Thursday, May 23, 2024

မြိတ်မြို့နယ် လသာရွာနှင့် တနင်္သာရီမြို့နယ် ရမ်းဖိုကျေးရွာတို့မှ အမျိုးသမီးတစ်ဦးအပါအဝင် ဒေသခံခြောက်ဦးကို လုံခြုံရေးတပ်ဖွဲ့ဝင်များကရိုက်နှက်၍ ဖမ်းဆီးသွားခဲ့ကြောင်း မဟုတ်မမှန် လှုံ့ဆော်ဝါဒဖြန့်ရေးသားလျက်ရှိ

 


နေပြည်တော် မေ ၂၂

မြိတ်မြို့နယ် လသာကျေးရွာနှင့် တနင်္သာရီမြို့နယ် ရမ်းဖိုကျေးရွာအနီးတွင် မေ ၂၀ ရက်က ယာဉ်တန်းမိုင်းဆွဲတိုက်ခိုက်ခံရသဖြင့် လုံခြုံရေးတပ်ဖွဲ့ဝင်များက အမျိုးသမီးတစ်ဦးအပါအဝင် ဒေသခံခြောက်ဦး ရိုက်နှက်ဖမ်းဆီးခံခဲ့ရကြောင်း သတင်းတု၊ သတင်းအမှားများကို တရားမဝင်ပြည်ဖျက်မီဒီယာများက လူမှုကွန်ရက်စာမျက်နှာပေါ်တွင် မဟုတ်မမှန်စွပ်စွဲရေးသား ဖော်ပြလျက်ရှိသည်ကို တွေ့ရှိရသည်။

ဖြစ်စဉ်အမှန်မှာ မြိတ်မြို့နယ် လသာကျေးရွာအနီး လုံခြုံရေးတပ်ဖွဲ့ဝင်များ လုံခြုံရေးဆောင်ရွက်နေစဉ် PDF အမည်ခံအကြမ်းဖက်သမားများက အဝေးမှ ချောင်းမြောင်းပစ်ခတ်ခဲ့သဖြင့် လုံခြုံရေးတပ်ဖွဲ့ဝင်များက ပြန်လည်ပစ်ခတ်ခဲ့ရာ အကြမ်းဖက်သမားများ ဆုတ်ခွာထွက်ပြေးသွားခဲ့ကြောင်းနှင့် ဒေသခံပြည်သူတစ်ဦးတစ်ယောက်မျှ ဖမ်းဆီးထိန်းသိမ်းထားခြင်းမရှိကြောင်း သက်ဆိုင်ရာနယ်မြေလုံခြုံရေး တာဝန်ရှိသူတစ်ဦး၏ ပြောကြားချက်အရ သိရှိရသည်။

ထိုသို့ အကြမ်းဖက်သမားများ၏ ချောင်းမြောင်းပစ်ခတ်ခဲ့သည့် ဖြစ်စဉ်အပေါ် ဒေသခံပြည်သူများ ကြောက်ရွံ့ထိတ်လန့်စေရန်နှင့် လုံခြုံရေးတပ်ဖွဲ့ဝင်များအပေါ် အထင်အမြင်လွဲမှားစေရန်အတွက် တရားမဝင်ပြည်ဖျက် မီဒီယာများမှတစ်ဆင့် လူမှုကွန်ရက်စာမျက်နှာပေါ်တွင် မဟုတ်မမှန် လုပ်ကြံရေးသားကာ လှုံ့ဆော်ဝါဒဖြန့်ဝေခြင်းသာဖြစ်ကြောင်း သတင်းရရှိသည်။

သတင်းစဉ်

No comments:

Post a Comment