နေပြည်တော် ဇူလိုင် ၂၇
မြောက်ဥက္ကလာပ ပြည်သူ့ဆေးရုံကြီးတွင် မင်္ဂလာဒုံမြို့နယ်၌ နေထိုင်သည့် အသက် (၂၅) နှစ်အရွယ်ရှိ အမျိုးသားတစ်ဦး သစ်စက်တွင် အလုပ်လုပ်နေစဉ် ပြတ်တောက်သွားသော လက်ညှိုးကို ပြန်လည်ဆက်ပေးသည့် ခွဲစိတ်ကုသမှု အောင်မြင်စွာဆောင်ရွက်နိုင်ခဲ့ကြောင်း သိရသည်။
ဖြစ်စဉ်မှာ မင်္ဂလာဒုံမြို့နယ်၌
နေထိုင်သော အသက် (၂၅) နှစ်အရွယ်ရှိ အမျိုးသားတစ်ဦးသည် သစ်စက်တွင် အလုပ်လုပ်နေစဉ် ဇူလိုင်
၂ ရက် နံနက် ၉ နာရီခွဲက သစ်ဖြတ်စက်ဖြင့် ထိခိုက်မိပြီး ဝဲဘက်လက်ညှိုး၏ အလယ်ခန့်မှ ထက်ပိုင်းပြတ်တောက်သွားသဖြင့်
အင်းစိန်ပြည်သူ့ဆေးရုံကြီးမှတစ်ဆင့် မြောက်ဥက္ကလာပပြည်သူ့ဆေးရုံကြီး၊ အရိုးရောဂါကုသဆောင်၊
လက်ပိုင်းဆိုင်ရာ ခွဲစိတ်ကုသမှုအဖွဲ့သို့ ချိတ်ဆက်ဆက်သွယ်ပြီး ယင်းနေ့ညနေပိုင်းတွင်
လွှဲပြောင်းရောက်ရှိလာရာ လက်ညှိုးပြန်ဆက်ရန် လိုအပ်သော စစ်ဆေးမှုများကို အမြန်ဆုံးပြုလုပ်ပြီး
ညနေ ၅ နာရီခွဲမှ နောက်တစ်နေ့ နံနက် ၀၀:၃၀ နာရီအထိ လက်ချောင်းပြန်ဆက်သည့် ခွဲစိတ်ကုသမှုကို
ဆောင်ရွက်ခဲ့သည်။
ခွဲစိတ်ပြီးနောက်
လက်ပိုင်းဆိုင်ရာ ခွဲစိတ်ကုသမှု အထူးကုဆရာဝန်ကြီးများက အနီးကပ်စောင့်ကြည့်၍ လိုအပ်သောကုသမှုများကို
အချိန်နှင့်တစ်ပြေးညီ ဆောင်ရွက်ခဲ့ရာ ပြန်ဆက်ထားသောလက်ညှိုးမှာ ကောင်းမွန်စွာရှင်သန်လျက်ရှိသဖြင့်
ဇူလိုင် ၁၆ ရက် ခွဲစိတ်ပြီး ၁၄ ရက်မြောက်နေ့တွင် ဆေးရုံမှပြန်လည်ဆင်းနိုင်ခဲ့ပြီး လိုအပ်သောလေ့ကျင့်ခန်းများ
ဆက်လက်ဆောင်ရွက်လျက်ရှိကြောင်း သိရသည်။
သတင်းစဉ်
No comments:
Post a Comment