ရှေ့နေရှေ့ရပ်များအတွက် AML/CFT/CPF သင်တန်း ဖွင့်လှစ်

နေပြည်တော် ဩဂုတ် ၁၅

ရှေ့နေရှေ့ရပ်များသည်‌ ငွေကြေးခဝါချမှုတိုက်ဖျက်ရေးဥပဒေအရ ကြိုတင်ကာကွယ်ရေးနှင့် သတင်း ပို့တာဝန်ကို ဆောင်ရွက်ရမည့် သတင်းပို့အဖွဲ့အစည်းများဖြစ်ပြီး ပြည်ထောင်စုတရားလွှတ်တော် ချုပ်၏ ရှေ့နေရှေ့ရပ်နှင့် စစ်ဆေးရေးဌာနက ကြီးကြပ်ရေးအာဏာပိုင်အဖြစ် ကြီးကြပ်ဆောင်ရွက် ကြောင်း ယနေ့နံနက်ပိုင်းတွင် Hotel Max နေပြည်တော်၌ ပြည်ထောင်စုတရားလွှတ်တော်ချုပ်က ကြီးမှူးကျင်းပသည့် ရှေ့နေရှေ့ရပ်များအတွက် AML/CFT/ CPF သင်တန်းမှ သိရသည်။

သင်တန်းဖွင့်ပွဲအခမ်းအနားတွင် ပြည်ထောင်စုတရားသူကြီးချုပ် ဦးသာဌေးက မြန်မာပြည်သူ တို့၏ဘဝ လုံခြုံမှုရှိစေရန်နှင့် နိုင်ငံ့စီးပွားရေးဖွံ့ဖြိုးမှုကို အဟန့်အတားမဖြစ်စေရန် AML/ CFT/CPFကို ငွေကြေးဆိုင်ရာအရေးယူဆောင်ရွက်ရေးအဖွဲ့ FATF (Financial Action Task Force) ၏ အကြံပြုချက်များနှင့်အညီ ဆောင်ရွက်လျက်ရှိကြောင်း၊AML/CFT အမျိုးသားအဆင့် မဟာဗျူဟာ ပထမသက်တမ်း (၂၀၁၉- ၂၀၂၃) လွန်မြောက်၍ ဒုတိယသက်တမ်း (၂၀၂၄-၂၀၂၈) ကာလ အတွင်းရောက်ရှိ‌ အကောင်အထည်ဖော်လျက်ရှိပါကြောင်း။

ငွေကြေးခဝါချမှုတိုက်ဖျက်ရေး/ အကြမ်းဖက်မှုကို ငွေကြေးထောက်ပံ့မှုတိုက်ဖျက်ရေး/ လူအများအပြား သေကြေစေသော လက်နက်ပြန့်ပွားရေးကို ငွေကြေးထောက်ပံ့မှု တိုက်ဖျက်ရေးတို့ကို ထိရောက်စွာ အရေးယူဆောင်ရွက်ရန်စသည့် ရည်ရွယ်ချက်များဖြင့် ၂၀၂၆ ခုနှစ် ငွေကြေးခဝါချမှုတိုက်ဖျက်ရေးဥပဒေအသစ် ပြဋ္ဌာန်းခဲ့ပြီးလည်းဖြစ်ပါကြောင်း ယခုသင်တန်းသည် ရှေ့နေရှေ့ရပ်များအတွက် AML/CFT ဆိုင်ရာ အသိပညာနှင့် စွမ်းဆောင်ရည် မြင့်မားရေးကို ရည်ရွယ်၍ ဖွင့်လှစ်ခြင်းဖြစ်ကြောင်း၊ ရှေ့နေရှေ့ရပ်များအနေဖြင့် ဥပဒေကပြဋ္ဌာန်း သတ်မှတ်ချက်များနှင့် ကြီးကြပ်ရေးအာဏာပိုင်၏ လမ်းညွှန်ချက်များကို လိုက်နာဆောင်ရွက်ကြရန် အသိပေးပြောကြားခဲ့သည်။

သင်တန်းကို ဩဂုတ် ၁၅ ရက် မှ ၁၆ ရက်အထိ ဖွင့်လှစ်သွားမည်ဖြစ်ပြီး ငွေကြေးခဝါချမှုနှင့် အကြမ်းဖက်မှုကို ငွေကြေးထောက်ပံ့မှု တိုက်ဖျက်ရေးဆိုင်ရာ အမျိုးသားအဆင့် မဟာဗျူဟာ (၂၀၂၄-၂၀၂၈) နှင့် ပြည်ထောင်စု တရားလွှတ်တော်ချုပ် AML /CFT အမျိုးသားအဆင့် မဟာဗျူဟာဆိုင်ရာ လုပ်ငန်းအစီအစဉ် (၂၀၂၆ခုနှစ်) ၏ လုပ်ငန်းအစီအစဉ် ၂.၆.၂၊ ၃.၁.၁၊ ၃.၂.၂.၊ ၃.၂.၄၊ ၃.၃.၂ တို့အရ ဆောင်ရွက်ခြင်းဖြစ်ကြောင်း သိရသည်။

သင်တန်းဖွင့်ပွဲသို့ ပြည်ထောင်စုတရားလွှတ်တော်ချုပ် တရားသူကြီးများ၊ ညွှန်ကြားရေးမှူးချုပ်နှင့် တာဝန်ရှိသူများ၊ ခရိုင်အဆင့် တရားသူကြီးများ၊ AML/ CFT လုပ်ငန်းအဖွဲ့ ဒုတိယဥက္ကဋ္ဌ၊ တရားလွှတ်တော်ရှေ့နေများကောင်စီ ဒုတိယဥက္ကဋ္ဌနှင့် အတွင်းရေးမှူး၊ ငွေကြေးဆိုင်ရာ စုံစမ်း ထောက်လှမ်းရေးအဖွဲ့၊ အထူးစုံစမ်းစစ်ဆေးရေးဦးစီးဌာနမှ သင်တန်းပို့ချမည့်သူများ၊ ရန်ကုန် တိုင်းဒေသကြီး၊ မန္တလေးတိုင်း ဒေသကြီး၊ ဧရာဝတီတိုင်းဒေသကြီး၊ ပဲခူးတိုင်းဒေသကြီး၊ နေပြည် တော်ကောင်စီနယ်မြေ၊ ကရင်ပြည်နယ်နှင့် ရှမ်းပြည်နယ်တို့မှ ရှေ့နေရှေ့ရပ်များ တက်ရောက်ခဲ့ ကြောင်း သိရသည်။

သတင်းစဉ်