ထန်းတပင်(ရန်ကုန်) အောက်တိုဘာ ၂
၂၀၂၄ ခုနှစ် လူဦးရေနှင့်အိမ်အကြောင်းအရာ သန်းခေါင်စာရင်းကောက်ယူခြင်းလုပ်ငန်းများကို ရန်ကုန် တိုင်းဒေသကြီး၊ ထန်းတပင်မြို့နယ်အတွင်း အောက်တိုဘာလ(၁)ရက်နေ့မှ စတင်၍ မြို့နယ်သန်းခေါင် စာရင်းကော်မတီ၏ ကြီးကြပ်မှုဖြင့် သက်ဆိုင်ရာသန်းခေါင်စာရင်း ကောက်ကွက်များအလိုက် တာဝန်ရှိသူများက ဆောင်ရွက်လျက်ရှိပြီးသန်းခေါင်စာရင်း ကောက်ယူခြင်းလုပ်ငန်း ဆောင်ရွက်နေမှုအခြေ အနေများကိုလည်း ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်းနှင့် တိုင်းဒေသကြီးအစိုးရအဖွဲ့ဝင် ဝန်ကြီးများက ကြည့်ရှုအားပေးခဲ့သည်။
ကြည့်ရှုအားပေးရာတွင်
ရန်ကုန်တိုင်းဒေသကြီး ဝန်ကြီးချုပ်ဦးစိုးသိန်း၊ တိုင်းဒေသကြီး အစိုးရအဖွဲ့ဝင်ဝန်ကြီးများ၊
တိုင်းဒေသကြီးတာဝန်ရှိသူများနှင့် ခရိုင်စီမံအုပ်ချုပ်ရေးအဖွဲ့မှ တာဝန်ရှိသူများက ညောင်သုံးပင်ကျေးရွာတွင်
သန်းခေါင်စာရင်းကောက်ယူခြင်းလုပ်ငန်း ဆောင်ရွက်နေမှုအခြေအနေများကို ကြည့်ရှုအားပေးခဲ့ကြကြောင်းသိရသည်။
၂၀၂၄
ခုနှစ်၊ လူဦးနှင့်အိမ်အကြောင်းအရာသန်းခေါင်စာရင်း ကောက်ယူခြင်းလုပ်ငန်းကို ထန်းတပင်မြို့နယ်အတွင်း
စာရင်းစစ် (၃၃)ဦးနှင့် စာရင်းကောက် (၁၂၆)ဦး စုစုပေါင်း (၁၅၉)ဦးတို့ဖြင့်
စာရင်းကောက်အဖွဲ့ပေါင်း(၃၀)တို့ဖြင့် ကောက်ကွက်ပေါင်း
(၃၉)ကွက်ကို အောက်တိုဘာလ(၁)ရက်နေ့မှ အောက်တိုဘာလ(၁၅)ရက်နေ့အထိ CAPI စနစ်ထည့်သွင်းထားသည့် Mobile
Tablet များဖြင့် ကောက်ယူသွားမည်ဖြစ်ကြောင်းလည်းသိရသည်။
No comments:
Post a Comment