ပြည်ထောင်စုဝန်ကြီး Jeng Phang နော်တောင် ဟိုတယ်ဇုန်(၁)အတွင်းရှိ ဟိုတယ်များ ကြည့်ရှုစစ်ဆေး

နေပြည်တော် ဩဂုတ် ၇

ပြည်ထောင်စုနယ်မြေ နေပြည်တော်အတွင်းရှိ ဟိုတယ်နှင့်ခရီးသွားလုပ်ငန်းများ ဖွံ့ဖြိုးတိုးတက်လာ စေရေး၊ ခရီးသွားဆွဲဆောင်ရာနေရာများသို့ ဧည့်သည်များ ပိုမိုလာရောက်လည်ပတ်ရေး အကောင်အထည် ဖော်ဆောင်ရွက်လျက်ရှိရာ အားကစားနှင့်လူငယ်ရေးရာဝန်ကြီးဌာနနှင့် ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး Jeng Phang နော်တောင်သည် ဒုတိယဝန်ကြီး ဦးဖြိုးဇော်စိုး၊ တာဝန်ရှိသူများနှင့်အတူ ယနေ့နံနက်ပိုင်းက ပြည်ထောင်စုနယ်မြေ နေပြည်တော် ဒဏ္ခိဏသီရိမြို့နယ် ဟိုတယ်ဇုန်(၁) ရာဇသင်္ဂဟလမ်းမကြီးရှိ ဟိုတယ်များမှ ငလျင်ဒဏ်သင့် ဟိုတယ်အဆောက်အအုံ၊ အခန်းများနှင့် ခန်းမများ ပြင်ဆင်ဆောင်ရွက်နေမှု၊ ပြင်ဆင်ပြီး ဟိုတယ်များ၌ ဧည့်သည်များ လက်ခံဝန်ဆောင်မှုပေးနေမှုနှင့် ဟိုတယ်အင်္ဂါရပ်နှင့်အညီ သန့်ရှင်းသာယာလှပရေး ဆောင်ရွက်ထားရှိမှုတို့ကို ကြည့်ရှုစစ်ဆေးသည်။

ကြည့်ရှုစစ်ဆေးစဉ် ပြည်ထောင်စုဝန်ကြီးက နိုင်ငံတကာအစည်းအဝေးနှင့် အခမ်းအနားများ လက်ခံကျင်းပနိုင်ရန် ပြင်ဆင်ဆောင်ရွက်ကြရေး၊ မြို့တော်အင်္ဂါရပ်နှင့်အညီ သန့်ရှင်းသာယာလှပရေး၊ နိုင်ငံတကာစံနှုန်းများနှင့်အညီ အစိမ်းရောင်ဟိုတယ်များဖြစ်စေရေး၊ ဟိုတယ်များ၏ ဝန်ဆောင်မှုအရည်အသွေး၊ စံနှုန်းသတ်မှတ်ချက် အဆင့်အတန်း ထိန်းသိမ်းဆောင်ရွက်ရေး၊ ပြင်ဆင်ဆဲအခန်းများ ဆောလျင်စွာပြီးစီးရန်နှင့် ကောင်းမွန်သောဝန်ဆောင်မှုများပေးနိုင်ရန် ကြိုတင်စီစဉ်ထားကြရေး၊ လာရောက် တည်းခိုသူများ ဘာသာရေးဆောင်ရွက်နိုင်ရန် ဘုရားခန်း၊ ဝတ်ပြုဆုတောင်းခန်းများ စီစဉ်ထားရှိ နိုင်ရေး၊ စားဖိုဆောင်များ သန့်ရှင်းသပ်ရပ်စွာထားရှိရေး၊ အစားအစာများကို သန့်ရှင်းပြီး ကျန်းမာရေးနှင့် ညီညွတ်အောင် ပြင်ဆင်ချက်ပြုတ်ကြရေး၊ မြန်မာ့ရိုးရာယဉ်ကျေးမှုအနုပညာပစ္စည်းများ ခင်းကျင်း ပြသရေးနှင့် ဟိုတယ်သုံးပစ္စည်းများကို ပြည်တွင်းမှ ထုတ်လုပ်သောပစ္စည်းများကို အတတ်နိုင်ဆုံး အသုံး ပြုရေး မှာကြားသည်။

ထို့နောက် ပြည်ထောင်စုဝန်ကြီးသည် ဟိုတယ်ဝင်းအတွင်း သီးပင်စားပင်များ စိုက်ပျိုးထားရှိမှု၊ နေရောင်ခြည်စွမ်းအင်သုံး ဆိုလာစနစ်တပ်ဆင်သုံးစွဲနိုင်ရေး ပြင်ဆင်ထားရှိမှုတို့ကို ကြည့်ရှုစစ်ဆေးပြီး လိုအပ်သည်များ ဖြည့်စွက်မှာကြားသည်။

သတင်းစဉ်