorium ခန်းမ၌ မြန်မာ့အသံနှင့် ရုပ်မြင်သံကြားဝန်ထမ်းများက MRTV Theme Song ဖြင့် သီဆိုကပြဖျော်ဖြေကြပြီး “နိုင်ငံတော်နှင့်ပြည်သူ့အကျိုးအတွက် စဉ်ဆက်မပြတ်ကြိုးပမ်းစွမ်းဆောင်နေသည့် နိုင်ငံတော်မီဒီယာ” Video Clip ကို ပြသသည်။
ထို့နောက် မြန်မာ့အသံနှင့်ရုပ်မြင်သံကြား ဒုတိယညွှန်ကြားရေးမှူးချုပ် ဦးစောမြင့်ဇော်က ကြိုဆိုနှုတ်ခွန်းဆက်စကားပြောကြားပြီး Studio အား ကြည့်ရှုလေ့လာကာ သင်တန်းသား သင်တန်းသူများသည် မြန်မာ့အသံနှင့်ရုပ်မြင်သံကြား ပင်မအဆောက်အအုံရှိ Radio Recording Studio ၊ News Studio 2 နှင့် Audio Mastering Studio တို့တွင် အသံသွင်းမှုတို့ကို ကြည့်ရှုလေ့လာကြသည်။
ဆက်လက်၍ သင်တန်းသားသင်တန်းသူများသည် မြန်မာ့အသံနှင့်ရုပ်မြင်သံကြား စိန်ရတုပြတိုက်တွင် ခင်းကျင်းပြသထားရှိမှုများကို ကြည့်ရှုလေ့လာခဲ့ကြပြီး ပြတိုက်ဆိုင်ရာမှတ်သားဖွယ်ရာအဖြေလွှာများတွင် ပြည့်စုံစွာဖြေဆိုနိုင်သည့် သင်တန်းသားသင်တန်းသူများအား အမှတ်တရလက်ဆောင်များပေးအပ်ခဲ့ ကြောင်း သိရသည်။
သတင်းစဉ်
No comments:
Post a Comment